Zach 3

Teljes szövegű keresés

Zach 3
Zach 3.1
וַיַּרְאֵנִי אֶת־יְהוֺשֻׁעַ הַכֹּהֵן
הַגָּדוֺל עֹמֵד לִפְנֵי מַלְאַך יְהוָה
וְהַשָּׂטָן עֹמֵד עַל־יְמִינֺו לְשִׂטְנֺו׃
Zach 3.2
וַיֺּאמֶר יְהוָה אֶל־הַשָּׂטָן יִגְעַר
יְהוָה בְּךָ הַשָּׂטָן וְיִגְעַר יְהוָה
בְּךָ הַבֹּחֵר בִּירוּשָׁלִָם הֲלוֺא
זֶה אוּד מֻצָּל מֵאֵשׁ׃
Zach 3.3
וִיהוֺשֻׁעַ הָיָה לָבֻשׁ בְּגָדִים
צוֺאִים וְעֹמֵד לִפְנֵי הַמַּלְאָך׃
Zach 3.4
וַיַּעַן וַיֺּאמֶר אֶל־הָעֹמְדִים
לְפָנָיו לֵאמֹר הָסִירוּ הַבְּגָדִים
הַצֹּאִים מֵעָלָיו וַיֺּאמֶר אֵלָיו
רְאֵה הֶעֱבַרְתִּי מֵעָלֶיךָ עֲוֺןֶ
וְהַלְבֵּשׁ אֹתְךָ מַחֲלָצוֺת׃
Zach 3.5
וָאֹמַר יָשִׂימוּ צָנִיף טָהוֺר
עַל־רֹאשׁוֺ וַיָּשִׂימוּ הַצָּנִיף
הַטָּהוֺר עַל־רֹאשׁוֺ וַיַּלְבִּשֻׁהוּ
בְּגָדִים וּמַלְאַך יְהוָה עֹמֵד׃
Zach 3.6
וַיָּעַד מַלְאַך יְהוָה בִּיהוֺשֻׁעַ
לֵאמֹר׃
Zach 3.7
כֹּה־אָמַר יְהוָה צְבָאוֺת אִמ־בִּדְרָכַי
תֵּלֵך וְאִם אֶת־מִשְׁמַרְתִּי תִשְׁמֹר
וְגַמ־אַתָּה תָּדִין אֶת־בֵּיתִי
וְגַם תִּשְׁמֹר אֶת־חֲצֵרָי וְנָתַתִּי
לְךָ מַהְלְכִים בֵּין הָעֹמְדִים
הָאֵלֶּה׃
Zach 3.8
שְׁמַע־נָא יְהוֺשֻׁעַ הַכֹּהֵן הַגָּדוֺל
אַתָּה וְרֵעֶיךָ הַיֺּשְׁבִים לְפָנֶיךָ
כִּי־אַנְשֵׁי מוֺפֵת הֵמָּה כִּי־הִנְנִי
מֵבִיא אֶת־עַבְדִּיצֶמַח׃
Zach 3.9
כִּי הִנֵּה הָאֶבֶן אֲשֶׁר נָתַתִּי
לִפְנֵי יְהוֺשֻׁעַ עַל־אֶבֶן אַחַת
שִׁבְעָה עֵינָיִם הִנְנִי מְפַתֵּחַ
פִּתֻּחָהּ נְאֻם יְהוָה צְבָאוֺת
וּמַשְׁתִּי אֶת־עֲוֺן הָאָרֶצ־הַהִיא
בְּיֺום אֶחָד׃
Zach 3.10
בַּיֺּום הַהוּא נְאֻם יְהוָה צְבָאוֺת
תִּקְרְאוּ אִישׁ לְרֵעֵהוּ אֶל־תַּחַת
גֶּפֶן וְאֶל־תַּחַת תְּאֵנָה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT