Gen 44

Teljes szövegű keresés

Gen 44
Gen 44.1
וַיְצַו אֶת־אֲשֶׁר עַל־בֵּיתוֺ לֵאמֹר
מַלֵּא אֶת־אַמְתְּחֹת הָאֲנָשִׁים אֹכֶל
כַּאֲשֶׁר יוּכְלוּן שְׂאֵת וְשִׂים
כֶּסֶפ־אִישׁ בְּפִי אַמְתַּחְתּוֺ׃
Gen 44.2
וְאֶת־גְּבִיעִי גְּבִיעַ הַכֶּסֶף
תָּשִׂים בְּפִי אַמְתַּחַת הַקָּטֹן וְאֵת
כֶּסֶף שִׁבְרוֺ וַיַּעַשׂ כִּדְבַר יֺוסֵף
אֲשֶׁר דִּבֵּר׃
Gen 44.3
הַבֹּקֶר אוֺר וְהָאֲנָשִׁים שֻׁלְּחוּ
הֵמָּה וַחֲמֹרֵיהֶם׃
Gen 44.4
הֵם יָצְאוּ אֶת־הָעִיר לֹא הִרְחִיקוּ
וְיֺוסֵף אָמַר לַאֲשֶׁר עַל־בֵּיתוֺ
קוּם רְדֹף אַחֲרֵי הָאֲנָשִׁים
וְהִשַּׂגְתָּם וְאָמַרְתָּ אֲלֵהֶמלָמָּה
שִׁלַּמְתֶּם רָעָה תַּחַת טוֺבָה׃
Gen 44.5
הֲלוֺא זֶה אֲשֶׁר יִשְׁתֶּה אֲדֹנִי
בּוֺ וְהוּא נַחֵשׁ יְנַחֵשׁ בּוֺ הֲרֵעֹתֶם
אֲשֶׁר עֲשִׂיתֶם׃
Gen 44.6
וַיַּשִּׂגֵם וַיְדַבֵּר אֲלֵהֶם אֶת־הַדְּבָרִים
הָאֵלֶּה׃
Gen 44.7
וַיֺּאמְרוּ אֵלָיו לָמָּה יְדַבֵּר
אֲדֹנִי כַּדְּבָרִים הָאֵלֶּה חָלִילָה
לַעֲבָדֶיךָ מֵעֲשׂוֺת כַּדָּבָר הַזֶּה׃
Gen 44.8
הֵן כֶּסֶף אֲשֶׁר מָצָאנוּ בְּפִי
אַמְתְּחֹתֵינוּ הֱשִׁיבֹנוּ אֵלֶיךָ
מֵאֶרֶץ כְּנָעַן וְאֵיך נִגְנֺב מִבֵּית
אֲדֹנֶיךָ כֶּסֶף אוֺ זָהָב׃
Gen 44.9
אֲשֶׁר יִמָּצֵא אִתּוֺ מֵעֲבָדֶיךָ
וָמֵת וְגַמ־אֲנַחְנוּ נִהְיֶה לַאדֹנִי
לַעֲבָדִים׃
Gen 44.10
וַיֺּאמֶר גַּמ־עַתָּה כְדִבְרֵיכֶם
כֶּנ־הוּא אֲשֶׁר יִמָּצֵא אִתּוֺ יִהְיֶה־לִּי
עָבֶד וְאַתֶּם תִּהְיוּ נְקִיִּם׃
Gen 44.11
וַיְמַהֲרוּ וַיֺּורִדוּ אִישׁ אֶת־אַמְתַּחְתּוֺ
אָרְצָה וַיִּפְתְּחוּ אִישׁ אַמְתַּחְתּוֺ׃
Gen 44.12
וַיְחַפֵּשׂ בַּגָּדוֺל הֵחֵל וּבַקָּטֹן
כִּלָּה וַיִּמָּצֵא הַגָּבִיעַ בְּאַמְתַּחַת
בִּנְיָמִן׃
Gen 44.13
וַיִּקְרְעוּ שִׂמְלֹתָם וַיַּעֲמֹס אִישׁ
עַל־חֲמֹרוֺ וַיָּשֻׁבוּ הָעִירָה׃
Gen 44.14
וַיָּבֹא יְהוּדָה וְאֶחָיו בֵּיתָה
יֺוסֵף וְהוּא עוֺדֶנּוּ שָׁם וַיִּפְּלוּ
לְפָנָיו אָרְצָה׃
Gen 44.15
וַיֺּאמֶר לָהֶם יֺוסֵף מָה־הַמַּעֲשֶׂה
הַזֶּה אֲשֶׁר עֲשִׂיתֶם הֲלוֺא יְדַעְתֶּם
כִּי־נַחֵשׁ יְנַחֵשׁ אִישׁ אֲשֶׁר כָּמֹנִי׃
Gen 44.16
וַיֺּאמֶר יְהוּדָה מַה־נֺּאמַר לַאדֹנִי
מַה־נְּדַבֵּר וּמַה־נִּצְטַדָּק הָאֱלֹהִים
מָצָא אֶת־עֲוֺן עֲבָדֶיךָ הִנֶּנּוּ
עֲבָדִים לַאדֹנִי גַּמ־אֲנַחְנוּ
גַּם אֲשֶׁר־נִמְצָא הַגָּבִיעַ בְּיָדוֺ׃
Gen 44.17
וַיֺּאמֶר חָלִילָה לִּי מֵעֲשׂוֺת
זֺאת הָאִישׁ אֲשֶׁר נִמְצָא הַגָּבִיעַ
בְּיָדוֺ הוּא יִהְיֶה־לִּי עָבֶד
וְאַתֶּם עֲלוּ לְשָׁלוֺם אֶל־אֲבִיכֶם
ף
Gen 44.18
וַיִּגַּשׁ אֵלָיו יְהוּדָה וַיֺּאמֶר
בִּי אֲדֹנִי יְדַבֶּר־נָא עַבְדְּךָ
דָבָר בְּאָזְנֵי אֲדֹנִי וְאַל־יִחַר
אַפְּךָ בְּעַבְדֶּךָ כִּי כָמוֺךָ כְּפַרְעֹה׃
Gen 44.19
אֲדֹנִי שָׁאַל אֶת־עֲבָדָיו לֵאמֹר
הֲיֵשׁ־לָכֶם אָב אוֺ־אָח׃
Gen 44.20
וַנֺּאמֶר אֶל־אֲדֹנִי יֶשׁ־לָנוּ
אָב זָקֵן וְיֶלֶד זְקֻנִים קָטָן
וְאָחִיו מֵת וַיִּוָּתֵר הוּא לְבַדּוֺ
לְאִמּוֺ וְאָבִיו אֲהֵבוֺ׃
Gen 44.21
וַתֹּאמֶר אֶל־עֲבָדֶיךָ הוֺרִדֻהוּ
אֵלָי וְאָשִׂימָה עֵינִי עָלָיו׃
Gen 44.22
וַנֺּאמֶר אֶל־אֲדֹנִי לֹא־יוּכַל
הַנַּעַר לַעֲזֺב אֶת־אָבִיו וְעָזַב
אֶת־אָבִיו וָמֵת׃
Gen 44.23
וַתֹּאמֶר אֶל־עֲבָדֶיךָ אִמ־לֹא
יֵרֵד אֲחִיכֶם הַקָּטֹן אִתְּכֶם לֹא
תֹסִפוּן לִרְאוֺת פָּנָי׃
Gen 44.24
וַיְהִי כִּי עָלִינוּ אֶל־עַבְדְּךָ
אָבִי וַנַּגֶּד־לוֺ אֵת דִּבְרֵי אֲדֹנִי׃
Gen 44.25
וַיֺּאמֶר אָבִינוּ שֻׁבוּ שִׁבְרוּ־לָנוּ
מְעַט־אֹכֶל׃
Gen 44.26
וַנֺּאמֶר לֹא נוּכַל לָרֶדֶת אִמ־יֵשׁ
אָחִינוּ הַקָּטֹן אִתָּנוּ וְיָרַדְנוּ
כִּי־לֹא נוּכַל לִרְאוֺת פְּנֵי
הָאִישׁ וְאָחִינוּ הַקָּטֹן אֵינֶנּוּ
אִתָּנוּ׃
Gen 44.27
וַיֺּאמֶר עַבְדְּךָ אָבִי אֵלֵינוּ
אַתֶּם יְדַעְתֶּם כִּי שְׁנַיִם יָלְדָה־לִּי
אִשְׁתִּי׃
Gen 44.28
וַיֵּצֵא הָאֶחָד מֵאִתִּי וָאֹמַר אַך
טָרֹף טֹרָף וְלֹא רְאִיתִיו עַד־הֵנָּה׃
Gen 44.29
וּלְקַחְתֶּם גַּמ־אֶת־זֶה מֵעִם פָּנַי
וְקָרָהוּ אָסוֺן וְהוֺרַדְתֶּם אֶת־שֵׂיבָתִי
בְּרָעָה שְׁאֹלָה׃
Gen 44.30
וְעַתָּה כְּבֹאִי אֶל־עַבְדְּךָ אָבִי
וְהַנַּעַר אֵינֶנּוּ אִתָּנוּ וְנַפְשׁוֺ
קְשׁוּרָה בְנַפְשׁוֺ׃
Gen 44.31
וְהָיָה כִּרְאוֺתוֺ כִּי־אֵין הַנַּעַר
וָמֵת וְהוֺרִידוּ עֲבָדֶיךָ אֶת־שֵׂיבַת
עַבְדְּךָ אָבִינוּ בְּיָגֺון שְׁאֹלָה׃
Gen 44.32
כִּי עַבְדְּךָ עָרַב אֶת־הַנַּעַר
מֵעִם אָבִי לֵאמֹר אִמ־לֹא אֲבִיאֶנּוּ
אֵלֶיךָ וְחָטָאתִי לְאָבִי כָּל־הַיָּמִים׃
Gen 44.33
וְעַתָּה יֵשֶׁב־נָא עַבְדְּךָ תַּחַת
הַנַּעַר עֶבֶד לַאדֹנִי וְהַנַּעַר
יַעַל עִמ־אֶחָיו׃
Gen 44.34
כִּי־אֵיך אֶעֱלֶה אֶל־אָבִי וְהַנַּעַר
אֵינֶנּוּ אִתִּי פֶּן אֶרְאֶה בָרָע
אֲשֶׁר יִמְצָא אֶת־אָבִי׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages