Ps 64
Ps 64
Ps 64.1
victori carmen David cantici
Ps 64.2
tibi silens laus Deus in Sion et tibi reddetur votum
Ps 64.3
exaudi orationem donec ad te omnis caro veniat
Ps 64.4
verba iniquitatum praevaluerunt adversum me sceleribus nostris tu propitiaberis
Ps 64.5
beatus quem elegeris et susceperis habitabit enim in atriis tuis replebimur bonis domus tuae sanctificatione templi tui
Ps 64.6
terribilis in iustitia exaudi nos Deus salvator noster confidentia omnium finium terrae et maris longinqui
Ps 64.7
praeparans montes in virtute tua accinctus fortitudine
Ps 64.8
conpescens sonitum maris fremitum fluctuum eius et multitudinem gentium
Ps 64.9
et timebunt qui habitant in extremis a signis tuis egressus matutinos et vespere laudantes facies
Ps 64.10
visita terram et inriga eam ubertate dita eam rivus Dei plenus aqua praeparabis frumentum eorum quia sic fundasti eam
Ps 64.11
sulcos eius inebria multiplica fruges eius pluviis inriga eam et germini eius benedic
Ps 64.12
volvetur annus in bonitate tua et vestigia tua rorabunt pinguidine
Ps 64.13
pinguescent pascua deserti et exultatione colles accingentur
Ps 64.14
vestientur agnis greges et valles plenae erunt frumento coaequabuntur et canent
