Gen 36

Teljes szövegű keresés

Gen 36
Gen 36.1
וְאֵלֶּה תֹּלְדוֺת עֵשָׂו הוּא אֱדוֺם׃
Gen 36.2
עֵשָׂו לָקַח אֶת־נָשָׁיו מִבְּנֺות
כְּנָעַן אֶת־עָדָה בַּת־אֵילוֺן
הַחִתִּי וְאֶת־אָהֳלִיבָמָה בַּת־עֲנָה
בַּת־צִבְעוֺן הַחִוִּי׃
Gen 36.3
וְאֶת־בָּשְׂמַת בַּת־יִשְׁמָעֵאל אֲחוֺת
נְבָיֺות׃
Gen 36.4
וַתֵּלֶד עָדָה לְעֵשָׂו אֶת־אֱלִיפָז
וּבָשְׂמַת יָלְדָה אֶת־רְעוּאֵל׃
Gen 36.5
וְאָהֳלִיבָמָה יָלְדָה אֶת־יעישׁ 2 יְעוּשׁ
וְאֶת־יַעְלָם וְאֶת־קֹרַח אֵלֶּה
בְּנֵי עֵשָׂו אֲשֶׁר יֻלְּדוּ־לוֺ
בְּאֶרֶץ כְּנָעַן׃
Gen 36.6
וַיִּקַּח עֵשָׂו אֶת־נָשָׁיו וְאֶת־בָּנָיו
וְאֶת־בְּנֺתָיו וְאֶת־כָּל־נַפְשׁוֺת
בֵּיתוֺ וְאֶת־מִקְנֵהוּ וְאֶת־כָּל־בְּהֶמְתּוֺ
וְאֵת כָּל־קִנְיָנֺו אֲשֶׁר כַשׁ
בְּאֶרֶץ כְּנָעַן וַיֵּלֶך אֶל־אֶרֶץ
מִפְּנֵי יַעֲקֹב אָחִיו׃
Gen 36.7
כִּי־הָיָה רְכוּשָׁם רָב מִשֶּׁבֶת
יַחְדָּו וְלֹא יָכְלָה אֶרֶץ מְגוּרֵיהֶם
לָשֵׂאת אֹתָם מִפְּנֵי מִקְנֵיהֶם׃
Gen 36.8
וַיֵּשֶׁב עֵשָׂו בְּהַר שֵׂעִיר עֵשָׂו
הוּא אֱדוֺם׃
Gen 36.9
וְאֵלֶּה תֹּלְדוֺת עֵשָׂו אֲבִי אֱדוֺם
בְּהַר שֵׂעִיר׃
Gen 36.10
אֵלֶּה שְׁמוֺת בְּנֵי־עֵשָׂו אֱלִיפַז
בֶּנ־עָדָה אֵשֶׁת עֵשָׂו רְעוּאֵל
בֶּנ־בָּשְׂמַת אֵשֶׁת עֵשָׂו׃
Gen 36.11
וַיִּהְיוּ בְּנֵי אֱלִיפָז תֵּימָן
אוֺמָר צְפוֺ וְגַעְתָּם וּקְנַז׃
Gen 36.12
וְתִמְנַע הָיְתָה פִילֶגֶשׁ לֶאֱלִיפַז
בֶּנ־עֵשָׂו וַתֵּלֶד לֶאֱלִיפַז אֶת־עֲמָלֵק
אֵלֶּה בְּנֵי עָדָה אֵשֶׁת עֵשָׂו׃
Gen 36.13
וְאֵלֶּה בְּנֵי רְעוּאֵל נַחַת וָזֶרַח
שַׁמָּה וּמִזָּה אֵלֶּה הָיוּ בְּנֵי
בָשְׂמַת אֵשֶׁת עֵשָׂו׃
Gen 36.14
וְאֵלֶּה הָיוּ בְּנֵי אָהֳלִיבָמָה
בַת־עֲנָה בַּת־צִבְעוֺן אֵשֶׁת
עֵשָׂו וַתֵּלֶד לְעֵשָׂו אֶת־יעישׁ 2 יְעוּשׁ
וְאֶת־יַעְלָם וְאֶת־קֹרַח׃
Gen 36.15
אֵלֶּה אַלּוּפֵי בְנֵי־עֵשָׂו בְּנֵי
אֱלִיפַז בְּכוֺר עֵשָׂו אַלּוּף תֵּימָן
אַלּוּף אוֺמָר אַלּוּף צְפוֺ אַלּוּף
קְנַז׃
Gen 36.16
אַלּוּף קֹרַח אַלּוּף גַּעְתָּם אַלּוּף
עֲמָלֵק אֵלֶּה אַלּוּפֵי אֱלִיפַז
בְּאֶרֶץ אֱדוֺם אֵלֶּה בְּנֵי עָדָה׃
Gen 36.17
וְאֵלֶּה בְּנֵי רְעוּאֵל בֶּנ־עֵשָׂו
אַלּוּף נַחַת אַלּוּף זֶרַח אַלּוּף
שַׁמָּה אַלּוּף מִזָּה אֵלֶּה אַלּוּפֵי
רְעוּאֵל בְּאֶרֶץ אֱדוֺם אֵלֶּה בְּנֵי
בָשְׂמַת אֵשֶׁת עֵשָׂו׃
Gen 36.18
וְאֵלֶּה בְּנֵי אָהֳלִיבָמָה אֵשֶׁת
עֵשָׂו אַלּוּף יְעוּשׁ אַלּוּף יַעְלָם
אַלּוּף קֹרַח אֵלֶּה אַלּוּפֵי אָהֳלִיבָמָה
בַּת־עֲנָה אֵשֶׁת עֵו׃
Gen 36.19
אֵלֶּה בְנֵי־עֵשָׂו וְאֵלֶּה אַלּוּפֵיהֶם
הוּא אֱדוֺם׃ ס
Gen 36.20
אֵלֶּה בְנֵי־שֵׂעִיר הַחֹרִי יֺשְׁבֵי
הָאָרֶץ לוֺטָן וְשׁוֺבָל וְצִבְעוֺן
וַעֲנָה׃
Gen 36.21
וְדִשׁוֺן וְאֵצֶר וְדִישָׁן אֵלֶּה
אַלּוּפֵי הַחֹרִי בְּנֵי שֵׂעִיר
בְּאֶרֶץ אֱדוֺם׃
Gen 36.22
וַיִּהְיוּ בְנֵי־לוֺטָן חֹרִי וְהֵימָם
וַאֲחוֺת לוֺטָן תִּמְנָע׃
Gen 36.23
וְאֵלֶּה בְּנֵי שׁוֺבָל עַלְוָן וּמָנַחַת
וְעֵיבָל שְׁפוֺ וְאוֺנָם׃
Gen 36.24
וְאֵלֶּה בְנֵי־צִבְעוֺן וְאָיָּה
וַעֲנָה הוּא עֲנָה אֲשֶׁר מָצָא
אֶת־הַיֵּמִם בַּמִּדְבָּר בִּרְעֹתוֺ
אֶת־הַחֲמֹרִים לְצִבְעוֺן אָבִיו׃
Gen 36.25
וְאֵלֶּה בְנֵי־עֲנָה דִּשֹׁן וְאָהֳלִיבָמָה
בַּת־עֲנָה׃
Gen 36.26
וְאֵלֶּה בְּנֵי דִישָׁן חֶמְדָּן וְאֶשְׁבָּן
וְיִתְרָן וּכְרָן׃
Gen 36.27
אֵלֶּה בְּנֵי־אֵצֶר בִּלְהָן וְזַעֲוָן
וַעֲקָן׃
Gen 36.28
אֵלֶּה בְנֵי־דִישָׁן עוּץ וַאֲרָן׃
Gen 36.29
אֵלֶּה אַלּוּפֵי הַחֹרִי אַלּוּף לוֺטָן
אַלּוּף שׁוֺבָל אַלּוּף צִבְעוֺן
אַלּוּף עֲנָה׃
Gen 36.30
אַלּוּף דִּשֹׁן אַלּוּף אֵצֶר אַלּוּף
דִּישָׁן אֵלֶּה אַלּוּפֵי הַחֹרִי
לְאַלֻּפֵיהֶם בְּאֶרֶץ שֵׂעִיר׃ ף
Gen 36.31
וְאֵלֶּה הַמְּלָכִים אֲשֶׁר מָלְכוּ
בְּאֶרֶץ אֱדוֺם לִפְנֵי מְלָכְ־מֶלֶך
לִבְנֵי יִשְׂרָאֵל׃
Gen 36.32
וַיִּמְלֹך בֶּאֱדוֺם בֶּלַע בֶּנ־בְּעוֺר
וְשֵׁם עִירוֺ דִּנְהָבָה׃
Gen 36.33
וַיָּמָת בָּלַע וַיִּמְלֹך תַּחְתָּיו
יֺובָב בֶּנ־זֶרַח מִבָּצְרָה׃
Gen 36.34
וַיָּמָת יֺובָב וַיִּמְלֹך תַּחְתָּיו
חֻשָׁם מֵאֶרֶץ הַתֵּימָנִי׃
Gen 36.35
וַיָּמָת חֻשָׁם וַיִּמְלֹך תַּחְתָּיו
הֲדַד בֶּנ־בְּדַד הַמַּכֶּה אֶת־מִדְיָן
בִּשְׂדֵה מוֺאָב וְשֵׁם עִירוֺ עֲוִית׃
Gen 36.36
וַיָּמָת הֲדָד וַיִּמְלֹך תַּחְתָּיו
שַׂמְלָה מִמַּשְׂרֵקָה׃
Gen 36.37
וַיָּמָת שַׂמְלָה וַיִּמְלֹך תַּחְתָּיו
שָׁאוּל מֵרְחֹבוֺת הַנָּהָר׃
Gen 36.38
וַיָּמָת שָׁאוּל וַיִּמְלֹך תַּחְתָּיו
בַּעַל חָנָן בֶּנ־עַכְבּוֺר׃
Gen 36.39
וַיָּמָת בַּעַל חָנָן בֶּנ־עַכְבּוֺר
וַיִּמְלֹך תַּחְתָּיו הֲדַר וְשֵׁם עִירוֺ
פָּעוּ וְשֵׁם אִשְׁתּוֺ מְהֵיטַבְאֵל
בַּת־מַטְרֵד בַּת מֵי זָהָ׃
Gen 36.40
וְאֵלֶּה שְׁמוֺת אַלּוּפֵי עֵשָׂו
לְמִשְׁפְּחֹתָם לִמְקֹמֹתָם בִּשְׁמֹתָם
אַלּוּף תִּמְנָע אַלּוּף עַלְוָה אַלּוּף
יְתֵת׃
Gen 36.41
אַלּוּף אָהֳלִיבָמָה אַלּוּף אֵלָה
אַלּוּף פִּינֺן׃
Gen 36.42
אַלּוּף קְנַז אַלּוּף תֵּימָן אַלּוּף
מִבְצָר׃
Gen 36.43
אַלּוּף מַגְדִּיאֵל אַלּוּף עִירָם
אֵלֶּה אַלּוּפֵי אֱדוֺם לְמֹשְׁבֹתָם
בְּאֶרֶץ אֲחֻזָּתָם הוּא עֵשָׂו אֲבִי
אֱדוֺם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages