Ps 20
Ps 20
Ps 20.1
victori canticum David
Ps 20.2
Domine in fortitudine tua laetabitur rex et in salutari tuo exultabit vehementer
Ps 20.3
desiderium cordis eius dedisti ei et voluntate labiorum eius non fraudasti eum semper
Ps 20.4
quoniam praevenies eum benedictionibus bonitatis pones in capite eius coronam de lapide pretioso
Ps 20.5
vitam petivit te et dedisti ei longitudinem dierum in saeculum et in aeternum
Ps 20.6
magna gloria eius in salutari tuo gloriam et decorem pones super eum
Ps 20.7
pones enim eum benedictionem sempiternam et hilarabis eum laetitia apud vultum tuum
Ps 20.8
quia rex confidet in Domino et in misericordia Excelsi non decipietur
Ps 20.9
inveniet manus tua omnes inimicos tuos dextera tua inveniet odientes te
Ps 20.10
pones eos ut clibanum ignis in tempore vultus tui Dominus in furore suo praecipitabit eos et devorabit eos ignis
Ps 20.11
fructum eorum de terra perdes et semen eorum de filiis hominum
Ps 20.12
quoniam inclinaverunt super te malum cogitaverunt scelus quod non potuerunt
Ps 20.13
quia pones eos umerum funes tuos firmabis contra facies eorum
Ps 20.14
exaltare Domine in fortitudine tua cantabimus et psallemus fortitudines tuas
