Exo 17

Teljes szövegű keresés

Exo 17
Exo 17.1
וַיִּסְעוּ כָּל־עֲדַת בְּנֵי־יִשְׂרָאֵל
מִמִּדְבַּר־סִין לְמַסְעֵיהֶם עַל־פִּי
יְהוָה וַיַּחֲנוּ בִּרְפִידִים וְאֵין
מַיִם לִשְׁתֹּת הָעָם׃
Exo 17.2
וַיָּרֶב הָעָם עִמ־מֹשֶׁה וַיֺּאמְרוּ
תְּנוּ־לָנוּ מַיִם וְנִשְׁתֶּה וַיֺּאמֶר
לָהֶם מֹשֶׁה מַה־תְּרִיבוּן עִמָּדִי
מַה־תְּנַסּוּן אֶת־יְהוָה׃
Exo 17.3
וַיִּצְמָא שָׁם הָעָם לַמַּיִם וַיָּלֶן
הָעָם עַל־מֹשֶׁה וַיֺּאמֶר לָמָּה
זֶּה הֶעֱלִיתָנוּ מִמִּצְרַיִם לְהָמִית
אֹתִי וְאֶת־בָּנַי וְאֶת־מִקְנַיבַּצָּמָא׃
Exo 17.4
וַיִּצְעַק מֹשֶׁה אֶל־יְהוָה לֵאמֹר
מָה אֶעֱשֶׂה לָעָם הַזֶּה עוֺד
מְעַט וּסְקָלֻנִי׃
Exo 17.5
וַיֺּאמֶר יְהוָה אֶל־מֹשֶׁה עֲבֹר
לִפְנֵי הָעָם וְקַח אִתְּךָ מִזִּקְנֵי
יִשְׂרָאֵל וּמַטְּךָ אֲשֶׁר הִכִּיתָ בּוֺ
אֶת־הַיְאֹר קַח בְּיָדְךָ וְלָכְתָּ׃
Exo 17.6
הִנְנִי עֹמֵד לְפָנֶיךָ שָּׁם עַל־הַצּוּר
בְּחֹרֵב וְהִכִּיתָ בַצּוּר וְיָצְאוּ
מִמֶּנּוּ מַיִם וְשָׁתָה הָעָם וַיַּעַשׂ
כֵּן מֹשֶׁה לְעֵינֵי זִקְנֵי יִשְׂרָאֵל׃
Exo 17.7
וַיִּקְרָא שֵׁם הַמָּקוֺם מַסָּה וּמְרִיבָה
עַל־רִיב בְּנֵי יִשְׂרָאֵל וְעַל
נַסֹּתָם אֶת־יְהוָה לֵאמֹר הֲיֵשׁ
יְהוָה בְּקִרְבֵּנוּ אִמ־אָיִן׃ ף
Exo 17.8
וַיָּבֹא עֲמָלֵק וַיִּלָּחֶם עִמ־יִשְׂרָאֵל
בִּרְפִידִם׃
Exo 17.9
וַיֺּאמֶר מֹשֶׁה אֶל־יְהוֺשֻׁעַ בְּחַר־לָנוּ
אֲנָשִׁים וְצֵא הִלָּחֵם בַּעֲמָלֵק
מָחָר אָנֺכִי נִצָּב עַל־רֹאשׁ
הַגִּבְעָה וּמַטֵּה הָאֱלֹהִים בְּיָדִי׃
Exo 17.10
וַיַּעַשׂ יְהוֺשֻׁעַ כַּאֲשֶׁר אָמַר־לוֺ
מֹשֶׁה לְהִלָּחֵם בַּעֲמָלֵק וּמֹשֶׁה
אַהֲרֹן וְחוּר עָלוּ רֹאשׁ הַגִּבְעָה׃
Exo 17.11
וְהָיָה כַּאֲשֶׁר יָרִים מֹשֶׁה יָדוֺ
וְגָבַר יִשְׂרָאֵל וְכַאֲשֶׁר יָנִיחַ
יָדוֺ וְגָבַר עֲמָלֵק׃
Exo 17.12
וִידֵי מֹשֶׁה כְּבֵדִים וַיִּקְחוּ־אֶבֶן
וַיָּשִׂימוּ תַחְתָּיו וַיֵּשֶׁב עָלֶיהָ
וְאַהֲרֹן וְחוּר תָּמְכוּ בְיָדָיו
מִזֶּה אֶחָד וּמִזֶּה אֶחָד יְהִי
יָדָיו אֱמוּנָה עַד־בֹּא הַשָּׁמֶשׁ׃
Exo 17.13
וַיַּחֲלֹשׁ יְהוֺשֻׁעַ אֶת־עֲמָלֵק וְאֶת־עַמּוֺ
לְפִי־חָרֶב׃ ף
Exo 17.14
וַיֺּאמֶר יְהוָה אֶל־מֹשֶׁה כְּתֹב
זֺאת זִכָּרוֺן בַּסֵּפֶר וְשִׂים בְּאָזְנֵי
יְהוֺשֻׁעַ כִּי־מָחֹה אֶמְחֶה אֶת־זֵכֶר
עֲמָלֵק מִתַּחַת הַשָּׁמָיִם
Exo 17.15
וַיִּבֶן מֹשֶׁה מִזְבֵּחַ וַיִּקְרָא
שְׁמוֺ יְהוָה נִסִּי׃
Exo 17.16
וַיֺּאמֶר כִּי־יָד עַל־כֵּס יָהּ
מִלְחָמָה לַיהוָה בַּעֲמָלֵק מִדֹּר
דֹּר׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages