Tit 3

Teljes szövegű keresés

Tit 3
Tit 3.1
admone illos principibus et potestatibus subditos esse dicto oboedire ad omne opus bonum paratos esse
Tit 3.2
neminem blasphemare non litigiosos esse modestos omnem ostendentes mansuetudinem ad omnes homines
Tit 3.3
eramus enim et nos aliquando insipientes increduli errantes servientes desideriis et voluptatibus variis in malitia et invidia agentes odibiles odientes invicem
Tit 3.4
cum autem benignitas et humanitas apparuit salvatoris nostri Dei
Tit 3.5
non ex operibus iustitiae quae fecimus nos sed secundum suam misericordiam salvos nos fecit per lavacrum regenerationis et renovationis Spiritus Sancti
Tit 3.6
quem effudit in nos abunde per Iesum Christum salvatorem nostrum
Tit 3.7
ut iustificati gratia ipsius heredes simus secundum spem vitae aeternae
Tit 3.8
fidelis sermo est et de his volo te confirmare ut curent bonis operibus praeesse qui credunt Deo haec sunt bona et utilia hominibus
Tit 3.9
stultas autem quaestiones et genealogias et contentiones et pugnas legis devita sunt enim inutiles et vanae
Tit 3.10
hereticum hominem post unam et secundam correptionem devita
Tit 3.11
sciens quia subversus est qui eiusmodi est et delinquit proprio iudicio condemnatus
Tit 3.12
cum misero ad te Arteman aut Tychicum festina ad me venire Nicopolim ibi enim statui hiemare
Tit 3.13
Zenan legis peritum et Apollo sollicite praemitte ut nihil illis desit
Tit 3.14
discant autem et nostri bonis operibus praeesse ad usus necessarios ut non sint infructuosi
Tit 3.15
salutant te qui mecum sunt omnes saluta qui nos amant in fide gratia Dei cum omnibus vobis amen

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT