Lev 14

Teljes szövegű keresés

Lev 14
Lev 14.1
וַיְדַבֵּר יְהוָה אֶל־מֹשֶׁה לֵּאמֹר׃
Lev 14.2
זֺאת תִּהְיֶה תּוֺרַת הַמְּצֹרָע
בְּיֺום טָהֳרָתוֺ וְהוּבָא אֶל־הַכֹּהֵן׃
Lev 14.3
וְיָצָא הַכֹּהֵן אֶל־מִחוּץ לַמַּחֲנֶה
וְרָאָה הַכֹּהֵן וְהִנֵּה נִרְפָּא נֶגַע־הַצָּרַעַת
מִנ־הַצָּרוּעַ׃
Lev 14.4
וְצִוָּה הַכֹּהֵן וְלָקַח לַמִּטַּהֵר
שְׁתֵּי־צִפֳּרִים חַיֺּות טְהֹרוֺת
וְעֵץ אֶרֶז וּשְׁנִי תוֺלַעַת וְאֵזֺב׃
Lev 14.5
וְצִוָּה הַכֹּהֵן וְשָׁחַט אֶת־הַצִּפּוֺר
הָאֶחָת אֶל־כְּלִי־חֶרֶשׂ עַל־מַיִם
חַיִּים׃
Lev 14.6
אֶת־הַצִּפֹּר הַחַיָּה יִקַּח אֹתָהּ
וְאֶת־עֵץ הָאֶרֶז וְאֶת־שְׁנִי
הַתּוֺלַעַת וְאֶת־הָאֵזֺב וְטָבַל
אוֺתָם וְאֵת הַצִּפֹּר הַחַיָּה בְּדַם
צִּפֹּר הַשְּׁחֻטָה עַל הַמַּיִם הַחַיִּים׃
Lev 14.7
וְהִזָּה עַל הַמִּטַּהֵר מִנ־הַצָּרַעַת
שֶׁבַע פְּעָמִים וְטִהֲרוֺ וְשִׁלַּח
אֶת־הַצִּפֹּר הַחַיָּה עַל־פְּנֵי
הַשָּׂדֶה׃
Lev 14.8
וְכִבֶּס הַמִּטַּהֵר אֶת־בְּגָדָיו וְגִלַּח
אֶת־כָּל־שְׂעָרוֺ וְרָחַץ בַּמַּיִם
וְטָהֵר וְאַחַר יָבוֺא אֶל־הַמַּחֲנֶה
וְיָשַׁב מִחוּץ לְאָהֳלוֺ שִׁבְעַת
יָמִים׃
Lev 14.9
וְהָיָה בַיֺּום הַשְּׁבִיעִי יְגַלַּח
אֶת־כָּל־שְׂעָרוֺ אֶת־רֹאשׁוֺ וְאֶת־זְקָנֺו
וְאֵת גַּבֹּת עֵינָיו וְאֶת־כָּל־שְׂעָרוֺ
יְגַלֵּחַ וְכִבֶּס אֶת־בְּגָדָו וְרָחַץ
אֶת־בְּשָׂרוֺ בַּמַּיִם וְטָהֵר׃
Lev 14.10
וּבַיֺּום הַשְּׁמִינִי יִקַּח שְׁנֵי־כְבָשִׂים
תְּמִימִים וְכַבְשָׂה אַחַת בַּת־שְׁנָתָהּ
תְּמִימָה וּשְׁלֹשָׁה עֶשְׂרֹנִים סֹלֶת
מִנְחָה בְּלוּלָה בַשֶּׁמֶן וְלֹג אֶחָד
שָׁמֶן׃
Lev 14.11
וְהֶעֱמִיד הַכֹּהֵן הַמְטַהֵר אֵת
הָאִישׁ הַמִּטַּהֵר וְאֹתָם לִפְנֵי
יְהוָה פֶּתַח אֹהֶל מוֺעֵד׃
Lev 14.12
וְלָקַח הַכֹּהֵן אֶת־הַכֶּבֶשׂ הָאֶחָד
וְהִקְרִיב אֹתוֺ לְאָשָׁם וְאֶת־לֹג
הַשָּׁמֶן וְהֵנִיף אֹתָם תְּנוּפָה
לִפְנֵי יְהוָה׃
Lev 14.13
וְשָׁחַט אֶת־הַכֶּבֶשׂ בִּמְקוֺם אֲשֶׁר
יִשְׁחַט אֶת־הַחַטָּאת וְאֶת־הָעֹלָה
בִּמְקוֺם הַקֹּדֶשׁ כִּי כַּחַטָּאת הָאָשָׁם
הוּא לַכֹּהֵן קֹדֶשׁ קָדָשִׁים הוּא׃
Lev 14.14
וְלָקַח הַכֹּהֵן מִדַּם הָאָשָׁם וְנָתַן
הַכֹּהֵן עַל־תְּנוּך אֹזֶן הַמִּטַּהֵר
הַיְמָנִית וְעַל־בֹּהֶן יָדוֺ הַיְמָנִית
וְעַל־בֹּהֶן רַגְלוֺ הַיְנִית׃
Lev 14.15
וְלָקַח הַכֹּהֵן מִלֹּג הַשָּׁמֶן וְיָצַק
עַל־כַּף הַכֹּהֵן הַשְּׂמָאלִית׃
Lev 14.16
וְטָבַל הַכֹּהֵן אֶת־אֶצְבָּעוֺ הַיְמָנִית
מִנ־הַשֶּׁמֶן אֲשֶׁר עַל־כַּפּוֺ הַשְּׂמָאלִית
וְהִזָּה מִנ־הַשֶּׁמֶן בְּאֶצְבָּעוֺ שֶׁבַע
פְּעָמִים לִפְנֵי יְוָה׃
Lev 14.17
וּמִיֶּתֶר הַשֶּׁמֶן אֲשֶׁר עַל־כַּפּוֺ
יִתֵּן הַכֹּהֵן עַל־תְּנוּך אֹזֶן
הַמִּטַּהֵר הַיְמָנִית וְעַל־בֹּהֶן
יָדוֺ הַיְמָנִית וְעַל־בֹּהֶן רַגְלוֺ
הַיְמָנִית עַל דַּם הָאָשָׁם׃
Lev 14.18
וְהַנֺּותָר בַּשֶּׁמֶן אֲשֶׁר עַל־כַּף
הַכֹּהֵן יִתֵּן עַל־רֹאשׁ הַמִּטַּהֵר
וְכִפֶּר עָלָיו הַכֹּהֵן לִפְנֵי יְהוָה׃
Lev 14.19
וְעָשָׂה הַכֹּהֵן אֶת־הַחַטָּאת וְכִפֶּר
עַל־הַמִּטַּהֵר מִטֻּמְאָתוֺ וְאַחַר
יִשְׁחַט אֶת־הָעֹלָה׃
Lev 14.20
וְהֶעֱלָה הַכֹּהֵן אֶת־הָעֹלָה וְאֶת־הַמִּנְחָה
הַמִּזְבֵּחָה וְכִפֶּר עָלָיו הַכֹּהֵן
וְטָהֵר׃ ס
Lev 14.21
וְאִמ־דַּל הוּא וְאֵין יָדוֺ מַשֶּׂגֶת
וְלָקַח כֶּבֶשׂ אֶחָד אָשָׁם לִתְנוּפָה
לְכַפֵּר עָלָיו וְעִשָּׂרוֺן סֹלֶת
אֶחָד בָּלוּל בַּשֶּׁמֶן לְמִנְחָ וְלֹג
שָׁמֶן׃
Lev 14.22
וּשְׁתֵּי תֹרִים אוֺ שְׁנֵי בְּנֵי
יֺונָה אֲשֶׁר תַּשִּׂיג יָדוֺ וְהָיָה
אֶחָד חַטָּאת וְהָאֶחָד עֹלָה׃
Lev 14.23
וְהֵבִיא אֹתָם בַּיֺּום הַשְּׁמִינִי
לְטָהֳרָתוֺ אֶל־הַכֹּהֵן אֶל־פֶּתַח
אֹהֶל־מוֺעֵד לִפְנֵי יְהוָה׃
Lev 14.24
וְלָקַח הַכֹּהֵן אֶת־כֶּבֶשׂ הָאָשָׁם
וְאֶת־לֹג הַשָּׁמֶן וְהֵנִיף אֹתָם
הַכֹּהֵן תְּנוּפָה לִפְנֵי יְהוָה׃
Lev 14.25
וְשָׁחַט אֶת־כֶּבֶשׂ הָאָשָׁם וְלָקַח
הַכֹּהֵן מִדַּם הָאָשָׁם וְנָתַן עַל־תְּנוּך
אֹזֶנ־הַמִּטַּהֵר הַיְמָנִית וְעַל־בֹּהֶן
יָדוֺ הַיְמָנִית וְעַ־בֹּהֶן רַגְלוֺ
הַיְמָנִית׃
Lev 14.26
וּמִנ־הַשֶּׁמֶן יִצֹק הַכֹּהֵן עַל־כַּף
הַכֹּהֵן הַשְּׂמָאלִית׃
Lev 14.27
וְהִזָּה הַכֹּהֵן בְּאֶצְבָּעוֺ הַיְמָנִית
מִנ־הַשֶּׁמֶן אֲשֶׁר עַל־כַּפּוֺ הַשְּׂמָאלִית
שֶׁבַע פְּעָמִים לִפְנֵי יְהוָה׃
Lev 14.28
וְנָתַן הַכֹּהֵן מִנ־הַשֶּׁמֶן אֲשֶׁר
עַל־כַּפּוֺ עַל־תְּנוּך אֹזֶן הַמִּטַּהֵר
הַיְמָנִית וְעַל־בֹּהֶן יָדוֺ הַיְמָנִית
וְעַל־בֹּהֶן רַגְלוֺ הַיְמָנִית עַל־מְקוֺם
דַּם הָאָשָׁם׃
Lev 14.29
וְהַנֺּותָר מִנ־הַשֶּׁמֶן אֲשֶׁר עַל־כַּף
הַכֹּהֵן יִתֵּן עַל־רֹאשׁ הַמִּטַּהֵר
לְכַפֵּר עָלָיו לִפְנֵי יְהוָה׃
Lev 14.30
וְעָשָׂה אֶת־הָאֶחָד מִנ־הַתֹּרִים
אוֺ מִנ־בְּנֵי הַיֺּונָה מֵאֲשֶׁר
תַּשִּׂיג יָדוֺ׃
Lev 14.31
אֵת אֲשֶׁר־תַּשִּׂיג יָדוֺ אֶת־הָאֶחָד
חַטָּאת וְאֶת־הָאֶחָד עֹלָה עַל־הַמִּנְחָה
וְכִפֶּר הַכֹּהֵן עַל הַמִּטַּהֵר לִפְנֵי
יְהוָה׃
Lev 14.32
זֺאת תּוֺרַת אֲשֶׁר־בּוֺ נֶגַע צָרָעַת
אֲשֶׁר לֹא־תַשִּׂיג יָדוֺ בְּטָהֳרָתוֺ׃
ף
Lev 14.33
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Lev 14.34
כִּי תָבֹאוּ אֶל־אֶרֶץ כְּנַעַן
אֲשֶׁר אֲנִי נֺתֵן לָכֶם לַאֲחֻזָּה
וְנָתַתִּי נֶגַע צָרַעַת בְּבֵית אֶרֶץ
אֲחֻזַּתְכֶם׃
Lev 14.35
וּבָא אֲשֶׁר־לוֺ הַבַּיִת וְהִגִּיד
לַכֹּהֵן לֵאמֹר כְּנֶגַע נִרְאָה לִי
בַּבָּיִת׃
Lev 14.36
וְצִוָּה הַכֹּהֵן וּפִנּוּ אֶת־הַבַּיִת
בְּטֶרֶם יָבֹא הַכֹּהֵן לִרְאוֺת
אֶת־הַנֶּגַע וְלֹא יִטְמָא כָּל־אֲשֶׁר
בַּבָּיִת וְאַחַר כֵּן יָבֹא הַכֹּהֵן
לִרְאוֺת אֶת־הַבָּיִת׃
Lev 14.37
וְרָאָה אֶת־הַנֶּגַע וְהִנֵּה הַנֶּגַע
בְּקִירֹת הַבַּיִת שְׁקַעֲרוּרֹת יְרַקְרַקֹּת
אוֺ אֲדַמְדַּמֹּת וּמַרְאֵיהֶן שָׁפָל
מִנ־הַקִּיר׃
Lev 14.38
וְיָצָא הַכֹּהֵן מִנ־הַבַּיִת אֶל־פֶּתַח
הַבָּיִת וְהִסְגִּיר אֶת־הַבַּיִת שִׁבְעַת
יָמִים׃
Lev 14.39
וְשָׁב הַכֹּהֵן בַּיֺּום הַשְּׁבִיעִי
וְרָאָה וְהִנֵּה פָּשָׂה הַנֶּגַע בְּקִירֹת
הַבָּיִת׃
Lev 14.40
וְצִוָּה הַכֹּהֵן וְחִלְּצוּ אֶת־הָאֲבָנִים
אֲשֶׁר בָּהֵן הַנָּגַע וְהִשְׁלִיכוּ
אֶתְהֶן אֶל־מִחוּץ לָעִיר אֶל־מָקוֺם
טָמֵא׃
Lev 14.41
וְאֶת־הַבַּיִת יַקְצִעַ מִבַּיִת סָבִיב
וְשָׁפְכוּ אֶת־הֶעָפָר אֲשֶׁר הִקְצוּ
אֶל־מִחוּץ לָעִיר אֶל־מָקוֺם
טָמֵא׃
Lev 14.42
וְלָקְחוּ אֲבָנִים אֲחֵרוֺת וְהֵבִיאוּ
אֶל־תַּחַת הָאֲבָנִים וְעָפָר אַחֵר
יִקַּח וְטָח אֶת־הַבָּיִת׃
Lev 14.43
וְאִמ־יָשׁוּב הַנֶּגַע וּפָרַח בַּבַּיִת
אַחַר חִלֵּץ אֶת־הָאֲבָנִים וְאַחֲרֵי
הִקְצוֺת אֶת־הַבַּיִת וְאַחֲרֵי הִטּוֺחַ׃
Lev 14.44
וּבָא הַכֹּהֵן וְרָאָה וְהִנֵּה פָּשָׂה
הַנֶּגַע בַּבָּיִת צָרַעַת מַמְאֶרֶת
הִוא בַּבַּיִת טָמֵא הוּא׃
Lev 14.45
וְנָתַץ אֶת־הַבַּיִת אֶת־אֲבָנָיו
וְאֶת־עֵצָיו וְאֵת כָּל־עֲפַר
הַבָּיִת וְהוֺצִיא אֶל־מִחוּץ לָעִיר
אֶל־מָקוֺם טָמֵא׃
Lev 14.46
וְהַבָּא אֶל־הַבַּיִת כָּל־יְמֵי
הִסְגִּיר אֹתוֺ יִטְמָא עַד־הָעָרֶב׃
Lev 14.47
וְהַשֹּׁכֵב בַּבַּיִת יְכַבֵּס אֶת־בְּגָדָיו
וְהָאֹכֵל בַּבַּיִת יְכַבֵּס אֶת־בְּגָדָיו׃
Lev 14.48
וְאִמ־בֹּא יָבֹא הַכֹּהֵן וְרָאָה
וְהִנֵּה לֹא־פָשָׂה הַנֶּגַע בַּבַּיִת
אַחֲרֵי הִטֹּחַ אֶת־הַבָּיִת וְטִהַר
הַכֹּהֵן אֶת־הַבַּיִת כִּי נִרְאּ הַנָּגַע׃
Lev 14.49
וְלָקַח לְחַטֵּא אֶת־הַבַּיִת שְׁתֵּי
צִפֳּרִים וְעֵץ אֶרֶז וּשְׁנִי תוֺלַעַת
וְאֵזֺב׃
Lev 14.50
וְשָׁחַט אֶת־הַצִּפֹּר הָאֶחָת אֶל־כְּלִי־חֶרֶשׂ
עַל־מַיִם חַיִּים׃
Lev 14.51
וְלָקַח אֶת־עֵצ־הָאֶרֶז וְאֶת־הָאֵזֺב
וְאֵת שְׁנִי הַתּוֺלַעַת וְאֵת הַצִּפֹּר
הַחַיָּה וְטָבַל אֹתָם בְּדַם הַצִּפֹּר
הַשְּׁחוּטָה וּבַמַּיִ הַחַיִּים וְהִזָּה
אֶל־הַבַּיִת שֶׁבַע פְּעָמִים׃
Lev 14.52
וְחִטֵּא אֶת־הַבַּיִת בְּדַם הַצִּפּוֺר
וּבַמַּיִם הַחַיִּים וּבַצִּפֹּר הַחַיָּה
וּבְעֵץ הָאֶרֶז וּבָאֵזֺב וּבִשְׁנִי
הַתּוֺלָעַת׃
Lev 14.53
וְשִׁלַּח אֶת־הַצִּפֹּר הַחַיָּה אֶל־מִחוּץ
לָעִיר אֶל־פְּנֵי הַשָּׂדֶה וְכִפֶּר
עַל־הַבַּיִת וְטָהֵר׃
Lev 14.54
זֺאת הַתּוֺרָה לְכָל־נֶגַע הַצָּרַעַת
וְלַנָּתֶק׃
Lev 14.55
וּלְצָרַעַת הַבֶּגֶד וְלַבָּיִת׃
Lev 14.56
וְלַשְׂאֵת וְלַסַּפַּחַת וְלַבֶּהָרֶת׃
Lev 14.57
לְהוֺרֹת בְּיֺום הַטָּמֵא וּבְיֺום
הַטָּהֹר זֺאת תּוֺרַת הַצָּרָעַת׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages