Ps 143

Teljes szövegű keresés

Ps 143
Ps 143.1
מִזְמוֺר לְדָוִד יְהוָה שְׁמַע
תְּפִלָּתִי הַאֲזִינָה אֶל־תַּחֲנוּנַי
בֶּאֱמֻנָתְךָ עֲנֵנִי בְּצִדְקָתֶךָ׃
Ps 143.2
וְאַל־תָּבוֺא בְמִשְׁפָּט אֶת־עַבְדֶּךָ
כִּי לֹא־יִצְדַּק לְפָנֶיךָ כָל־חָי׃
Ps 143.3
כִּי רָדַף אוֺיֵב נַפְשִׁי דִּכָּא
לָאָרֶץ חַיָּתִי הוֺשִׁיבַנִי בְמַחֲשַׁכִּים
כְּמֵתֵי עוֺלָם׃
Ps 143.4
וַתִּתְעַטֵּף עָלַי רוּחִי בְּתוֺכִי
יִשְׁתּוֺמֵם לִבִּי׃
Ps 143.5
זָכַרְתִּי יָמִים מִקֶּדֶם הָגִיתִי
בְכָל־פָּעֳלֶךָ בְּמַעֲשֵׂה יָדֶיךָ
אֲשׂוֺחֵחַ׃
Ps 143.6
פֵּרַשְׂתִּי יָדַי אֵלֶיךָ נַפְשִׁי כְּאֶרֶצ־עֲיֵפָה
לְךָ סֶלָה׃
Ps 143.7
מַהֵר עֲנֵנִי יְהוָה כָּלְתָה רוּחִי
אַל־תַּסְתֵּר פָּנֶיךָ מִמֶּנִּי וְנִמְשַׁלְתִּי
עִמ־יֺרְדֵי בוֺר׃
Ps 143.8
הַשְׁמִיעֵנִי בַבֹּקֶר חַסְדֶּךָ כִּי־בְךָ
בָטָחְתִּי הוֺדִיעֵנִי דֶּרֶכְ־זוּ
אֵלֵך כִּי־אֵלֶיךָ נָשָׂאתִי נַפְשִׁי׃
Ps 143.9
הַצִּילֵנִי מֵאֹיְבַי יְהוָה אֵלֶיךָ
כִסִּתִי׃
Ps 143.10
לַמְּדֵנִי לַעֲשׂוֺת רְצוֺנֶךָ כִּי־אַתָּה
אֱלוֺהָי רוּחֲךָ טוֺבָה תַּנְחֵנִי
בְּאֶרֶץ מִישׁוֺר׃
Ps 143.11
לְמַעַנ־שִׁמְךָ יְהוָה תְּחַיֵּנִי בְּצִדְקָתְךָ
תוֺצִיא מִצָּרָה נַפְשִׁי׃
Ps 143.12
וּבְחַסְדְּךָ תַּצְמִית אֹיְבָי וְהַאֲבַדְתָּ
כָּל־צֹרֲרֵי נַפְשִׁי כִּי אֲנִי
עַבְדֶּךָ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT