Exo 33

Teljes szövegű keresés

Exo 33
Exo 33.1
וַיְדַבֵּר יְהוָה אֶל־מֹשֶׁה לֵך
עֲלֵה מִזֶּה אַתָּה וְהָעָם אֲשֶׁר
הֶעֱלִיתָ מֵאֶרֶץ מִצְרָיִם אֶל־הָאָרֶץ
אֲשֶׁר נִשְׁבַּעְתִּי לְאַבְרָהָם יִצְחָק
וּלְיַעֲקֹב לֵאמֹר לְזַרְעֲךָ אֶתְּנֶנָּה׃
Exo 33.2
וְשָׁלַחְתִּי לְפָנֶיךָ מַלְאָך וְגֵרַשְׁתִּי
אֶת־הַכְּנַעֲנִי הָאֱמֹרִי וְהַחִתִּי
וְהַפְּרִזִּי הַחִוִּי וְהַיְבוּסִי׃
Exo 33.3
אֶל־אֶרֶץ זָבַת חָלָב וּדְבָשׁ
כִּי לֹא אֶעֱלֶה בְּקִרְבְּךָ כִּי עַמ־קְשֵׁה־עֹרֶף
אַתָּה פֶּנ־אֲכֶלְךָ בַּדָּרֶך׃
Exo 33.4
וַיִּשְׁמַע הָעָם אֶת־הַדָּבָר הָרָע
הַזֶּה וַיִּתְאַבָּלוּ וְלֹא־שָׁתוּ
אִישׁ עֶדְיֺו עָלָיו׃
Exo 33.5
וַיֺּאמֶר יְהוָה אֶל־מֹשֶׁה אֱמֹר
אֶל־בְּנֵי־יִשְׂרָאֵל אַתֶּם עַמ־קְשֵׁה־עֹרֶף
רֶגַע אֶחָד אֶעֱלֶה בְקִרְבְּךָ וְכִלִּיתִיךָ
וְעַתָּה הוֺרֵד עֶדְיְךָ מֵעָלֶיךָ
וְאֵדְעָה מָה אֶעֱשֶׂה־לָּך׃
Exo 33.6
וַיִּתְנַצְּלוּ בְנֵי־יִשְׂרָאֵל אֶת־עֶדְיָם
מֵהַר חוֺרֵב׃
Exo 33.7
וּמֹשֶׁה יִקַּח אֶת־הָאֹהֶל וְנָטָה־לוֺ
מִחוּץ לַמַּחֲנֶה הַרְחֵק מִנ־הַמַּחֲנֶה
וְקָרָא לוֺ אֹהֶל מוֺעֵד וְהָיָה
כָּל־מְבַקֵּשׁ יְהוָה יֵצֵא אֶל־אֹהֶל
מוֺעֵד אֲשֶׁר מִחוּץ לַמַּחֲנֶה׃
Exo 33.8
וְהָיָה כְּצֵאת מֹשֶׁה אֶל־הָאֹהֶל
יָקוּמוּ כָּל־הָעָם וְנִצְּבוּ אִישׁ
פֶּתַח אָהֳלוֺ וְהִבִּיטוּ אַחֲרֵי
מֹשֶׁה עַד־בֹּאוֺ הָאֹהֱלָה׃
Exo 33.9
וְהָיָה כְּבֹא מֹשֶׁה הָאֹהֱלָה יֵרֵד
עַמּוּד הֶעָנָן וְעָמַד פֶּתַח הָאֹהֶל
וְדִבֶּר עִמ־מֹשֶׁה׃
Exo 33.10
וְרָאָה כָל־הָעָם אֶת־עַמּוּד הֶעָנָן
עֹמֵד פֶּתַח הָאֹהֶל וְקָם כָּל־הָעָם
וְהִשְׁתַּחֲוּוּ אִישׁ פֶּתַח אָהֳלוֺ׃
Exo 33.11
וְדִבֶּר יְהוָה אֶל־מֹשֶׁה פָּנִים
אֶל־פָּנִים כַּאֲשֶׁר יְדַבֵּר אִישׁ
אֶל־רֵעֵהוּ וְשָׁב אֶל־הַמַּחֲנֶה
וּמְשָׁרְתוֺ יְהוֺשֻׁעַ בִּנ־נוּן נַעַר
לֹא יָמִישׁ מִתּוֺך הָאֹהֶל׃ ס
Exo 33.12
וַיֺּאמֶר מֹשֶׁה אֶל־יְהוָה רְאֵה
אַתָּה אֹמֵר אֵלַי הַעַל אֶת־הָעָם
הַזֶּה וְאַתָּה לֹא הוֺדַעְתַּנִי אֵת
אֲשֶׁר־תִּשְׁלַח עִמִּי וְאַתָּה אָמַרְתָּ
יְדַעְתִּיךָ בְשֵׁם וְגַמ־מָצָאתָ
חֵן בְּעֵינָי׃
Exo 33.13
וְעַתָּה אִמ־נָא מָצָאתִי חֵן בְּעֵינֶיךָ
הוֺדִעֵנִי נָא אֶת־דְּרָכֶךָ וְאֵדָעֲךָ
לְמַעַן אֶמְצָא־חֵן בְּעֵינֶיךָ וּרְאֵה
כִּי עַמְּךָ הַגֺּויהַזֶּה׃
Exo 33.14
וַיֺּאמַר פָּנַי יֵלֵכוּ וַהֲנִחֹתִי
לָך׃
Exo 33.15
וַיֺּאמֶר אֵלָיו אִמ־אֵין פָּנֶיךָ
הֹלְכִים אַל־תַּעֲלֵנוּ מִזֶּה׃
Exo 33.16
וּבַמֶּה יִוָּדַע אֵפוֺא כִּי־מָצָאתִי
חֵן בְּעֵינֶיךָ אֲנִי וְעַמֶּךָ הֲלוֺא
בְּלֶכְתְּךָ עִמָּנוּ וְנִפְלֵינוּ אֲנִי
וְעַמְּךָ מִכָּל־הָעָם אֲשֶׁר עַל־פְּנֵי
הָאֲדָמָה׃ ף
Exo 33.17
וַיֺּאמֶר יְהוָה אֶל־מֹשֶׁה גַּם
אֶת־הַדָּבָר הַזֶּה אֲשֶׁר דִּבַּרְתָּ
אֶעֱשֶׂה כִּי־מָצָאתָ חֵן בְּעֵינַי
וָאֵדָעֲךָ בְּשֵׁם׃
Exo 33.18
וַיֺּאמַר הַרְאֵנִי נָא אֶת־כְּבֹדֶךָ׃
Exo 33.19
וַיֺּאמֶר אֲנִי אַעֲבִיר כָּל־טוּבִי
עַל־פָּנֶיךָ וְקָרָאתִי בְשֵׁם יְהוָה
לְפָנֶיךָ וְחַנֺּתִי אֶת־אֲשֶׁר אָחֹן
וְרִחַמְתִּי אֶת־אֲשֶׁר אֲרַחֵ׃
Exo 33.20
וַיֺּאמֶר לֹא תוּכַל לִרְאֹת אֶת־פָּנָי
כִּי לֹא־יִרְאַנִי הָאָדָם וָחָי׃
Exo 33.21
וַיֺּאמֶר יְהוָה הִנֵּה מָקוֺם אִתִּי
וְנִצַּבְתָּ עַל־הַצּוּר׃
Exo 33.22
וְהָיָה בַּעֲבֹר כְּבֹדִי וְשַׂמְתִּיךָ
בְּנִקְרַת הַצּוּר וְשַׂכֹּתִי כַפִּי
עָלֶיךָ עַד־עָבְרִי׃
Exo 33.23
וַהֲסִרֹתִי אֶת־כַּפִּי וְרָאִיתָ אֶת־אֲחֹרָי
וּפָנַי לֹא יֵרָאוּ׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages