1Co 11

Teljes szövegű keresés

1Co 11
1Co 11.1
de spiritalibus autem nolo vos ignorare fratres
1Co 11.2
scitis quoniam cum gentes essetis ad simulacra muta prout ducebamini euntes
1Co 11.3
ideo notum vobis facio quod nemo in Spiritu Dei loquens dicit anathema Iesu et nemo potest dicere Dominus Iesus nisi in Spiritu Sancto
1Co 11.4
divisiones vero gratiarum sunt idem autem Spiritus
1Co 11.5
et divisiones ministrationum sunt idem autem Dominus
1Co 11.6
et divisiones operationum sunt idem vero Deus qui operatur omnia in omnibus
1Co 11.7
unicuique autem datur manifestatio Spiritus ad utilitatem
1Co 11.8
alii quidem per Spiritum datur sermo sapientiae alii autem sermo scientiae secundum eundem Spiritum
1Co 11.9
alteri fides in eodem Spiritu alii gratia sanitatum in uno Spiritu
1Co 11.10
alii operatio virtutum alii prophetatio alii discretio spirituum alii genera linguarum alii interpretatio sermonum
1Co 11.11
haec autem omnia operatur unus atque idem Spiritus dividens singulis prout vult
1Co 11.12
sicut enim corpus unum est et membra habet multa omnia autem membra corporis cum sint multa unum corpus sunt ita et Christus
1Co 11.13
etenim in uno Spiritu omnes nos in unum corpus baptizati sumus sive Iudaei sive gentiles sive servi sive liberi et omnes unum Spiritum potati sumus
1Co 11.14
nam et corpus non est unum membrum sed multa
1Co 11.15
si dixerit pes quoniam non sum manus non sum de corpore non ideo non est de corpore
1Co 11.16
et si dixerit auris quia non sum oculus non sum de corpore non ideo non est de corpore
1Co 11.17
si totum corpus oculus ubi auditus si totum auditus ubi odoratus
1Co 11.18
nunc autem posuit Deus membra unumquodque eorum in corpore sicut voluit
1Co 11.19
quod si essent omnia unum membrum ubi corpus
1Co 11.20
nunc autem multa quidem membra unum autem corpus
1Co 11.21
non potest dicere oculus manui opera tua non indigeo aut iterum caput pedibus non estis mihi necessarii
1Co 11.22
sed multo magis quae videntur membra corporis infirmiora esse necessariora sunt
1Co 11.23
et quae putamus ignobiliora membra esse corporis his honorem abundantiorem circumdamus et quae inhonesta sunt nostra abundantiorem honestatem habent
1Co 11.24
honesta autem nostra nullius egent sed Deus temperavit corpus ei cui deerat abundantiorem tribuendo honorem
1Co 11.25
ut non sit scisma in corpore sed id ipsum pro invicem sollicita sint membra
1Co 11.26
et si quid patitur unum membrum conpatiuntur omnia membra sive gloriatur unum membrum congaudent omnia membra
1Co 11.27
vos autem estis corpus Christi et membra de membro
1Co 11.28
et quosdam quidem posuit Deus in ecclesia primum apostolos secundo prophetas tertio doctores deinde virtutes exin gratias curationum opitulationes gubernationes genera linguarum
1Co 11.29
numquid omnes apostoli numquid omnes prophetae numquid omnes doctores
1Co 11.30
numquid omnes virtutes numquid omnes gratiam habent curationum numquid omnes linguis loquuntur numquid omnes interpretantur
1Co 11.31
aemulamini autem charismata maiora et adhuc excellentiorem viam vobis demonstro

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT