Zeph 1

Teljes szövegű keresés

Zeph 1
Zeph 1.1
דְּבַר־יְהוָה אֲשֶׁר הָיָה אֶל־צְפַנְיָה
בֶּנ־כּוּשִׁי בֶנ־גְּדַלְיָה בֶּנ־אֲמַרְיָה
בֶּנ־חִזְקִיָּה בִּימֵי יֺאשִׁיָּהוּ
בֶנ־אָמוֺן מֶלֶך יְהוּדָה׃
Zeph 1.2
אָסֹף אָסֵף כֹּל מֵעַל פְּנֵי הָאֲדָמָה
נְאֻמ־יְהוָה׃
Zeph 1.3
אָסֵף אָדָם וּבְהֵמָה אָסֵף עוֺפ־הַשָּׁמַיִם
וּדְגֵי הַיָּם וְהַמַּכְשֵׁלוֺת אֶת־הָרְשָׁעִים
וְהִכְרַתִּי אֶת־הָאָדָם מֵעַל פְּנֵי
הָאֲדָמָה נְאֻמ־יְוָה׃
Zeph 1.4
וְנָטִיתִי יָדִי עַל־יְהוּדָה וְעַל
כָּל־יֺושְׁבֵי יְרוּשָׁלִָם וְהִכְרַתִּי
מִנ־הַמָּקוֺם הַזֶּה אֶת־שְׁאָר הַבַּעַל
אֶת־שֵׁם הַכְּמָרִים עִמ־הַכֹּהֲנִם׃
Zeph 1.5
וְאֶת־הַמִּשְׁתַּחֲוִים עַל־הַגַּגֺּות
לִצְבָא הַשָּׁמָיִם וְאֶת־הַמִּשְׁתַּחֲוִים
הַנִּשְׁבָּעִים לַיהוָה וְהַנִּשְׁבָּעִים
בְּמַלְכָּם׃
Zeph 1.6
וְאֶת־הַנְּסוֺגִים מֵאַחֲרֵי יְהוָה
וַאֲשֶׁר לֹא־בִקְשׁוּ אֶת־יְהוָה
וְלֹא דְרָשֻׁהוּ׃
Zeph 1.7
הַס מִפְּנֵי אֲדֹנָי יְהוִה כִּי
קָרוֺב יֺום יְהוָה כִּי־הֵכִין
יְהוָה זֶבַח הִקְדִּישׁ קְרֻאָיו׃
Zeph 1.8
וְהָיָה בְּיֺום זֶבַח יְהוָה וּפָקַדְתִּי
עַל־הַשָּׂרִים וְעַל־בְּנֵי הַמֶּלֶך
וְעַל כָּל־הַלֹּבְשִׁים מַלְבּוּשׁ נָכְרִי׃
Zeph 1.9
וּפָקַדְתִּי עַל כָּל־הַדּוֺלֵג עַל־הַמִּפְתָּן
בַּיֺּום הַהוּא הַמְמַלְאִים בֵּית
אֲדֹנֵיהֶם חָמָס וּמִרְמָה׃ ס
Zeph 1.10
וְהָיָה בַיֺּום הַהוּא נְאֻמ־יְהוָה
קוֺל צְעָקָה מִשַּׁעַר הַדָּגִים וִילָלָה
מִנ־הַמִּשְׁנֶה וְשֶׁבֶר גָּדוֺל מֵהַגְּבָעוֺת׃
Zeph 1.11
הֵילִילוּ יֺשְׁבֵי הַמַּכְתֵּשׁ כִּי
נִדְמָה כָּל־עַם כְּנַעַן נִכְרְתוּ
כָּל־נְטִילֵי כָסֶף׃
Zeph 1.12
וְהָיָה בָּעֵת הַהִיא אֲחַפֵּשׂ אֶת־יְרוּשָׁלִַם
בַּנֵּרוֺת וּפָקַדְתִּי עַל־הָאֲנָשִׁים
הַקֹּפְאִים עַל־שִׁמְרֵיהֶם הָאֹמְרִים
בִּלְבָבָם לֹא־יֵיטִיב יְהוָה
וְלֹא יָרֵעַ׃
Zeph 1.13
וְהָיָה חֵילָם לִמְשִׁסָּה וּבָתֵּיהֶם
לִשְׁמָמָה וּבָנוּ בָתִּים וְלֹא
יֵשֵׁבוּ וְנָטְעוּ כְרָמִים וְלֹא
יִשְׁתּוּ אֶת־יֵינָם׃
Zeph 1.14
קָרוֺב יֺומ־יְהוָה הַגָּדוֺל קָרוֺב
וּמַהֵר מְאֹד קוֺל יֺום יְהוָה
מַר צֹרֵחַ שָׁם גִּבּוֺר׃
Zeph 1.15
יֺום עֶבְרָה הַיֺּום הַהוּא יֺום
צָרָה וּמְצוּקָה יֺום שֹׁאָה וּמְשׁוֺאָה
יֺום חֹשֶׁך וַאֲפֵלָה יֺום עָנָן
וַעֲרָפֶל׃
Zeph 1.16
יֺום שׁוֺפָר וּתְרוּעָה עַל הֶעָרִים
הַבְּצֻרוֺת וְעַל הַפִּנֺּות הַגְּבֹהוֺת׃
Zeph 1.17
וַהֲצֵרֹתִי לָאָדָם וְהָלְכוּ כַּעִוְרִים
כִּי לַיהוָה חָטָאוּ וְשֻׁפַּך דָּמָם
כֶּעָפָר וּלְחֻמָם כַּגְּלָלִים׃
Zeph 1.18
גַּמ־כַּסְפָּם גַּמ־זְהָבָם לֹא־יוּכַל
לְהַצִּילָם בְּיֺום עֶבְרַת יְהוָה
וּבְאֵשׁ קִנְאָתוֺ תֵּאָכֵל כָּל־הָאָרֶץ
כִּי־כָלָה אַכְ־נִבְהָלָה יַעֲשֶׂה
אֵת כָּל־יֺשְׁבֵי הָאָרֶץ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT