Ps 90

Teljes szövegű keresés

Ps 90
Ps 90.1
תְּפִלָּה לְמֹשֶׁה אִישׁ־הָאֱלֹהִים
אֲדֹנָי מָעוֺן אַתָּה הָיִיתָ לָּנוּ
בְּדֹר וָדֹר׃
Ps 90.2
בְּטֶרֶם הָרִים יֻלָּדוּ וַתְּחוֺלֵל
אֶרֶץ וְתֵבֵל וּמֵעוֺלָם עַד־עוֺלָם
אַתָּה אֵל׃
Ps 90.3
תָּשֵׁב אֱנֺושׁ עַד־דַּכָּא וַתֹּאמֶר
שׁוּבוּ בְנֵי־אָדָם׃
Ps 90.4
כִּי אֶלֶף שָׁנִים בְּעֵינֶיךָ כְּיֺום
אֶתְמוֺל כִּי יַעֲבֹר וְאַשְׁמוּרָה
בַלָּיְלָה׃
Ps 90.5
זְרַמְתָּם שֵׁנָה יִהְיוּ בַּבֹּקֶר
כֶּחָצִיר יַחֲלֹף׃
Ps 90.6
בַּבֹּקֶר יָצִיץ וְחָלָף לָעֶרֶב
יְמוֺלֵל וְיָבֵשׁ׃
Ps 90.7
כִּי־כָלִינוּ בְאַפֶּךָ וּבַחֲמָתְךָ
נִבְהָלְנוּ׃
Ps 90.8
שַׁתָּ 2 שַׁתָּה עֲוֺנֺתֵינוּ לְנֶגְדֶּךָ
עֲלֻמֵנוּ לִמְאוֺר פָּנֶיךָ׃
Ps 90.9
כִּי כָל־יָמֵינוּ פָּנוּ בְעֶבְרָתֶךָ
כִּלִּינוּ שָׁנֵינוּ כְמוֺ־הֶגֶה׃
Ps 90.10
יְמֵי־שְׁנֺותֵינוּ בָהֶם שִׁבְעִים
שָׁנָה וְאִם בִּגְבוּרֹת שְׁמוֺנִים
שָׁנָה וְרָהְבָּם עָמָל וָאָוֶן כִּי־גָז
חִישׁ וַנָּעֻפָה׃
Ps 90.11
מִי־יֺודֵעַ עֹז אַפֶּךָ וּכְיִרְאָתְךָ
עֶבְרָתֶךָ׃
Ps 90.12
לִמְנֺות יָמֵינוּ כֵּן הוֺדַע וְנָבִא
לְבַב חָכְמָה׃
Ps 90.13
שׁוּבָה יְהוָה עַד־מָתָי וְהִנָּחֵם
עַל־עֲבָדֶיךָ׃
Ps 90.14
שַׂבְּעֵנוּ בַבֹּקֶר חַסְדֶּךָ וּנְרַנְּנָה
וְנִשְׂמְחָה בְּכָל־יָמֵינוּ׃
Ps 90.15
שַׂמְּחֵנוּ כִּימוֺת עִנִּיתָנוּ שְׁנֺות
רָאִינוּ רָעָה׃
Ps 90.16
יֵרָאֶה אֶל־עֲבָדֶיךָ פָעֳלֶךָ וַהֲדָרְךָ
עַל־בְּנֵיהֶם׃
Ps 90.17
וִיהִי נֺעַם אֲדֹנָי אֱלֹהֵינוּ
עָלֵינוּ וּמַעֲשֵׂה יָדֵינוּ כּוֺנְנָה
עָלֵינוּ וּמַעֲשֵׂה יָדֵינוּ כּוֺנְנֵהוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT