Ps 45
Ps 45
Ps 45.1
victori filiorum Core pro iuventutibus canticum
Ps 45.2
Deus nostra spes et fortitudo auxilium in tribulationibus inventus es validum
Ps 45.3
ideo non timebimus cum fuerit translata terra et concussi montes in corde maris
Ps 45.4
sonantibus et intumescentibus gurgitibus eius et agitatis montibus in potentia eius semper
Ps 45.5
fluminis divisiones laetificant civitatem Dei sanctum tabernaculum Altissimi
Ps 45.6
Dominus in medio eius non commovebitur auxiliabitur ei Deus in ipso ortu matutino
Ps 45.7
conturbatae sunt gentes concussa sunt regna dedit vocem suam prostrata est terra
Ps 45.8
Dominus exercituum nobiscum protector noster Deus Iacob semper
Ps 45.9
venite et videte opera Domini quantas posuerit solitudines in terra
Ps 45.10
conpescuit bella usque ad extremum terrae arcum confringet et concidet hastam plaustra conburet igni
Ps 45.11
cessate et cognoscite quoniam ego sum Deus exaltabor in gentibus exaltabor in terra
Ps 45.12
Dominus exercituum nobiscum fortitudo nostra Deus Iacob semper
