Ps 11

Teljes szövegű keresés

Ps 11
Ps 11.1
לַמְנַצֵּחַ לְדָוִד בַּיהוָה חָסִיתִי
אֵיך תֹּאמְרוּ לְנַפְשִׁי 1 נוּדוּ 2 נוּדִי
הַרְכֶם צִפּוֺר׃
Ps 11.2
כִּי הִנֵּה הָרְשָׁעִים יִדְרְכוּן
קֶשֶׁת כּוֺנְנוּ חִצָּם עַל־יֶתֶר
לִירוֺת בְּמוֺ־אֹפֶל לְיִשְׁרֵי־לֵב׃
Ps 11.3
כִּי הַשָּׁתוֺת יֵהָרֵסוּן צַדִּיק
מַה־פָּעָל׃
Ps 11.4
יְהוָה בְּהֵיכַל קָדְשׁוֺ יְהוָה
בַּשָּׁמַיִם כִּסְאוֺ עֵינָיו יֶחֱזוּ
עַפְעַפָּיו יִבְחֲנוּ בְּנֵי אָדָם׃
Ps 11.5
יְהוָה צַדִּיק יִבְחָן וְרָשָׁע וְאֹהֵב
חָמָס שָׂנְאָה נַפְשׁוֺ׃
Ps 11.6
יַמְטֵר עַל־רְשָׁעִים פַּחִים אֵשׁ
וְגָפְרִית וְרוּחַ זִלְעָפוֺת מְנָת
כּוֺסָם׃
Ps 11.7
כִּי־צַדִּיק יְהוָה צְדָקוֺת אָהֵב
יָשָׁר יֶחֱזוּ פָנֵימוֺ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT