Ps 61
Ps 61
Ps 61.1
victori per Idithun canticum David
Ps 61.2
attamen apud Deum silebit anima mea ex eo salus mea
Ps 61.3
attamen ipse est scutum meum et salus mea fortitudo mea non commovebor amplius
Ps 61.4
usquequo insidiamini contra virum interficitis omnes quasi murus inclinus et maceria corruens
Ps 61.5
partem enim eius cogitaverunt expellere placuerunt sibi in mendacio ore suo singuli benedicunt et corde suo maledicunt semper
Ps 61.6
verumtamen Deo retice anima mea ab ipso enim praestolatio mea
Ps 61.7
ipse est fortitudo mea et salus mea susceptor meus non timebo
Ps 61.8
in Deo salutare meum et gloria mea robur fortitudinis meae salus mea in Deo
Ps 61.9
sperate in eo omni tempore populi effundite coram eo cor vestrum Deus spes nostra est semper
Ps 61.10
verumtamen vanitas filii Adam mendacium filii viri in stateris dolosis fraudulenter agunt simul
Ps 61.11
nolite confidere in calumnia et in rapina ne frustremini divitiae si fluxerint ne adponatis cor
Ps 61.12
unum locutus est Deus duo haec audivi quia imperium Dei est
Ps 61.13
et tibi Domine misericordia quia tu reddes unicuique secundum opus suum
