Gen 40

Teljes szövegű keresés

Gen 40
Gen 40.1
וַיְהִי אַחַר הַדְּבָרִים הָאֵלֶּה
חָטְאוּ מַשְׁקֵה מֶלֶכְ־מִצְרַיִם
וְהָאֹפֶה לַאֲדֹנֵיהֶם לְמֶלֶך מִצְרָיִם׃
Gen 40.2
וַיִּקְצֹף פַּרְעֹה עַל שְׁנֵי סָרִיסָיו
עַל שַׂר הַמַּשְׁקִים וְעַל שַׂר הָאוֺפִים׃
Gen 40.3
וַיִּתֵּן אֹתָם בְּמִשְׁמַר בֵּית שַׂר
הַטַבָּחִים אֶל־בֵּית הַסֹּהַר מְקוֺם
אֲשֶׁר יֺוסֵף אָסוּר שָׁם׃
Gen 40.4
וַיִּפְקֹד שַׂר הַטַּבָּחִים אֶת־יֺוסֵף
אִתָּם וַיְשָׁרֶת אֹתָם וַיִּהְיוּ יָמִים
בְּמִשְׁמָר׃
Gen 40.5
וַיַּחַלְמוּ חֲלוֺם שְׁנֵיהֶם אִישׁ
חֲלֹמוֺ בְּלַיְלָה אֶחָד אִישׁ כְּפִתְרוֺן
חֲלֹמוֺ הַמַּשְׁקֶה וְהָאֹפֶה אֲשֶׁר
לְמֶלֶך מִצְרַיִם אֲשֶׁר סוּרִים
בְּבֵית הַסֹּהַר׃
Gen 40.6
וַיָּבֹא אֲלֵיהֶם יֺוסֵף בַּבֹּקֶר
וַיַּרְא אֹתָם וְהִנָּם זֺעֲפִים׃
Gen 40.7
וַיִּשְׁאַל אֶת־סְרִיסֵי פַרְעֹה
אֲשֶׁר אִתּוֺ בְמִשְׁמַר בֵּית אֲדֹנָיו
לֵאמֹר מַדּוּעַ פְּנֵיכֶם רָעִים
הַיֺּום׃
Gen 40.8
וַיֺּאמְרוּ אֵלָיו חֲלוֺם חָלַמְנוּ
וּפֹתֵר אֵין אֹתוֺ וַיֺּאמֶר אֲלֵהֶם
יֺוסֵף הֲלוֺא לֵאלֹהִים פִּתְרֹנִים
סַפְּרוּ־נָא לִי׃
Gen 40.9
וַיְסַפֵּר שַׂר־הַמַּשְׁקִים אֶת־חֲלֹמוֺ
לְיֺוסֵף וַיֺּאמֶר לוֺ בַּחֲלוֺמִי
וְהִנֵּה־גֶפֶן לְפָנָי׃
Gen 40.10
וּבַגֶּפֶן שְׁלֹשָׁה שָׂרִיגִם וְהִיא
כְפֹרַחַת עָלְתָה נִצָּהּ הִבְשִׁילוּ
אַשְׁכְּלֹתֶיהָ עֲנָבִים׃
Gen 40.11
וְכוֺס פַּרְעֹה בְּיָדִי וָאֶקַּח אֶת־הָעֲנָבִים
וָאֶשְׂחַט אֹתָם אֶל־כּוֺס פַּרְעֹה
וָאֶתֵּן אֶת־הַכּוֺס עַל־כַּף פַּרְעֹה׃
Gen 40.12
וַיֺּאמֶר לוֺ יֺוסֵף זֶה פִּתְרֹנֺו
שְׁלֹשֶׁת הַשָּׂרִגִים שְׁלֹשֶׁת יָמִים
הֵם׃
Gen 40.13
בְּעוֺד שְׁלֹשֶׁת יָמִים יִשָּׂא פַרְעֹה
אֶת־רֹאשֶׁךָ וַהֲשִׁיבְךָ עַל־כַּנֶּךָ
וְנָתַתָּ כוֺס־פַּרְעֹה בְּיָדוֺ כַּמִּשְׁפָּט
הָרִאשׁוֺן אֲשֶׁר הָיִיתָ מַשְׁקֵהוּ׃
Gen 40.14
כִּי אִמ־זְכַרְתַּנִי אִתְּךָ כַּאֲשֶׁר
יִיטַב לָך וְעָשִׂיתָ־נָּא עִמָּדִי
חָסֶד וְהִזְכַּרְתַּנִי אֶל־פַּרְעֹה
וְהוֺצֵאתַנִי מִנ־הַבַּיִת הַזֶּה
Gen 40.15
כִּי־גֻנֺּב גֻּנַּבְתִּי מֵאֶרֶץ הָעִבְרִים
וְגַמ־פֹּה לֹא־עָשִׂיתִי מְאוּמָה
כִּי־שָׂמוּ אֹתִי בַּבּוֺר׃
Gen 40.16
וַיַּרְא שַׂר־הָאֹפִים כִּי טוֺב
פָּתָר וַיֺּאמֶר אֶל־יֺוסֵף אַפ־אֲנִי
בַּחֲלוֺמִי וְהִנֵּה שְׁלֹשָׁה סַלֵּי
חֹרִי עַל־רֹאשִׁי׃
Gen 40.17
וּבַסַּל הָעֶלְיֺון מִכֹּל מַאֲכַל
פַּרְעֹה מַעֲשֵׂה אֹפֶה וְהָעוֺף אֹכֵל
אֹתָם מִנ־הַסַּל מֵעַל רֹאשִׁי׃
Gen 40.18
וַיַּעַן יֺוסֵף וַיֺּאמֶר זֶה פִּתְרֹנֺו
שְׁלֹשֶׁת הַסַּלִּים שְׁלֹשֶׁת יָמִים
הֵם׃
Gen 40.19
בְּעוֺד שְׁלֹשֶׁת יָמִים יִשָּׂא פַרְעֹה
אֶת־רֹאשְׁךָ מֵעָלֶיךָ וְתָלָה אוֺתְךָ
עַל־עֵץ וְאָכַל הָעוֺף אֶת־בְּשָׂרְךָ
מֵעָלֶיךָ׃
Gen 40.20
וַיְהִי בַּיֺּום הַשְּׁלִישִׁי יֺום
הֻלֶּדֶת אֶת־פַּרְעֹה וַיַּעַשׂ מִשְׁתֶּה
לְכָל־עֲבָדָיו וַיִּשָּׂא אֶת־רֹאשׁ
שַׂר הַמַּשְׁקִים וְאֶת־רֹאשׁ שַׂר
הָפִים בְּתוֺך עֲבָדָיו׃
Gen 40.21
וַיָּשֶׁב אֶת־שַׂר הַמַּשְׁקִים עַל־מַשְׁקֵהוּ
וַיִּתֵּן הַכּוֺס עַל־כַּף פַּרְעֹה׃
Gen 40.22
וְאֵת שַׂר הָאֹפִים תָּלָה כַּאֲשֶׁר
פָּתַר לָהֶם יֺוסֵף׃
Gen 40.23
וְלֹא־זָכַר שַׂר־הַמַּשְׁקִים אֶת־יֺוסֵף
וַיִּשְׁכָּחֵהוּ׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages