Gen 42

Teljes szövegű keresés

Gen 42
Gen 42.1
וַיַּרְא יַעֲקֹב כִּי יֶשׁ־שֶׁבֶר בְּמִצְרָיִם
וַיֺּאמֶר יַעֲקֹב לְבָנָיו לָמָּה
תִּתְרָאוּ׃
Gen 42.2
וַיֺּאמֶר הִנֵּה שָׁמַעְתִּי כִּי יֶשׁ־שֶׁבֶר
בְּמִצְרָיִם רְדוּ־שָׁמָּה וְשִׁבְרוּ־לָנוּ
מִשָּׁם וְנִחְיֶה וְלֹא נָמוּת׃
Gen 42.3
וַיֵּרְדוּ אֲחֵי־יֺוסֵף עֲשָׂרָה לִשְׁבֹּר
בָּר מִמִּצְרָיִם׃
Gen 42.4
וְאֶת־בִּנְיָמִין אֲחִי יֺוסֵף לֹא־שָׁלַח
יַעֲקֹב אֶת־אֶחָיו כִּי אָמַר
פֶּנ־יִקְרָאֶנּוּ אָסוֺן׃
Gen 42.5
וַיָּבֹאוּ בְּנֵי יִשְׂרָאֵל לִשְׁבֹּר
בְּתוֺך הַבָּאִים כִּי־הָיָה הָרָעָב
בְּאֶרֶץ כְּנָעַן׃
Gen 42.6
וְיֺוסֵף הוּא הַשַּׁלִּיט עַל־הָאָרֶץ
הוּא הַמַּשְׁבִּיר לְכָל־עַם הָאָרֶץ
וַיָּבֹאוּ אֲחֵי יֺוסֵף וַיִּשְׁתַּחֲווּ־לוֺ
אַפַּיִם אָרְצָה׃
Gen 42.7
וַיַּרְא יֺוסֵף אֶת־אֶחָיו וַיַּכִּרֵם
וַיִּתְנַכֵּר אֲלֵיהֶם וַיְדַבֵּר אִתָּם
קָשׁוֺת וַיֺּאמֶר אֲלֵהֶם מֵאַיִן
בָּאתֶם וַיֺּאמְרוּ מֵאֶרֶץ כְּנַעַן
לִשְׁבָּר־אֹכֶל׃
Gen 42.8
וַיַּכֵּר יֺוסֵף אֶת־אֶחָיו וְהֵם
לֹא הִכִּרֻהוּ׃
Gen 42.9
וַיִּזְכֹּר יֺוסֵף אֵת הַחֲלֹמוֺת
אֲשֶׁר חָלַם לָהֶם וַיֺּאמֶר אֲלֵהֶם
מְרַגְּלִים אַתֶּם לִרְאוֺת אֶת־עֶרְוַת
הָאָרֶץ בָּאתֶם׃
Gen 42.10
וַיֺּאמְרוּ אֵלָיו לֹא אֲדֹנִי וַעֲבָדֶיךָ
בָּאוּ לִשְׁבָּר־אֹכֶל׃
Gen 42.11
כֻּלָּנוּ בְּנֵי אִישׁ־אֶחָד נָחְנוּ
כֵּנִים אֲנַחְנוּ לֹא־הָיוּ עֲבָדֶיךָ
מְרַגְּלִים׃
Gen 42.12
וַיֺּאמֶר אֲלֵהֶם לֹא כִּי־עֶרְוַת
הָאָרֶץ בָּאתֶם לִרְאוֺת׃
Gen 42.13
וַיֺּאמְרוּ שְׁנֵים עָשָׂר עֲבָדֶיךָ
אַחִים אֲנַחְנוּ בְּנֵי אִישׁ־אֶחָד
בְּאֶרֶץ כְּנָעַן וְהִנֵּה הַקָּטֹן
אֶת־אָבִינוּ הַיֺּום וְהָאֶחָד אֵינֶנּוּ׃
Gen 42.14
וַיֺּאמֶר אֲלֵהֶם יֺוסֵף הוּא
אֲשֶׁר דִּבַּרְתִּי אֲלֵכֶם לֵאמֹר מְרַגְּלִים
אַתֶּם׃
Gen 42.15
בְּזֺאת תִּבָּחֵנוּ חֵי פַרְעֹה אִמ־תֵּצְאוּ
מִזֶּה כִּי אִמ־בְּבוֺא אֲחִיכֶם
הַקָּטֹן הֵנָּה׃
Gen 42.16
שִׁלְחוּ מִכֶּם אֶחָד וְיִקַּח אֶת־אֲחִיכֶם
וְאַתֶּם הֵאָסְרוּ וְיִבָּחֲנוּ דִּבְרֵיכֶם
הַאֱמֶת אִתְּכֶם וְאִמ־לֹא חֵי
פַרְעֹה כִּי מְרַגְּלִים אַתֶּם׃
Gen 42.17
וַיֶּאֱסֹף אֹתָם אֶל־מִשְׁמָר שְׁלֹשֶׁת
יָמִים׃
Gen 42.18
וַיֺּאמֶר אֲלֵהֶם יֺוסֵף בַּיֺּום
הַשְּׁלִישִׁי זֺאת עֲשׂוּ וִחְיוּ אֶת־הָאֱלֹהִים
אֲנִי יָרֵא׃
Gen 42.19
אִמ־כֵּנִים אַתֶּם אֲחִיכֶם אֶחָד
יֵאָסֵר בְּבֵית מִשְׁמַרְכֶם וְאַתֶּם
לְכוּ הָבִיאוּ שֶׁבֶר רַעֲבוֺן בָּתֵּיכֶם׃
Gen 42.20
וְאֶת־אֲחִיכֶם הַקָּטֹן תָּבִיאוּ
אֵלַי וְיֵאָמְנוּ דִבְרֵיכֶם וְלֹא
תָמוּתוּ וַיַּעֲשׂוּ־כֵן׃
Gen 42.21
וַיֺּאמְרוּ אִישׁ אֶל־אָחִיו אֲבָל
אֲשֵׁמִים אֲנַחְנוּ עַל־אָחִינוּ
אֲשֶׁר רָאִינוּ צָרַת נַפְשׁוֺ בְּהִתְחַנְנֺו
אֵלֵינוּ וְלֹא שָׁמָעְנוּ עַל־כֵּן
בָּאָה אֵלֵינוּ הַצָּרָה הַזֺּאת׃
Gen 42.22
וַיַּעַן רְאוּבֵן אֹתָם לֵאמֹר
הֲלוֺא אָמַרְתִּי אֲלֵיכֶם לֵאמֹר
אַל־תֶּחֶטְאוּ בַיֶּלֶד וְלֹא שְׁמַעְתֶּם
וְגַמ־דָּמוֺ הִנֵּה נִדְרָשׁ׃
Gen 42.23
וְהֵם לֹא יָדְעוּ כִּי שֹׁמֵעַ יֺוסֵף
כִּי הַמֵּלִיץ בֵּינֺתָם׃
Gen 42.24
וַיִּסֹּב מֵעֲלֵיהֶם וַיֵּבְךְּ וַיָּשָׁב
אֲלֵהֶם וַיְדַבֵּר אֲלֵהֶם וַיִּקַּח
מֵאִתָּם אֶת־שִׁמְעוֺן וַיֶּאֱסֹר אֹתוֺ
לְעֵינֵיהֶם׃
Gen 42.25
וַיְצַו יֺוסֵף וַיְמַלְאוּ אֶת־כְּלֵיהֶם
בָּר וּלְהָשִׁיב כַּסְפֵּיהֶם אִישׁ
אֶל־שַׂקּוֺ וְלָתֵת לָהֶם צֵדָה
לַדָּרֶך וַיַּעַשׂ לָהֶם כֵּן׃
Gen 42.26
וַיִּשְׂאוּ אֶת־שִׁבְרָם עַל־חֲמֹרֵיהֶם
וַיֵּלְכוּ מִשָּׁם׃
Gen 42.27
וַיִּפְתַּח הָאֶחָד אֶת־שַׂקּוֺ לָתֵת
מִסְפּוֺא לַחֲמֹרוֺ בַּמָּלוֺן וַיַּרְא
אֶת־כַּסְפּוֺ וְהִנֵּה־הוּא בְּפִי
אַמְתַּחְתּוֺ׃
Gen 42.28
וַיֺּאמֶר אֶל־אֶחָיו הוּשַׁב כַּסְפִּי
וְגַם הִנֵּה בְאַמְתַּחְתִּי וַיֵּצֵא
לִבָּם וַיֶּחֶרְדוּ אִישׁ אֶל־אָחִיו
לֵאמֹר מַה־זֺּאת עָשָׂה אֱלֹהִי
לָנוּ׃
Gen 42.29
וַיָּבֹאוּ אֶל־יַעֲקֹב אֲבִיהֶם אַרְצָה
כְּנָעַן וַיַּגִּידוּ לוֺ אֵת כָּל־הַקֹּרֹת
אֹתָם לֵאמֹר׃
Gen 42.30
דִּבֶּר הָאִישׁ אֲדֹנֵי הָאָרֶץ
אִתָּנוּ קָשׁוֺת וַיִּתֵּן אֹתָנוּ כִּמְרַגְּלִים
אֶת־הָאָרֶץ׃
Gen 42.31
וַנֺּאמֶר אֵלָיו כֵּנִים אֲנָחְנוּ
לֹא הָיִינוּ מְרַגְּלִים׃
Gen 42.32
שְׁנֵימ־עָשָׂר אֲנַחְנוּ אַחִים בְּנֵי
אָבִינוּ הָאֶחָד אֵינֶנּוּ וְהַקָּטֹן
הַיֺּום אֶת־אָבִינוּ בְּאֶרֶץ כְּנָעַן׃
Gen 42.33
וַיֺּאמֶר אֵלֵינוּ הָאִישׁ אֲדֹנֵי
הָאָרֶץ בְּזֺאת אֵדַע כִּי כֵנִים
אַתֶּם אֲחִיכֶם הָאֶחָד הַנִּיחוּ
אִתִּי וְאֶת־רַעֲבוֺן בָּתֵּיכֶם קְחוּ
וָלֵכוּ׃
Gen 42.34
וְהָבִיאוּ אֶת־אֲחִיכֶם הַקָּטֹן
אֵלַי וְאֵדְעָה כִּי לֹא מְרַגְּלִים
אַתֶּם כִּי כֵנִים אַתֶּם אֶת־אֲחִיכֶם
אֶתֵּן לָכֶם וְאֶת־הָאָרֶץ תִּסְחָרוּ׃
Gen 42.35
וַיְהִי הֵם מְרִיקִים שַׂקֵּיהֶם
וְהִנֵּה־אִישׁ צְרוֺר־כַּסְפּוֺ בְּשַׂקּוֺ
וַיִּרְאוּ אֶת־צְרֹרוֺת כַּסְפֵּיהֶם
הֵמָּה וַאֲבִיהֶם וַיִּירָאוּ׃
Gen 42.36
וַיֺּאמֶר אֲלֵהֶם יַעֲקֹב אֲבִיהֶם
אֹתִי שִׁכַּלְתֶּם יֺוסֵף אֵינֶנּוּ
וְשִׁמְעוֺן אֵינֶנּוּ וְאֶת־בִּנְיָמִן
תִּקָּחוּ עָלַי הָיוּ כֻלָּנָה׃
Gen 42.37
וַיֺּאמֶר רְאוּבֵן אֶל־אָבִיו לֵאמֹר
אֶת־שְׁנֵי בָנַי תָּמִית אִמ־לֹא
אֲבִיאֶנּוּ אֵלֶיךָ תְּנָה אֹתוֺ עַל־יָדִי
וַאֲנִי אֲשִׁיבֶנּוּ אֵלֶיךָ׃
Gen 42.38
וַיֺּאמֶר לֹא־יֵרֵד בְּנִי עִמָּכֶם
כִּי־אָחִיו מֵת וְהוּא לְבַדּוֺ
נִשְׁאָר וּקְרָאָהוּ אָסוֺן בַּדֶּרֶך
אֲשֶׁר תֵּלְכוּ־בָהּ וְהוֺרַדְתֶּמאֶת־שֵׂיבָתִי
בְּיָגֺון שְׁאוֺלָה׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages