Ps 43

Teljes szövegű keresés

Ps 43
Ps 43.1
pro victoria filiorum Core eruditionis
Ps 43.2
Deus auribus nostris audivimus patres nostri narraverunt nobis opus quod operatus es in diebus eorum in diebus antiquis
Ps 43.3
tu manu tua gentes delisti et plantasti eos adflixisti populos et emisisti eos
Ps 43.4
non enim in gladio suo possederunt terram neque brachium eorum salvavit eos sed dextera tua et brachium tuum et lux vultus tui quia conplacuisti tibi
Ps 43.5
tu es rex meus Deus praecipe pro salutibus Iacob
Ps 43.6
in te hostes nostros ventilabimus in nomine tuo conculcabimus adversarios nostros
Ps 43.7
non enim in arcu meo confidam neque gladius meus salvabit me
Ps 43.8
quia salvasti nos de hostibus nostris et eos qui oderant nos confudisti
Ps 43.9
in Domino gaudebimus tota die et in nomine tuo in aeternum confitebimur semper
Ps 43.10
verum tu proiecisti et confudisti nos et non egredieris in exercitibus nostris
Ps 43.11
vertisti terga nostra hosti et qui oderant nos diripuerunt nos
Ps 43.12
dedisti nos quasi gregem ad vorandum et in gentibus dispersisti nos
Ps 43.13
vendidisti populum tuum sine pretio nec grandis fuit commutatio eorum
Ps 43.14
posuisti nos obprobrium vicinis nostris subsannationem et inrisum his qui erant in circuitu nostro
Ps 43.15
posuisti nos similitudinem in gentibus commotionem capitis in tribubus
Ps 43.16
tota die confusio mea contra me et ignominia faciei meae cooperuit me
Ps 43.17
a voce exprobrantis et blasphemantis a facie inimici et ultoris
Ps 43.18
omnia haec venerunt super nos et non sumus obliti tui nec mentiti fuimus in pacto tuo
Ps 43.19
non est conversum retro cor nostrum nec declinaverunt gressus nostri a semita tua
Ps 43.20
quoniam deiecisti nos in loco draconum et operuisti nos umbra mortis
Ps 43.21
si obliti sumus nominis Dei nostri et expandimus manus nostras ad deum alienum
Ps 43.22
numquid non Deus investigabit istud ipse enim novit cogitationes cordis quoniam propter te mortificati sumus tota die reputati sumus ut grex occisionis
Ps 43.23
consurge quare dormitas Domine evigila quare proicis nos in sempiternum
Ps 43.24
quare faciem tuam abscondis oblivisceris adflictiones et angustias nostras
Ps 43.25
quoniam incurvata est in pulvere anima nostra adhesit terrae venter noster
Ps 43.26
surge auxiliare nobis et redime nos propter misericordiam tuam

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages