Ac 16

Teljes szövegű keresés

Ac 16
Ac 16.1
pervenit autem in Derben et Lystram et ecce discipulus quidam erat ibi nomine Timotheus filius mulieris iudaeae fidelis patre gentili
Ac 16.2
huic testimonium reddebant qui in Lystris erant et Iconii fratres
Ac 16.3
hunc voluit Paulus secum proficisci et adsumens circumcidit eum propter Iudaeos qui erant in illis locis sciebant enim omnes quod pater eius gentilis esset
Ac 16.4
cum autem pertransirent civitates tradebant eis custodire dogmata quae erant decreta ab apostolis et senioribus qui essent Hierosolymis
Ac 16.5
et ecclesiae quidem confirmabantur fide et abundabant numero cotidie
Ac 16.6
transeuntes autem Frygiam et Galatiae regionem vetati sunt a Sancto Spiritu loqui verbum in Asia
Ac 16.7
cum venissent autem in Mysiam temptabant ire Bithyniam et non permisit eos Spiritus Iesu
Ac 16.8
cum autem pertransissent Mysiam descenderunt Troadem
Ac 16.9
et visio per noctem Paulo ostensa est vir macedo quidam erat stans et deprecans eum et dicens transiens in Macedoniam adiuva nos
Ac 16.10
ut autem visum vidit statim quaesivimus proficisci in Macedoniam certi facti quia vocasset nos Deus evangelizare eis
Ac 16.11
navigantes autem a Troade recto cursu venimus Samothraciam et sequenti die Neapolim
Ac 16.12
et inde Philippis quae est prima partis Macedoniae civitas colonia eramus autem in hac urbe diebus aliquot conferentes
Ac 16.13
die autem sabbatorum egressi sumus foras portam iuxta flumen ubi videbatur oratio esse et sedentes loquebamur mulieribus quae convenerant
Ac 16.14
et quaedam mulier nomine Lydia purpuraria civitatis Thyatirenorum colens Deum audivit cuius Dominus aperuit cor intendere his quae dicebantur a Paulo
Ac 16.15
cum autem baptizata esset et domus eius deprecata est dicens si iudicastis me fidelem Domino esse introite in domum meam et manete et coegit nos
Ac 16.16
factum est autem euntibus nobis ad orationem puellam quandam habentem spiritum pythonem obviare nobis quae quaestum magnum praestabat dominis suis divinando
Ac 16.17
haec subsecuta Paulum et nos clamabat dicens isti homines servi Dei excelsi sunt qui adnuntiant vobis viam salutis
Ac 16.18
hoc autem faciebat multis diebus dolens autem Paulus et conversus spiritui dixit praecipio tibi in nomine Iesu Christi exire ab ea et exiit eadem hora
Ac 16.19
videntes autem domini eius quia exivit spes quaestus eorum adprehendentes Paulum et Silam perduxerunt in forum ad principes
Ac 16.20
et offerentes eos magistratibus dixerunt hii homines conturbant civitatem nostram cum sint Iudaei
Ac 16.21
et adnuntiant morem quem non licet nobis suscipere neque facere cum simus Romani
Ac 16.22
et concurrit plebs adversus eos et magistratus scissis tunicis eorum iusserunt virgis caedi
Ac 16.23
et cum multas plagas eis inposuissent miserunt eos in carcerem praecipientes custodi ut diligenter custodiret eos
Ac 16.24
qui cum tale praeceptum accepisset misit eos in interiorem carcerem et pedes eorum strinxit in ligno
Ac 16.25
media autem nocte Paulus et Silas adorantes laudabant Deum et audiebant eos qui in custodia erant
Ac 16.26
subito vero terraemotus factus est magnus ita ut moverentur fundamenta carceris et aperta sunt statim ostia omnia et universorum vincula soluta sunt
Ac 16.27
expergefactus autem custos carceris et videns apertas ianuas carceris evaginato gladio volebat se interficere aestimans fugisse vinctos
Ac 16.28
clamavit autem Paulus magna voce dicens nihil feceris tibi mali universi enim hic sumus
Ac 16.29
petitoque lumine introgressus est et tremefactus procidit Paulo et Silae
Ac 16.30
et producens eos foras ait domini quid me oportet facere ut salvus fiam
Ac 16.31
at illi dixerunt crede in Domino Iesu et salvus eris tu et domus tua
Ac 16.32
et locuti sunt ei verbum Domini cum omnibus qui erant in domo eius
Ac 16.33
et tollens eos in illa hora noctis lavit plagas eorum et baptizatus est ipse et omnes eius continuo
Ac 16.34
cumque perduxisset eos in domum suam adposuit eis mensam et laetatus est cum omni domo sua credens Deo
Ac 16.35
et cum dies factus esset miserunt magistratus lictores dicentes dimitte homines illos
Ac 16.36
nuntiavit autem custos carceris verba haec Paulo quia miserunt magistratus ut dimittamini nunc igitur exeuntes ite in pace
Ac 16.37
Paulus autem dixit eis caesos nos publice indemnatos homines romanos miserunt in carcerem et nunc occulte nos eiciunt non ita sed veniant
Ac 16.38
et ipsi nos eiciant nuntiaverunt autem magistratibus lictores verba haec timueruntque audito quod Romani essent
Ac 16.39
et venientes deprecati sunt eos et educentes rogabant ut egrederentur urbem
Ac 16.40
exeuntes autem de carcere introierunt ad Lydiam et visis fratribus consolati sunt eos et profecti sunt

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages