Gen 26

Teljes szövegű keresés

Gen 26
Gen 26.1
וַיְהִי רָעָב בָּאָרֶץ מִלְּבַד הָרָעָב
הָרִאשׁוֺן אֲשֶׁר הָיָה בִּימֵי
אַבְרָהָם וַיֵּלֶך יִצְחָק אֶל־אֲבִימֶּלֶך
מֶלֶכְ־פְּלִשְׁתִּים גְּרָרָה׃
Gen 26.2
וַיֵּרָא אֵלָיו יְהוָה וַיֺּאמֶר
אַל־תֵּרֵד מִצְרָיְמָה שְׁכֹן בָּאָרֶץ
אֲשֶׁר אֹמַר אֵלֶיךָ׃
Gen 26.3
גּוּר בָּאָרֶץ הַזֺּאת וְאֶהְיֶה עִמְּךָ
וַאֲבָרְכֶךָּ כִּי־לְךָ וּלְזַרְעֲךָ אֶתֵּן
אֶת־כָּל־הָאֲרָצֹת הָאֵל וַהֲקִמֹתִי
אֶת־הַשְּׁבֻעָה אֲשֶׁר נִשְׁבַּעְתִּי לְאַבְרָהָם
אָבִיךָ׃
Gen 26.4
וְהִרְבֵּיתִי אֶת־זַרְעֲךָ כְּכוֺכְבֵי
הַשָּׁמַיִם וְנָתַתִּי לְזַרְעֲךָ אֵת
כָּל־הָאֲרָצֹת הָאֵל וְהִתְבָּרֲכוּ
בְזַרְעֲךָ כֹּל גֺּויֵי הָאָרֶץ
Gen 26.5
עֵקֶב אֲשֶׁר־שָׁמַע אַבְרָהָם בְּקֹלִי
וַיִּשְׁמֹר מִשְׁמַרְתִּי מִצְוֺתַי חֻקּוֺתַי
וְתוֺרֹתָי׃
Gen 26.6
וַיֵּשֶׁב יִצְחָק בִּגְרָר׃
Gen 26.7
וַיִּשְׁאֲלוּ אַנְשֵׁי הַמָּקוֺם לְאִשְׁתּוֺ
וַיֺּאמֶר אֲחֹתִי הִוא כִּי יָרֵא
לֵאמֹר אִשְׁתִּי פֶּנ־יַהַרְגֻנִי אַנְשֵׁי
הַמָּקוֺם עַל־רִבְקָה כִּי־טוֺבַת
מַרְאֶה הִיא׃
Gen 26.8
וַיְהִי כִּי אָרְכוּ־לוֺ שָׁם הַיָּמִים
וַיַּשְׁקֵף אֲבִימֶלֶך מֶלֶך פְּלִשְׁתִּים
בְּעַד הַחַלּוֺן וַיַּרְא וְהִנֵּה יִצְחָק
מְצַחֵק אֵת רִבְקָה אִשְׁתּוֺ׃
Gen 26.9
וַיִּקְרָא אֲבִימֶלֶך לְיִצְחָק וַיֺּאמֶר
אַך הִנֵּה אִשְׁתְּךָ הִוא וְאֵיך
אָמַרְתָּ אֲחֹתִי הִוא וַיֺּאמֶר
אֵלָיו יִצְחָק כִּי אָמַרְיּ פֶּנ־אָמוּת
עָלֶיהָ׃
Gen 26.10
וַיֺּאמֶר אֲבִימֶלֶך מַה־זֺּאת
עָשִׂיתָ לָּנוּ כִּמְעַט שָׁכַב אַחַד
הָעָם אֶת־אִשְׁתֶּךָ וְהֵבֵאתָ עָלֵינוּ
אָשָׁם׃
Gen 26.11
וַיְצַו אֲבִימֶלֶך אֶת־כָּל־הָעָם
לֵאמֹר הַנֺּגֵעַ בָּאִישׁ הַזֶּה וּבְאִשְׁתּוֺ
מוֺת יוּמָת׃
Gen 26.12
וַיִּזְרַע יִצְחָק בָּאָרֶץ הַהִוא
וַיִּמְצָא בַּשָּׁנָה הַהִוא מֵאָה
שְׁעָרִים וַיְבָרֲכֵהוּ יְהוָה׃
Gen 26.13
וַיִּגְדַּל הָאִישׁ וַיֵּלֶך הָלוֺך
וְגָדֵל עַד כִּי־גָדַל מְאֹד׃
Gen 26.14
וַיְהִי־לוֺ מִקְנֵה־צֹאן וּמִקְנֵה
בָקָר וַעֲבֻדָּה רַבָּה וַיְקַנְאוּ
אֹתוֺ פְּלִשְׁתִּים׃
Gen 26.15
וְכָל־הַבְּאֵרֹת אֲשֶׁר חָפְרוּ עַבְדֵי
אָבִיו בִּימֵי אַבְרָהָם אָבִיו
סִתְּמוּם פְּלִשְׁתִּים וַיְמַלְאוּם
עָפָר׃
Gen 26.16
וַיֺּאמֶר אֲבִימֶלֶך אֶל־יִצְחָק
לֵך מֵעִמָּנוּ כִּי־עָצַמְתָּ מִמֶּנּוּ
מְאֹד׃
Gen 26.17
וַיֵּלֶך מִשָּׁם יִצְחָק וַיִּחַן בְּנַחַל־גְּרָר
וַיֵּשֶׁב שָׁם׃
Gen 26.18
וַיָּשָׁב יִצְחָק וַיַּחְפֹּר אֶת־בְּאֵרֹת
הַמַּיִם אֲשֶׁר חָפְרוּ בִּימֵי אַבְרָהָם
אָבִיו וַיְסַתְּמוּם פְּלִשְׁתִּים אַחֲרֵי
מוֺת אַבְרָהָם יִּקְרָא לָהֶן שֵׁמוֺת
כַּשֵּׁמֹת אֲשֶׁר־קָרָא לָהֶן אָבִיו׃
Gen 26.19
וַיַּחְפְּרוּ עַבְדֵי־יִצְחָק בַּנָּחַל
וַיִּמְצְאוּ־שָׁם בְּאֵר מַיִם חַיִּים׃
Gen 26.20
וַיָּרִיבוּ רֹעֵי גְרָר עִמ־רֹעֵי
יִצְחָק לֵאמֹר לָנוּ הַמָּיִם וַיִּקְרָא
שֵׁמ־הַבְּאֵר עֵשֶׂק כִּי הִתְעַשְּׂקוּ
עִמּוֺ׃
Gen 26.21
וַיַּחְפְּרוּ בְּאֵר אַחֶרֶת וַיָּרִיבוּ
גַּמ־עָלֶיהָ וַיִּקְרָא שְׁמָהּ שִׂטְנָה׃
Gen 26.22
וַיַּעְתֵּק מִשָּׁם וַיַּחְפֹּר בְּאֵר אַחֶרֶת
וְלֹא רָבוּ עָלֶיהָ וַיִּקְרָא שְׁמָהּ
רְחֹבוֺת וַיֺּאמֶר כִּי־עַתָּה הִרְחִיב
יְהוָה לָנוּ וּפָינוּ בָאָרֶץ׃
Gen 26.23
וַיַּעַל מִשָּׁם בְּאֵר שָׁבַע׃
Gen 26.24
וַיֵּרָא אֵלָיו יְהוָה בַּלַּיְלָה
הַהוּא וַיֺּאמֶר אָנֺכִי אֱלֹהֵי
אַבְרָהָם אָבִיךָ אַל־תִּירָא כִּי־אִתְּךָ
אָנֺכִי וּבֵרַכְתִּיךָ וְהִרְבֵּתִי
אֶת־זַרְעֲךָ בַּעֲבוּר אַבְרָהָם עַבְדִּי׃
Gen 26.25
וַיִּבֶן שָׁם מִזְבֵּחַ וַיִּקְרָא בְּשֵׁם
יְהוָה וַיֶּט־שָׁם אָהֳלוֺ וַיִּכְרוּ־שָׁם
עַבְדֵי־יִצְחָק בְּאֵר׃
Gen 26.26
וַאֲבִימֶלֶך הָלַך אֵלָיו מִגְּרָר
וַאֲחֻזַּת מֵרֵעֵהוּ וּפִיכֹל שַׂר־צְבָאוֺ׃
Gen 26.27
וַיֺּאמֶר אֲלֵהֶם יִצְחָק מַדּוּעַ
בָּאתֶם אֵלָי וְאַתֶּם שְׂנֵאתֶם אֹתִי
וַתְּשַׁלְּחוּנִי מֵאִתְּכֶם׃
Gen 26.28
וַיֺּאמְרוּ רָאוֺ רָאִינוּ כִּי־הָיָה
יְהוָה עִמָּך וַנֺּאמֶר תְּהִי נָא
אָלָה בֵּינֺותֵינוּ בֵּינֵינוּ
וּבֵינֶךָ וְנִכְרְתָה בְרִית עִמָּך׃
Gen 26.29
אִמ־תַּעֲשֵׂה עִמָּנוּ רָעָה כַּאֲשֶׁר
לֹא נְגַעֲנוּךָ וְכַאֲשֶׁר עָשִׂינוּ
עִמְּךָ רַק־טוֺב וַנְּשַׁלֵּחֲךָ בְּשָׁלוֺם
אַתָּה עַתָּה בְּרוּך הוָה׃
Gen 26.30
וַיַּעַשׂ לָהֶם מִשְׁתֶּה וַיֺּאכְלוּ
וַיִּשְׁתּוּ׃
Gen 26.31
וַיַּשְׁכִּימוּ בַבֹּקֶר וַיִּשָּׁבְעוּ
אִישׁ לְאָחִיו וַיְשַׁלְּחֵם יִצְחָק
וַיֵּלְכוּ מֵאִתּוֺ בְּשָׁלוֺם׃
Gen 26.32
וַיְהִי בַּיֺּום הַהוּא וַיָּבֹאוּ
עַבְדֵי יִצְחָק וַיַּגִּדוּ לוֺ עַל־אֹדוֺת
הַבְּאֵר אֲשֶׁר חָפָרוּ וַיֺּאמְרוּ
לוֺ מָצָאנוּ מָיִם׃
Gen 26.33
וַיִּקְרָא אֹתָהּ שִׁבְעָה עַל־כֵּן
שֵׁמ־הָעִיר בְּאֵר שֶׁבַע עַד הַיֺּום
הַזֶּה׃ ס
Gen 26.34
וַיְהִי עֵשָׂו בֶּנ־אַרְבָּעִים שָׁנָה
וַיִּקַּח אִשָּׁה אֶת־יְהוּדִית בַּת־בְּאֵרִי
הַחִתִּי וְאֶת־בָּשְׂמַת בַּת־אֵילֹן
הַחִתִּי׃
Gen 26.35
וַתִּהְיֶיןָ מֹרַת רוּחַ לְיִצְחָק
וּלְרִבְקָה׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages