Ps 47

Teljes szövegű keresés

Ps 47
Ps 47.1
לַמְנַצֵּחַ לִבְנֵי־קֹרַח מִזְמוֺר׃
Ps 47.2
כָּל־הָעַמִּים תִּקְעוּ־כָף הָרִיעוּ
לֵאלֹהִים בְּקוֺל רִנָּה׃
Ps 47.3
כִּי־יְהוָה עֶלְיֺון נֺורָא מֶלֶך
גָּדוֺל עַל־כָּל־הָאָרֶץ׃
Ps 47.4
יַדְבֵּר עַמִּים תַּחְתֵּינוּ וּלְאֻמִּים
תַּחַת רַגְלֵינוּ׃
Ps 47.5
יִבְחַר־לָנוּ אֶת־נַחֲלָתֵנוּ אֶת
גְּאוֺן יַעֲקֹב אֲשֶׁר־אָהֵב סֶלָה׃
Ps 47.6
עָלָה אֱלֹהִים בִּתְרוּעָה יְהֹוָה
בְּקוֺל שׁוֺפָר׃
Ps 47.7
זַמְּרוּ אֱלֹהִים זַמֵּרוּ זַמְּרוּ
לְמַלְכֵּנוּ זַמֵּרוּ׃
Ps 47.8
כִּי מֶלֶך כָּל־הָאָרֶץ אֱלֹהִים
זַמְּרוּ מַשְׂכִּיל׃
Ps 47.9
מָלַך אֱלֹהִים עַל־גֺּויִם אֱלֹהִים
יָשַׁב עַל־כִּסֵּא קָדְשׁוֺ׃
Ps 47.10
נְדִיבֵי עַמִּים נֶאֱסָפוּ עַם אֱלֹהֵי
אַבְרָהָם כִּי לֵאלֹהִים מָגִנֵּי־אֶרֶץ
מְאֹד נַעֲלָה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT