Ps 73
Ps 73
Ps 73.1
eruditionis Asaph ut quid Deus reppulisti in finem fumavit furor tuus in gregem pascuae tuae
Ps 73.2
recordare congregationis tuae quam possedisti ab initio et redemisti virgam hereditatis tuae montis Sion in quo habitasti
Ps 73.3
sublimitas pedum tuorum dissipata est usque ad finem omnia mala egit inimicus in sanctuario
Ps 73.4
fremuerunt hostes tui in medio pacti tui posuerunt signa sua in tropeum
Ps 73.5
manifesta in introitu desuper in saltu lignorum secures
Ps 73.6
et nunc scalpturas eius pariter bipinne et dolatoriis deraserunt
Ps 73.7
miserunt ignem in sanctuarium tuum in terram contaminaverunt habitaculum nominis tui
Ps 73.8
dixerunt in cordibus suis posteri eorum simul incenderunt omnes sollemnitates Dei in terra
Ps 73.9
signa nostra non vidimus non est ultra propheta et non est nobiscum qui sciat usquequo
Ps 73.10
usquequo Deus exprobrabit adversarius blasphemabit inimicus nomen tuum in finem
Ps 73.11
quare convertis manum tuam et dexteram tuam ad medium sinum tuum consume
Ps 73.12
Deus autem rex meus ab initio operatur salutes in medio terrae
Ps 73.13
tu dissipasti in fortitudine tua mare contrivisti capita draconum in aquis
Ps 73.14
tu confregisti capita Leviathan dedisti eum in escam populo Aethiopum
Ps 73.15
tu disrupisti fontem et torrentem tu exsiccasti flumina fortia
Ps 73.16
tua est dies et tua est nox tu ordinasti luminaria et solem
Ps 73.17
tu statuisti omnes terminos terrae aestatem et hiemem tu plasmasti
Ps 73.18
memento huius inimicus exprobravit Domino et populus insipiens blasphemavit nomen tuum
Ps 73.19
ne tradas bestiis animam eruditam lege tua vitae pauperum tuorum ne obliviscaris in perpetuum
Ps 73.20
respice ad pactum quia repletae sunt tenebris terrae habitationes iniquae subrutae
Ps 73.21
ne revertatur confractus et confusus egenus et pauper laudabunt nomen tuum
Ps 73.22
surge Deus iudica causam tuam memento obprobrii tui ab insipiente tota die
Ps 73.23
ne obliviscaris vocis hostium tuorum sonitus adversariorum tuorum ascendit iugiter
