Ps 49

Teljes szövegű keresés

Ps 49
Ps 49.1
לַמְנַצֵּחַ לִבְנֵי־קֹרַח מִזְמוֺר׃
Ps 49.2
שִׁמְעוּ־זֺאת כָּל־הָעַמִּים הַאֲזִינוּ
כָּל־יֺשְׁבֵי חָלֶד׃
Ps 49.3
גַּמ־בְּנֵי אָדָם גַּמ־בְּנֵי־אִישׁ
יַחַד עָשִׁיר וְאֶבְיֺון׃
Ps 49.4
פִּי יְדַבֵּר חָכְמוֺת וְהָגוּת
לִבִּי תְבוּנֺות׃
Ps 49.5
אַטֶּה לְמָשָׁל אָזְנִי אֶפְתַּח בְּכִנֺּור
חִידָתִי׃
Ps 49.6
לָמָּה אִירָא בִּימֵי רָע עֲוֺן
עֲקֵבַי יְסוּבֵּנִי׃
Ps 49.7
הַבֹּטְחִים עַל־חֵילָם וּבְרֹב עָשְׁרָם
יִתְהַלָּלוּ׃
Ps 49.8
אָח לֹא־פָדֹה יִפְדֶּה אִישׁ לֹא־יִתֵּן
לֵאלֹהִים כָּפְרוֺ׃
Ps 49.9
וְיֵקַר פִּדְיֺון נַפְשָׁם וְחָדַל
לְעוֺלָם׃
Ps 49.10
וִיחִי־עוֺד לָנֶצַח לֹא יִרְאֶה
הַשָּׁחַת׃
Ps 49.11
כִּי יִרְאֶה חֲכָמִים יָמוּתוּ יַחַד
כְּסִיל וָבַעַר יֺאבֵדוּ וְעָזְבוּ
לַאֲחֵרִים חֵילָם׃
Ps 49.12
קִרְבָּם בָּתֵּימוֺ לְעוֺלָם מִשְׁכְּנֺתָם
לְדֹר וָדֹר קָרְאוּ בִשְׁמוֺתָם
עֲלֵי אֲדָמוֺת׃
Ps 49.13
וְאָדָם בִּיקָר בַּל־יָלִין נִמְשַׁל
כַּבְּהֵמוֺת נִדְמוּ׃
Ps 49.14
זֶה דַרְכָּם כֵּסֶל לָמוֺ וְאַחֲרֵיהֶם
בְּפִיהֶם יִרְצוּ סֶלָה׃
Ps 49.15
כַּצֹּאן לִשְׁאוֺל שַׁתּוּ מָוֶת יִרְעֵם
וַיִּרְדּוּ בָם יְשָׁרִים לַבֹּקֶר 1 וְצִירָם 2 וְצוּרָם
לְבַלּוֺת שְׁאוֺל מִזְּבֻל לוֺ׃
Ps 49.16
אַכְ־אֱלֹהִים יִפְדֶּה נַפְשִׁי מִיַּד־שְׁאוֺל
כִּי יִקָּחֵנִי סֶלָה׃
Ps 49.17
אַל־תִּירָא כִּי־יַעֲשִׁר אִישׁ כִּי־יִרְבֶּה
כְּבוֺד בֵּיתוֺ׃
Ps 49.18
כִּי לֹא בְמוֺתוֺ יִקַּח הַכֹּל לֹא־יֵרֵד
אַחֲרָיו כְּבוֺדוֺ׃
Ps 49.19
כִּי־נַפְשׁוֺ בְּחַיָּיו יְבָרֵך וְיֺודֻךָ
כִּי־תֵיטִיב לָך׃
Ps 49.20
תָּבוֺא עַד־דּוֺר אֲבוֺתָיו עַד־נֵצַח
לֹא יִרְאוּ־אוֺר׃
Ps 49.21
אָדָם בִּיקָר וְלֹא יָבִין נִמְשַׁל
כַּבְּהֵמוֺת נִדְמוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT