Gen 37

Teljes szövegű keresés

Gen 37
Gen 37.1
וַיֵּשֶׁב יַעֲקֹב בְּאֶרֶץ מְגוּרֵי
אָבִיו בְּאֶרֶץ כְּנָעַן׃
Gen 37.2
אֵלֶּה תֹּלְדוֺת יַעֲקֹב יֺוסֵף
בֶּנ־שְׁבַע־עֶשְׂרֵה שָׁנָה הָיָה רֹעֶה
אֶת־אֶחָיו בַּצֹּאן וְהוּא נַעַר
אֶת־בְּנֵי בִלְהָה וְאֶת־בְּנֵי זִלְהּ
נְשֵׁי אָבִיו וַיָּבֵא יֺוסֵף אֶת־דִּבָּתָם
רָעָה אֶל־אֲבִיהֶם׃
Gen 37.3
וְיִשְׂרָאֵל אָהַב אֶת־יֺוסֵף מִכָּל־בָּנָיו
כִּי־בֶנ־זְקֻנִים הוּא לוֺ וְעָשָׂה
לוֺ כְּתֹנֶת פַּסִּים׃
Gen 37.4
וַיִּרְאוּ אֶחָיו כִּי־אֹתוֺ אָהַב
אֲבִיהֶם מִכָּל־אֶחָיו וַיִּשְׂנְאוּ
אֹתוֺ וְלֹא יָכְלוּ דַּבְּרוֺ לְשָׁלֹם׃
Gen 37.5
וַיַּחֲלֹם יֺוסֵף חֲלוֺם וַיַּגֵּד
לְאֶחָיו וַיֺּוסִפוּ עוֺד שְׂנֺא
אֹתוֺ׃
Gen 37.6
וַיֺּאמֶר אֲלֵיהֶם שִׁמְעוּ־נָא
הַחֲלוֺם הַזֶּה אֲשֶׁר חָלָמְתִּי׃
Gen 37.7
וְהִנֵּה אֲנַחְנוּ מְאַלְּמִים אֲלֻמִּים
בְּתוֺך הַשָּׂדֶה וְהִנֵּה קָמָה אֲלֻמָּתִי
וְגַמ־נִצָּבָה וְהִנֵּה תְסֻבֶּינָה
אֲלֻמֹּתֵיכֶם וַתִּתַּחֲוֶיןָ לַאֲלֻמָּתִי׃
Gen 37.8
וַיֺּאמְרוּ לוֺ אֶחָיו הֲמָלֹך תִּמְלֹך
עָלֵינוּ אִמ־מָשׁוֺל תִּמְשֹׁל בָּנוּ
וַיֺּוסִפוּ עוֺד שְׂנֺא אֹתוֺ עַל־חֲלֹמֹתָיו
וְעַל־דְּבָרָיו׃
Gen 37.9
וַיַּחֲלֹם עוֺד חֲלוֺם אַחֵר וַיְסַפֵּר
אֹתוֺ לְאֶחָיו וַיֺּאמֶר הִנֵּה חָלַמְתִּי
חֲלוֺם עוֺד וְהִנֵּה הַשֶּׁמֶשׁ וְהַיָּרֵחַ
וְאַחַד עָשָׂר כּוֺכָבִים מִשְׁתַּחֲוִים
לִי׃
Gen 37.10
וַיְסַפֵּר אֶל־אָבִיו וְאֶל־אֶחָיו
וַיִּגְעַר־בּוֺ אָבִיו וַיֺּאמֶר לוֺ
מָה הַחֲלוֺם הַזֶּה אֲשֶׁר חָלָמְתָּ
הֲבוֺא נָבוֺא אֲנִי וְאִמְּךָ וְאַחֶיךָ
לְהִשְׁתַּחֲוֺת לְךָ אָרְצָה׃
Gen 37.11
וַיְקַנְאוּ־בוֺ אֶחָיו וְאָבִיו
שָׁמַר אֶת־הַדָּבָר׃
Gen 37.12
וַיֵּלְכוּ אֶחָיו לִרְעוֺת אֶת־צֹאן
אֲבִיהֶם בִּשְׁכֶם׃
Gen 37.13
וַיֺּאמֶר יִשְׂרָאֵל אֶל־יֺוסֵף הֲלוֺא
אַחֶיךָ רֹעִים בִּשְׁכֶם לְכָה וְאֶשְׁלָחֲךָ
אֲלֵיהֶם וַיֺּאמֶר לוֺ הִנֵּנִי׃
Gen 37.14
וַיֺּאמֶר לוֺ לֶכְ־נָא רְאֵה אֶת־שְׁלוֺם
אַחֶיךָ וְאֶת־שְׁלוֺם הַצֹּאן וַהֲשִׁבֵנִי
דָּבָר וַיִּשְׁלָחֵהוּ מֵעֵמֶק חֶבְרוֺן
וַיָּבֹא שְׁכֶמָה׃
Gen 37.15
וַיִּמְצָאֵהוּ אִישׁ וְהִנֵּה תֹעֶה
בַּשָּׂדֶה וַיִּשְׁאָלֵהוּ הָאִישׁ לֵאמֹר
מַה־תְּבַקֵּשׁ׃
Gen 37.16
וַיֺּאמֶר אֶת־אַחַי אָנֺכִי מְבַקֵּשׁ
הַגִּידָה־נָּא לִי אֵיפֹה הֵם רֹעִים׃
Gen 37.17
וַיֺּאמֶר הָאִישׁ נָסְעוּ מִזֶּה כִּי
שָׁמַעְתִּי אֹמְרִים נֵלְכָה דֹּתָיְנָה
וַיֵּלֶך יֺוסֵף אַחַר אֶחָיו וַיִּמְצָאֵם
בְּדֹתָן׃
Gen 37.18
וַיִּרְאוּ אֹתוֺ מֵרָחֹק וּבְטֶרֶם
יִקְרַב אֲלֵיהֶם וַיִּתְנַכְּלוּ אֹתוֺ
לַהֲמִיתוֺ׃
Gen 37.19
וַיֺּאמְרוּ אִישׁ אֶל־אָחִיו הִנֵּה
בַּעַל הַחֲלֹמוֺת הַלָּזֶה בָּא׃
Gen 37.20
וְעַתָּה לְכוּ וְנַהַרְגֵהוּ וְנַשְׁלִכֵהוּ
בְּאַחַד הַבֹּרוֺת וְאָמַרְנוּ חַיָּה
רָעָה אֲכָלָתְהוּ וְנִרְאֶה מַה־יִּהְיוּ
חֲלֹמֹתָיו׃
Gen 37.21
וַיִּשְׁמַע רְאוּבֵן וַיַּצִּלֵהוּ מִיָּדָם
וַיֺּאמֶר לֹא נַכֶּנּוּ נָפֶשׁ׃
Gen 37.22
וַיֺּאמֶר אֲלֵהֶם רְאוּבֵן אַל־תִּשְׁפְּכוּ־דָם
הַשְׁלִיכוּ אֹתוֺ אֶל־הַבּוֺר הַזֶּה
אֲשֶׁר בַּמִּדְבָּר וְיָד אַל־תִּשְׁלְחוּ־בוֺ
לְמַעַן הַצִּיל אֹתוֺ מִיָּדָם לַהֲשִׁיבוֺ
אֶל־אָבִיו׃
Gen 37.23
וַיְהִי כַּאֲשֶׁר־בָּא יֺוסֵף אֶל־אֶחָיו
וַיַּפְשִׁיטוּ אֶת־יֺוסֵף אֶת־כֻּתָּנְתּוֺ
אֶת־כְּתֹנֶת הַפַּסִּים אֲשֶׁר עָלָיו׃
Gen 37.24
וַיִּקָּחֻהוּ וַיַּשְׁלִכוּ אֹתוֺ הַבֹּרָה
וְהַבּוֺר רֵק אֵין בּוֺ מָיִם׃
Gen 37.25
וַיֵּשְׁבוּ לֶאֱכָל־לֶחֶם וַיִּשְׂאוּ
עֵינֵיהֶם וַיִּרְאוּ וְהִנֵּה אֹרְחַת
יִשְׁמְעֵאלִים בָּאָה מִגִּלְעָד וּגְמַלֵּיהֶם
נֺשְׂאִים נְכֹאת וּצְרִ וָלֹט הוֺלְכִים
לְהוֺרִיד מִצְרָיְמָה׃
Gen 37.26
וַיֺּאמֶר יְהוּדָה אֶל־אֶחָיו מַה־בֶּצַע
כִּי נַהֲרֹג אֶת־אָחִינוּ וְכִסִּינוּ
אֶת־דָּמוֺ׃
Gen 37.27
לְכוּ וְנִמְכְּרֶנּוּ לַיִּשְׁמְעֵאלִים
וְיָדֵנוּ אַל־תְּהִי־בוֺ כִּי־אָחִינוּ
בְשָׂרֵנוּ הוּא וַיִּשְׁמְעוּ אֶחָיו׃
Gen 37.28
וַיַּעַבְרוּ אֲנָשִׁים מִדְיָנִים סֹחֲרִים
וַיִּמְשְׁכוּ וַיַּעֲלוּ אֶת־יֺוסֵף
מִנ־הַבּוֺר וַיִּמְכְּרוּ אֶת־יֺוסֵף
לַיִּשְׁמְעֵאלִים בְּעֶשְׂרִימכָּסֶף
וַיָּבִיאוּ אֶת־יֺוסֵף מִצְרָיְמָה׃
Gen 37.29
וַיָּשָׁב רְאוּבֵן אֶל־הַבּוֺר וְהִנֵּה
אֵינ־יֺוסֵף בַּבּוֺר וַיִּקְרַע אֶת־בְּגָדָיו׃
Gen 37.30
וַיָּשָׁב אֶל־אֶחָיו וַיֺּאמַר הַיֶּלֶד
אֵינֶנּוּ וַאֲנִי אָנָה אֲנִי־בָא׃
Gen 37.31
וַיִּקְחוּ אֶת־כְּתֹנֶת יֺוסֵף וַיִּשְׁחֲטוּ
שְׂעִיר עִזִּים וַיִּטְבְּלוּ אֶת־הַכֻּתֹּנֶת
בַּדָּם׃
Gen 37.32
וַיְשַׁלְּחוּ אֶת־כְּתֹנֶת הַפַּסִּים
וַיָּבִיאוּ אֶל־אֲבִיהֶם וַיֺּאמְרוּ
זֺאת מָצָאנוּ הַכֶּר־נָא הַכְּתֹנֶת
בִּנְךָ הִוא אִמ־לֹא׃
Gen 37.33
וַיַּכִּירָהּ וַיֺּאמֶר כְּתֹנֶת בְּנִי
חַיָּה רָעָה אֲכָלָתְהוּ טָרֹף טֹרַף
יֺוסֵף׃
Gen 37.34
וַיִּקְרַע יַעֲקֹב שִׂמְלֹתָיו וַיָּשֶׂם
שַׂק בְּמָתְנָיו וַיִּתְאַבֵּל עַל־בְּנֺו
יָמִים רַבִּים׃
Gen 37.35
וַיָּקֻמוּ כָל־בָּנָיו וְכָל־בְּנֺתָיו
לְנַחֲמוֺ וַיְמָאֵן לְהִתְנַחֵם וַיֺּאמֶר
כִּי־אֵרֵד אֶל־בְּנִי אָבֵל שְׁאֹלָה
וַיֵּבְךְּ אֹתוֺ אָבִיו׃
Gen 37.36
וְהַמְּדָנִים מָכְרוּ אֹתוֺ אֶל־מִצְרָיִם
לְפוֺטִיפַר סְרִיס פַּרְעֹה שַׂר
הַטַּבָּחִים׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages