Ps 53
Ps 53
Ps 53.1
victori in psalmis eruditi David
Ps 53.2
quando venerunt Ziphei et dixerunt Saul nonne David absconditus est apud nos
Ps 53.3
Deus in nomine tuo salva me et in fortitudine tua ulciscere me
Ps 53.4
Deus exaudi orationem meam auribus percipe verba oris mei
Ps 53.5
quia alieni insurrexerunt adversus me et fortes quaesierunt animam meam et non posuerunt Deum in conspectu suo semper
Ps 53.6
ecce Deus auxiliatur mihi Dominus sustentans animam meam
Ps 53.7
reddet malum insidiatoribus meis in veritate tua disperde eos
Ps 53.8
voluntarie sacrificabo tibi confitebor nomini tuo Domine quoniam bonum est
Ps 53.9
quoniam ex omni tribulatione liberavit me et inimicos meos dispexit oculus meus