1Par 12

Teljes szövegű keresés

1Par 12
1Par 12.1
hii quoque venerunt ad David in Siceleg cum adhuc fugeret Saul filium Cis qui erant fortissimi et egregii pugnatores
1Par 12.2
tendentes arcum et utraque manu fundis saxa iacientes et dirigentes sagittas de fratribus Saul ex Beniamin
1Par 12.3
princeps Ahiezer et Ioas filii Sammaa Gabathites et Iazihel et Phallet filii Azmoth et Baracha et Ieu Anathothites
1Par 12.4
Samaias quoque Gabaonites fortissimus inter triginta et super triginta Hieremias et Iezihel et Iohanan et Iezbad Gaderothites
1Par 12.5
Eluzai et Ierimuth et Baalia et Samaria et Saphatia Aruphites
1Par 12.6
Helcana et Iesia et Azrahel et Ioezer et Iesbaam de Careim
1Par 12.7
Ioeela quoque et Zabadia filii Ieroam de Gedor
1Par 12.8
sed et de Gaddi transfugerunt ad David cum lateret in deserto viri robustissimi et pugnatores optimi tenentes clypeum et hastam facies eorum quasi facies leonis et veloces quasi capreae in montibus
1Par 12.9
Ezer princeps Obdias secundus Eliab tertius
1Par 12.10
Masmana quartus Hieremias quintus
1Par 12.11
Hetthi sextus Helihel septimus
1Par 12.12
Iohanan octavus Helzebad nonus
1Par 12.13
Hieremias decimus Bachannai undecimus
1Par 12.14
hii de filiis Gad principes exercitus novissimus centum militibus praeerat et maximus mille
1Par 12.15
isti sunt qui transierunt Iordanem mense primo quando inundare consuevit super ripas suas et omnes fugaverunt qui morabantur in vallibus ad orientalem plagam et occidentalem
1Par 12.16
venerunt autem et de Beniamin et de Iuda ad praesidium in quo morabatur David
1Par 12.17
egressusque est David obviam eis et ait si pacifice venistis ad me ut auxiliemini mihi cor meum iungatur vobis si autem insidiamini mihi pro adversariis meis cum ego iniquitatem in manibus non habeam videat Deus patrum nostrorum et iudicet
1Par 12.18
spiritus vero induit Amessai principem inter triginta et ait tui sumus o David et tecum fili Isai pax pax tibi et pax adiutoribus tuis te enim adiuvat Deus tuus suscepit ergo eos David et constituit principes turmae
1Par 12.19
porro de Manasse transfugerunt ad David quando veniebat cum Philisthim adversum Saul ut pugnaret et non dimicavit cum eis quia inito consilio remiserunt eum principes Philisthinorum dicentes periculo capitis nostri revertetur ad dominum suum Saul
1Par 12.20
quando igitur reversus est in Siceleg transfugerunt ad eum de Manasse Ednas et Iozabad et Iedihel et Michahel et Iozabad et Heliu et Salathi principes milium in Manasse
1Par 12.21
hii praebuerunt auxilium David adversum latrunculos omnes enim erant viri fortissimi et facti sunt principes in exercitu
1Par 12.22
sed et per singulos dies veniebant ad David ad auxiliandum ei usque dum fieret grandis numerus quasi exercitus Dei
1Par 12.23
iste quoque est numerus principum exercitus qui venerunt ad David cum esset in Hebron ut transferrent regnum Saul ad eum iuxta verbum Domini
1Par 12.24
filii Iuda portantes clypeum et hastam sex milia octingenti expediti ad proelium
1Par 12.25
de filiis Symeon virorum fortissimorum ad pugnandum septem milia centum
1Par 12.26
de filiis Levi quattuor milia sescenti
1Par 12.27
Ioiada quoque princeps de stirpe Aaron et cum eo tria milia septingenti
1Par 12.28
Sadoc etiam puer egregiae indolis et domus patris eius principes viginti duo
1Par 12.29
de filiis autem Beniamin fratribus Saul tria milia magna enim pars eorum adhuc sequebatur domum Saul
1Par 12.30
porro de filiis Ephraim viginti milia octingenti fortissimi robore viri nominati in cognationibus suis
1Par 12.31
et ex dimidia parte tribus Manasse decem et octo milia singuli per nomina sua venerunt ut constituerent regem David
1Par 12.32
de filiis quoque Isachar viri eruditi qui norant singula tempora ad praecipiendum quid facere deberet Israhel principes ducenti omnis autem reliqua tribus eorum consilium sequebatur
1Par 12.33
porro de Zabulon qui egrediebantur ad proelium et stabant in acie instructi armis bellicis quinquaginta milia venerunt in auxilium non in corde duplici
1Par 12.34
et de Nepthali principes mille et cum eis instructa clypeo et hasta triginta septem milia
1Par 12.35
de Dan etiam praeparata ad proelium viginti octo milia sescentorum
1Par 12.36
et de Aser egredientes ad pugnam et in acie provocantes quadraginta milia
1Par 12.37
trans Iordanem autem de filiis Ruben et Gad et dimidia parte tribus Manasse instructa armis bellicis centum viginti milia
1Par 12.38
omnes isti viri bellatores et expediti ad pugnandum corde perfecto venerunt in Hebron ut constituerent regem David super universum Israhel sed et omnes reliqui ex Israhel uno corde erant ut rex fieret David
1Par 12.39
fueruntque ibi apud David tribus diebus comedentes et bibentes praeparaverunt enim eis fratres sui
1Par 12.40
sed et qui iuxta eos erant usque ad Isachar et Zabulon et Nepthalim adferebant panes in asinis et camelis et mulis et bubus ad vescendum farinam palatas uvam passam vinum oleum boves arietes ad omnem copiam gaudium quippe erat in Israhel

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT