Ps 88

Teljes szövegű keresés

Ps 88
Ps 88.1
שִׁיר מִזְמוֺר לִבְנֵי קֹרַח לַמְנַצֵּחַ
עַל־מָחֲלַת לְעַנֺּות מַשְׂכִּיל לְהֵימָן
הָאֶזְרָחִי׃
Ps 88.2
יְהוָה אֱלֹהֵי יְשׁוּעָתִי יֺומ־צָעַקְתִּי
בַלַּיְלָה נֶגְדֶּךָ׃
Ps 88.3
תָּבוֺא לְפָנֶיךָ תְּפִלָּתִי הַטֵּה־אָזְנְךָ
לְרִנָּתִי׃
Ps 88.4
כִּי־שָׂבְעָה בְרָעוֺת נַפְשִׁי וְחַיַּי
לִשְׁאוֺל הִגִּיעוּ׃
Ps 88.5
נֶחְשַׁבְתִּי עִמ־יֺורְדֵי בוֺר
הָיִיתִי כְּגֶבֶר אֵינ־אֱיָל׃
Ps 88.6
בַּמֵּתִים חָפְשִׁי כְּמוֺ חֲלָלִים
שֹׁכְבֵי קֶבֶר אֲשֶׁר לֹא זְכַרְתָּם
עוֺד וְהֵמָּה מִיָּדְךָ נִגְזָרוּ׃
Ps 88.7
שַׁתַּנִי בְּבוֺר תַּחְתִּיֺּות בְּמַחֲשַׁכִּים
בִּמְצֹלוֺת׃
Ps 88.8
עָלַי סָמְכָה חֲמָתֶךָ וְכָל־מִשְׁבָּרֶיךָ
עִנִּיתָ סֶּלָה׃
Ps 88.9
הִרְחַקְתָּ מְיֻדָּעַי מִמֶּנִּי שַׁתַּנִי
תוֺעֵבוֺת לָמוֺ כָּלֻא וְלֹא אֵצֵא׃
Ps 88.10
עֵינִי דָאֲבָה מִנִּי עֹנִי קְרָאתִיךָ
יְהוָה בְּכָל־יֺום שִׁטַּחְתִּי אֵלֶיךָ
כַפָּי׃
Ps 88.11
הֲלַמֵּתִים תַּעֲשֶׂה־פֶּלֶא אִמ־רְפָאִים
יָקוּמוּ יֺודוּךָ סֶּלָה׃
Ps 88.12
הַיְסֻפַּר בַּקֶּבֶר חַסְדֶּךָ אֱמוּנָתְךָ
בָּאֲבַדּוֺן׃
Ps 88.13
הֲיִוָּדַע בַּחֹשֶׁך פִּלְאֶךָ וְצִדְקָתְךָ
בְּאֶרֶץ נְשִׁיָּה׃
Ps 88.14
וַאֲנִי אֵלֶיךָ יְהוָה שִׁוַּעְתִּי
וּבַבֹּקֶר תְּפִלָּתִי תְקַדְּמֶךָּ׃
Ps 88.15
לָמָה יְהוָה תִּזְנַח נַפְשִׁי תַּסְתִּיר
פָּנֶיךָ מִמֶּנִּי׃
Ps 88.16
עָנִי אֲנִי וְגֺוֵעַ מִנֺּעַר נָשָׂאתִי
אֵמֶיךָ אָפוּנָה׃
Ps 88.17
עָלַי עָבְרוּ חֲרוֺנֶיךָ בִּעוּתֶיךָ
צִמְּתוּתֻנִי׃
Ps 88.18
סַבּוּנִי כַמַּיִם כָּל־הַיֺּום הִקִּיפוּ
עָלַי יָחַד׃
Ps 88.19
הִרְחַקְתָּ מִמֶּנִּי אֹהֵב וָרֵעַ מְיֻדָּעַי
מַחְשָׁך׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT