1Par 11

Teljes szövegű keresés

1Par 11
1Par 11.1
congregatus est igitur omnis Israhel ad David in Hebron dicens os tuum sumus et caro tua
1Par 11.2
heri quoque et nudius tertius cum adhuc regnaret Saul tu eras qui educebas et introducebas Israhel tibi enim dixit Dominus Deus tuus tu pasces populum meum Israhel et tu eris princeps super eum
1Par 11.3
venerunt ergo omnes maiores natu Israhel ad regem in Hebron et iniit David cum eis foedus coram Domino unxeruntque eum regem super Israhel iuxta sermonem Domini quem locutus est in manu Samuhel
1Par 11.4
abiit quoque David et omnis Israhel in Hierusalem haec est Iebus ubi erant Iebusei habitatores terrae
1Par 11.5
dixeruntque qui habitabant in Iebus ad David non ingredieris huc porro David cepit arcem Sion quae est civitas David
1Par 11.6
dixitque omnis qui percusserit Iebuseum in primis erit princeps et dux ascendit igitur primus Ioab filius Sarviae et factus est princeps
1Par 11.7
habitavit autem David in arce et idcirco appellata est civitas David
1Par 11.8
aedificavitque urbem in circuitu a Mello usque ad gyrum Ioab autem reliqua urbis extruxit
1Par 11.9
proficiebatque David vadens et crescens et Dominus exercituum erat cum eo
1Par 11.10
hii principes virorum fortium David qui adiuverunt eum ut rex fieret super omnem Israhel iuxta verbum Domini quod locutus est ad Israhel
1Par 11.11
et iste numerus robustorum David Iesbaam filius Achamoni princeps inter triginta iste levavit hastam suam super trecentos vulneratos una vice
1Par 11.12
et post eum Eleazar filius patrui eius Ahoites qui erat inter tres potentes
1Par 11.13
iste fuit cum David in Aphesdommim quando Philisthim congregati sunt ad locum illum in proelium et erat ager regionis illius plenus hordeo fugeratque populus a facie Philisthinorum
1Par 11.14
hic stetit in medio agri et defendit eum cumque percussisset Philistheos dedit Dominus salutem magnam populo suo
1Par 11.15
descenderunt autem tres de triginta principibus ad petram in qua erat David ad speluncam Odollam quando Philisthim fuerant castrametati in valle Raphaim
1Par 11.16
porro David erat in praesidio et statio Philisthinorum in Bethleem
1Par 11.17
desideravit igitur David et dixit o si quis daret mihi aquam de cisterna Bethleem quae est in porta
1Par 11.18
tres ergo isti per media castra Philisthinorum perrexerunt et hauserunt aquam de cisterna Bethleem quae erat in porta et adtulerunt ad David ut biberet qui noluit sed magis libavit illam Domino
1Par 11.19
dicens absit ut in conspectu Dei mei hoc faciam et sanguinem virorum istorum bibam quia in periculo animarum suarum adtulerunt mihi aquam et ob hanc causam noluit bibere haec fecerunt tres robustissimi
1Par 11.20
Abisai quoque frater Ioab ipse erat princeps trium et ipse levavit hastam suam contra trecentos vulneratos et ipse erat inter tres nominatissimus
1Par 11.21
inter tres secundos inclitus et princeps eorum verumtamen usque ad tres primos non pervenerat
1Par 11.22
Banaia filius Ioiadae viri robustissimi qui multa opera perpetrarat de Capsehel ipse percussit duos Arihel Moab et ipse descendit et interfecit leonem in media cisterna tempore nivis
1Par 11.23
et ipse percussit virum aegyptium cuius statura erat quinque cubitorum et habebat lanceam ut liciatorium texentium descendit ergo ad eum cum virga et rapuit hastam quam tenebat manu et interfecit eum hasta sua
1Par 11.24
haec fecit Banaia filius Ioiada qui erat inter tres robustos nominatissimus
1Par 11.25
inter triginta primus verumtamen ad tres usque non pervenerat posuit autem eum David ad auriculam suam
1Par 11.26
porro fortissimi in exercitu Asahel frater Ioab et Eleanan filius patrui eius de Bethleem
1Par 11.27
Semmoth Arorites Helles Phallonites
1Par 11.28
Iras filius Acces Thecuites Abiezer Anathothites
1Par 11.29
Sobbochai Asothites Ilai Ahoites
1Par 11.30
Marai Netophathites Heled filius Baana Netophathites
1Par 11.31
Ethai filius Ribai de Gabaath filiorum Beniamin Banaia Pharathonites
1Par 11.32
Uri de torrente Gaas Abial Arabathites Azmoth Bauramites Eliaba Salabonites
1Par 11.33
filii Asom Gezonites Ionathan filius Sega Ararites
1Par 11.34
Ahiam filius Sachar Ararites
1Par 11.35
Eliphal filius Ur Apher Mechurathites Ahia Phellonites
1Par 11.36
Asrai Carmelites Noorai filius Azbi
1Par 11.37
Iohel frater Nathan Mabar filius Agarai
1Par 11.38
Sellec Ammonites Noorai Berothites armiger Ioab filii Sarviae
1Par 11.39
Iras Iethreus Gareb Iethreus
1Par 11.40
Urias Ettheus Zabad filius Ooli
1Par 11.41
Adina filius Seza Rubenites princeps Rubenitarum et cum eo triginta
1Par 11.42
Hanan filius Maacha et Iosaphat Mathanites
1Par 11.43
Ozias Astharothites Semma et Iaihel filii Hotam Aroerites
1Par 11.44
Iedihel filius Samri et Ioha frater eius Thosaites
1Par 11.45
Elihel Maumites et Ieribai et Iosaia filii Elnaem et Iethma Moabites Elihel et Obed et Iasihel de Masobia

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT