Ps 79

Teljes szövegű keresés

Ps 79
Ps 79.1
מִזְמוֺר לְאָסָף אֱלֹהִים בָּאוּ
גֺויִם בְּנַחֲלָתֶךָ טִמְּאוּ אֶת־הֵיכַל
קָדְשֶׁךָ שָׂמוּ אֶת־יְרוּשָׁלִַם לְעִיִּים׃
Ps 79.2
נָתְנוּ אֶת־נִבְלַת עֲבָדֶיךָ מַאֲכָל
לְעוֺף הַשָּׁמָיִם בְּשַׂר חֲסִידֶיךָ
לְחַיְתוֺ־אָרֶץ׃
Ps 79.3
שָׁפְכוּ דָמָם כַּמַּיִם סְבִיבוֺת
יְרוּשָׁלִָם וְאֵין קוֺבֵר׃
Ps 79.4
הָיִינוּ חֶרְפָּה לִשְׁכֵנֵינוּ לַעַג
וָקֶלֶס לִסְבִיבוֺתֵינוּ׃
Ps 79.5
עַד־מָה יְהוָה תֶּאֱנַף לָנֶצַח
תִּבְעַר כְּמוֺ־אֵשׁ קִנְאָתֶךָ׃
Ps 79.6
שְׁפֹך חֲמָתְךָ אֶל־הַגֺּויִם אֲשֶׁר
לֹא־יְדָעוּךָ וְעַל מַמְלָכוֺת
אֲשֶׁר בְּשִׁמְךָ לֹא קָרָאוּ׃
Ps 79.7
כִּי אָכַל אֶת־יַעֲקֹב וְאֶת־נָוֵהוּ
הֵשַׁמּוּ׃
Ps 79.8
אַל־תִּזְכָּר־לָנוּ עֲוֺנֺת רִאשֹׁנִים
מַהֵר יְקַדְּמוּנוּ רַחֲמֶיךָ כִּי
דַלּוֺנוּ מְאֹד׃
Ps 79.9
עָזְרֵנוּ אֱלֹהֵי יִשְׁעֵנוּ עַל־דְּבַר
כְּבוֺד־שְׁמֶךָ וְהַצִּילֵנוּ וְכַפֵּר
עַל־חַטֹּאתֵינוּ לְמַעַן שְׁמֶךָ׃
Ps 79.10
לָמָּה יֺאמְרוּ הַגֺּויִם אַיֵּה אֱלֹהֵיהֶם
יִוָּדַע 1 בַּגִּיִּים 2 בַּגֺּויִם לְעֵינֵינוּ
נִקְמַת דַּמ־עֲבָדֶיךָ הַשָּׁפוּך׃
Ps 79.11
תָּבוֺא לְפָנֶיךָ אֶנְקַת אָסִיר
כְּגֺדֶל זְרוֺעֲךָ הוֺתֵר בְּנֵי תְמוּתָה׃
Ps 79.12
וְהָשֵׁב לִשְׁכֵנֵינוּ שִׁבְעָתַיִם אֶל־חֵיקָם
חֶרְפָּתָם אֲשֶׁר חֵרְפוּךָ אֲדֹנָי׃
Ps 79.13
וַאֲנַחְנוּ עַמְּךָ וְצֹאן מַרְעִיתֶךָ
נֺודֶה לְּךָ לְעוֺלָם לְדֹר וָדֹר
נְסַפֵּר תְּהִלָּתֶךָ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT