Micha 4

Teljes szövegű keresés

Micha 4
Micha 4.1
וְהָיָה בְּאַחֲרִית הַיָּמִים יִהְיֶה
הַר בֵּית־יְהוָה נָכוֺן בְּרֹאשׁ
הֶהָרִים וְנִשָּׂא הוּא מִגְּבָעוֺת
וְנָהֲרוּ עָלָיו עַמִּים
Micha 4.2
וְהָלְכוּ גֺּויִם רַבִּים וְאָמְרוּ
לְכוּ וְנַעֲלֶה אֶל־הַר־יְהוָה
וְאֶל־בֵּית אֱלֹהֵי יַעֲקֹב וְיֺורֵנוּ
מִדְּרָכָיו וְנֵלְכָה בְּאֹרְחֹתָיו
כִּי מִצִּיֺּון תֵּצֵא תוֺרָה וּדְבַר־יְהוָה
מִירוּשָׁלִָם׃
Micha 4.3
וְשָׁפַט בֵּין עַמִּים רַבִּים וְהוֺכִיחַ
לְגֺויִם עֲצֻמִים עַד־רָחוֺק
וְכִתְּתוּ חַרְבֹתֵיהֶם לְאִתִּים וַחֲנִיתֹתֵיהֶם
לְמַזְמֵרוֺת לֹא־יִשְׂא גֺּוי אֶל־גֺּוי
חֶרֶב וְלֹא־יִלְמְדוּן עוֺד מִלְחָמָה׃
Micha 4.4
וְיָשְׁבוּ אִישׁ תַּחַת גַּפְנֺו וְתַחַת
תְּאֵנָתוֺ וְאֵין מַחֲרִיד כִּי־פִי
יְהוָה צְבָאוֺת דִּבֵּר׃
Micha 4.5
כִּי כָּל־הָעַמִּים יֵלְכוּ אִישׁ
בְּשֵׁם אֱלֹהָיו וַאֲנַחְנוּ נֵלֵך
בְּשֵׁמ־יְהוָה אֱלֹהֵינוּ לְעוֺלָם
וָעֶד׃ ף
Micha 4.6
בַּיֺּום הַהוּא נְאֻמ־יְהוָה אֹסְפָה
הַצֹּלֵעָה וְהַנִּדָּחָה אֲקַבֵּצָה וַאֲשֶׁר
הֲרֵעֹתִי׃
Micha 4.7
וְשַׂמְתִּי אֶת־הַצֹּלֵעָה לִשְׁאֵרִית
וְהַנַּהֲלָאָה לְגֺוי עָצוּם וּמָלַך
יְהוָה עֲלֵיהֶם בְּהַר צִיֺּון מֵעַתָּה
וְעַד־עוֺלָם׃ ף
Micha 4.8
וְאַתָּה מִגְדַּל־עֵדֶר עֹפֶל בַּת־צִיֺּון
עָדֶיךָ תֵּאתֶה וּבָאָה הַמֶּמְשָׁלָה
הָרִאשֹׁנָה מַמְלֶכֶת לְבַת־יְרוּשָׁלִָם׃
Micha 4.9
עַתָּה לָמָּה תָרִיעִי רֵעַ הֲמֶלֶך
אֵינ־בָּך אִמ־יֺועֲצֵך אָבָד
כִּי־הֶחֱזִיקֵך חִיל כַּיֺּולֵדָה׃
Micha 4.10
חוּלִי וָגֺחִי בַּת־צִיֺּון כַּיֺּולֵדָה
כִּי־עַתָּה תֵצְאִי מִקִּרְיָה וְשָׁכַנְתְּ
בַּשָּׂדֶה וּבָאת עַד־בָּבֶל שָׁם
תִּנָּצֵלִי שָׁם יִגְאָלֵכְיְהוָה מִכַּף
אֹיְבָיִך׃
Micha 4.11
וְעַתָּה נֶאֶסְפוּ עָלַיִך גֺּויִם
רַבִּים הָאֹמְרִים תֶּחֱנָף וְתַחַז
בְּצִיֺּון עֵינֵינוּ׃
Micha 4.12
וְהֵמָּה לֹא יָדְעוּ מַחְשְׁבוֺת יְהוָה
וְלֹא הֵבִינוּ עֲצָתוֺ כִּי קִבְּצָם
כֶּעָמִיר גֺּרְנָה׃
Micha 4.13
קוּמִי וָדוֺשִׁי בַת־צִיֺּון כִּי־קַרְנֵך
אָשִׂים בַּרְזֶל וּפַרְסֹתַיִך אָשִׂים
נְחוּשָׁה וַהֲדִקּוֺת עַמִּים רַבִּים
וְהַחֲרַמְתִּי לַיהוָה בִּצְעָם וְחֵילָם
לַאֲדוֺן כָּל־הָאָרֶץ׃
Micha 4.14
עַתָּה תִּתְגֺּדְדִי בַת־גְּדוּד מָצוֺר
שָׂם עָלֵינוּ בַּשֵּׁבֶט יַכּוּ עַל־הַלְּחִי
אֵת שֹׁפֵט יִשְׂרָאֵל׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT