Ps 138

Teljes szövegű keresés

Ps 138
Ps 138.1
לְדָוִד אוֺדְךָ בְכָל־לִבִּי נֶגֶד
אֱלֹהִים אֲזַמְּרֶךָּ׃
Ps 138.2
אֶשְׁתַּחֲוֶה אֶל־הֵיכַל קָדְשְׁךָ
וְאוֺדֶה אֶת־שְׁמֶךָ עַל־חַסְדְּךָ
וְעַל־אֲמִתֶּךָ כִּי־הִגְדַּלְתָּ עַל־כָּל־שִׁמְךָ
אִמְרָתֶךָ׃
Ps 138.3
בְּיֺום קָרָאתִי וַתַּעֲנֵנִי תַּרְהִבֵנִי
בְנַפְשִׁי עֹז׃
Ps 138.4
יֺודוּךָ יְהוָה כָּל־מַלְכֵי־אָרֶץ
כִּי שָׁמְעוּ אִמְרֵי־פִיךָ׃
Ps 138.5
וְיָשִׁירוּ בְּדַרְכֵי יְהוָה כִּי
גָדוֺל כְּבוֺד יְהוָה׃
Ps 138.6
כִּי־רָם יְהוָה וְשָׁפָל יִרְאֶה
וְגָבֹהַּ מִמֶּרְחָק יְיֵדָע׃
Ps 138.7
אִמ־אֵלֵך בְּקֶרֶב צָרָה תְּחַיֵּנִי
עַל אַף אֹיְבַי תִּשְׁלַח יָדֶךָ
וְתוֺשִׁיעֵנִי יְמִינֶךָ׃
Ps 138.8
יְהוָה יִגְמֹר בַּעֲדִי יְהוָה חַסְדְּךָ
לְעוֺלָם מַעֲשֵׂי יָדֶיךָ אַל־תֶּרֶף׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT