Ps 13
Ps 13
Ps 13.1
victori David dixit stultus in corde suo non est Deus corrupti sunt et abominabiles facti sunt studiose non est qui faciat bonum
Ps 13.2
Dominus de caelo prospexit super filios hominum ut videret si esset intellegens requirens Deum
Ps 13.3
omnes recesserunt simul conglutinati sunt non est qui faciat bonum non est usque ad unum
Ps 13.4
nonne cognoscent omnes qui operantur iniquitatem qui devorant populum meum ut cibum panis
Ps 13.5
Dominum non invocaverunt ibi timebunt formidine
Ps 13.6
quoniam Deus in generatione iusta est consilium pauperum confudistis quoniam Dominus spes eius est
Ps 13.7
quis dabit de Sion salutem Israhel quando reduxerit Dominus captivitatem populi sui exultabit Iacob et laetabitur Israhel