Lev 9

Teljes szövegű keresés

Lev 9
Lev 9.1
וַיְהִי בַּיֺּום הַשְּׁמִינִי קָרָא
מֹשֶׁה לְאַהֲרֹן וּלְבָנָיו וּלְזִקְנֵי
יִשְׂרָאֵל׃
Lev 9.2
וַיֺּאמֶר אֶל־אַהֲרֹן קַח־לְךָ עֵגֶל
בֶּנ־בָּקָר לְחַטָּאת וְאַיִל לְעֹלָה
תְּמִימִם וְהַקְרֵב לִפְנֵי יְהוָה׃
Lev 9.3
וְאֶל־בְּנֵי יִשְׂרָאֵל תְּדַבֵּר לֵאמֹר
קְחוּ שְׂעִיר־עִזִּים לְחַטָּאת וְעֵגֶל
וָכֶבֶשׂ בְּנֵי־שָׁנָה תְּמִימִם לְעֹלָה׃
Lev 9.4
וְשׁוֺר וָאַיִל לִשְׁלָמִים לִזְבֹּחַ
לִפְנֵי יְהוָה וּמִנְחָה בְּלוּלָה
בַשָּׁמֶן כִּי הַיֺּום יְהוָה נִרְאָה
אֲלֵיכֶם׃
Lev 9.5
וַיִּקְחוּ אֵת אֲשֶׁר צִוָּה מֹשֶׁה
אֶל־פְּנֵי אֹהֶל מוֺעֵד וַיִּקְרְבוּ
כָּל־הָעֵדָה וַיַּעַמְדוּ לִפְנֵי יְהוָה׃
Lev 9.6
וַיֺּאמֶר מֹשֶׁה זֶה הַדָּבָר אֲשֶׁר־צִוָּה
יְהוָה תַּעֲשׂוּ וְיֵרָא אֲלֵיכֶם
כְּבוֺד יְהוָה׃
Lev 9.7
וַיֺּאמֶר מֹשֶׁה אֶל־אַהֲרֹן קְרַב
אֶל־הַמִּזְבֵּחַ וַעֲשֵׂה אֶת־חַטָּאתְךָ
וְאֶת־עֹלָתֶךָ וְכַפֵּר בַּעַדְךָ וּבְעַד
הָעָם וַעֲשֵׂה אֶת־קָרְבַּן הָעָם
וְכַפֵּר בַּעֲדָם כַּאֲשֶׁר צִוָּה יְהוָה׃
Lev 9.8
וַיִּקְרַב אַהֲרֹן אֶל־הַמִּזְבֵּחַ וַיִּשְׁחַט
אֶת־עֵגֶל הַחַטָּאת אֲשֶׁר־לוֺ׃
Lev 9.9
וַיַּקְרִבוּ בְּנֵי אַהֲרֹן אֶת־הַדָּם
אֵלָיו וַיִּטְבֹּל אֶצְבָּעוֺ בַּדָּם
וַיִּתֵּן עַל־קַרְנֺות הַמִּזְבֵּחַ וְאֶת־הַדָּם
יָצַק אֶל־יְסוֺד הַמִּזְבֵּחַ׃
Lev 9.10
וְאֶת־הַחֵלֶב וְאֶת־הַכְּלָיֺת וְאֶת־הַיֺּתֶרֶת
מִנ־הַכָּבֵד מִנ־הַחַטָּאת הִקְטִיר
הַמִּזְבֵּחָה כַּאֲשֶׁר צִוָּה יְהוָה
אֶת־מֹשֶׁה׃
Lev 9.11
וְאֶת־הַבָּשָׂר וְאֶת־הָעוֺר שָׂרַף
בָּאֵשׁ מִחוּץ לַמַּחֲנֶה׃
Lev 9.12
וַיִּשְׁחַט אֶת־הָעֹלָה וַיַּמְצִאוּ
בְּנֵי אַהֲרֹן אֵלָיו אֶת־הַדָּם
וַיִּזְרְקֵהוּ עַל־הַמִּזְבֵּחַ סָבִיב׃
Lev 9.13
וְאֶת־הָעֹלָה הִמְצִיאוּ אֵלָיו
לִנְתָחֶיהָ וְאֶת־הָרֹאשׁ וַיַּקְטֵר
עַל־הַמִּזְבֵּחַ׃
Lev 9.14
וַיִּרְחַץ אֶת־הַקֶּרֶב וְאֶת־הַכְּרָעָיִם
וַיַּקְטֵר עַל־הָעֹלָה הַמִּזְבֵּחָה׃
Lev 9.15
וַיַּקְרֵב אֵת קָרְבַּן הָעָם וַיִּקַּח
אֶת־שְׂעִיר הַחַטָּאת אֲשֶׁר לָעָם
וַיִּשְׁחָטֵהוּ וַיְחַטְּאֵהוּ כָּרִאשׁוֺן׃
Lev 9.16
וַיַּקְרֵב אֶת־הָעֹלָה וַיַּעֲשֶׂהָ
כַּמִּשְׁפָּט׃
Lev 9.17
וַיַּקְרֵב אֶת־הַמִּנְחָה וַיְמַלֵּא
כַפּוֺ מִמֶּנָּה וַיַּקְטֵר עַל־הַמִּזְבֵּחַ
מִלְּבַד עֹלַת הַבֹּקֶר׃
Lev 9.18
וַיִּשְׁחַט אֶת־הַשּׁוֺר וְאֶת־הָאַיִל
זֶבַח הַשְּׁלָמִים אֲשֶׁר לָעָם וַיַּמְצִאוּ
בְּנֵי אַהֲרֹן אֶת־הַדָּם אֵלָיו
וַיִּזְרְקֵהוּ עַל־הַמִּזְבֵּחַ סָבִיב׃
Lev 9.19
וְאֶת־הַחֲלָבִים מִנ־הַשּׁוֺר וּמִנ־הָאַיִל
הָאַלְיָה וְהַמְכַסֶּה וְהַכְּלָיֺת
וְיֺתֶרֶת הַכָּבֵד׃
Lev 9.20
וַיָּשִׂימוּ אֶת־הַחֲלָבִים עַל־הֶחָזֺות
וַיַּקְטֵר הַחֲלָבִים הַמִּזְבֵּחָה׃
Lev 9.21
וְאֵת הֶחָזֺות וְאֵת שׁוֺק הַיָּמִין
הֵנִיף אַהֲרֹן תְּנוּפָה לִפְנֵי
יְהוָה כַּאֲשֶׁר צִוָּה מֹשֶׁה׃
Lev 9.22
וַיִּשָּׂא אַהֲרֹן אֶת־יָדוֺ 2 יָדָיו
אֶל־הָעָם וַיְבָרְכֵם וַיֵּרֶד מֵעֲשֹׂת
הַחַטָּאת וְהָעֹלָה וְהַשְּׁלָמִים׃
Lev 9.23
וַיָּבֹא מֹשֶׁה וְאַהֲרֹן אֶל־אֹהֶל
מוֺעֵד וַיֵּצְאוּ וַיְבָרֲכוּ אֶת־הָעָם
וַיֵּרָא כְבוֺד־יְהוָה אֶל־כָּל־הָעָם׃
Lev 9.24
וַתֵּצֵא אֵשׁ מִלִּפְנֵי יְהוָה וַתֹּאכַל
עַל־הַמִּזְבֵּחַ אֶת־הָעֹלָה וְאֶת־הַחֲלָבִים
וַיַּרְא כָּל־הָעָם וַיָּרֹנּוּ וַיִּפְּלוּ
עַל־פְּנֵיהֶם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT