Lev 11

Teljes szövegű keresés

Lev 11
Lev 11.1
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר אֲלֵהֶם׃
Lev 11.2
דַּבְּרוּ אֶל־בְּנֵי יִשְׂרָאֵל לֵאמֹר
זֺאת הַחַיָּה אֲשֶׁר תֹּאכְלוּ מִכָּל־הַבְּהֵמָה
אֲשֶׁר עַל־הָאָרֶץ׃
Lev 11.3
כֹּל מַפְרֶסֶת פַּרְסָה וְשֹׁסַעַת שֶׁסַע
פְּרָסֹת מַעֲלַת גֵּרָה בַּבְּהֵמָה
אֹתָהּ תֹּאכֵלוּ׃
Lev 11.4
אַך אֶת־זֶה לֹא תֹאכְלוּ מִמַּעֲלֵי
הַגֵּרָה וּמִמַּפְרִיסֵי הַפַּרְסָה
אֶת־הַגָּמָל כִּי־מַעֲלֵה גֵרָה הוּא
וּפַרְסָה אֵינֶנּוּ מַפְרִי טָמֵא
הוּא לָכֶם׃
Lev 11.5
וְאֶת־הַשָּׁפָן כִּי־מַעֲלֵה גֵרָה
הוּא וּפַרְסָה לֹא יַפְרִיס טָמֵא
הוּא לָכֶם׃
Lev 11.6
וְאֶת־הָאַרְנֶבֶת כִּי־מַעֲלַת גֵּרָה
הִוא וּפַרְסָה לֹא הִפְרִיסָה
טְמֵאָה הִוא לָכֶם׃
Lev 11.7
וְאֶת־הַחֲזִיר כִּי־מַפְרִיס פַּרְסָה
הוּא וְשֹׁסַע שֶׁסַע פַּרְסָה וְהוּא
גֵּרָה לֹא־יִגָּר טָמֵא הוּא לָכֶם׃
Lev 11.8
מִבְּשָׂרָם לֹא תֹאכֵלוּ וּבְנִבְלָתָם
לֹא תִגָּעוּ טְמֵאִים הֵם לָכֶם׃
Lev 11.9
אֶת־זֶה תֹּאכְלוּ מִכֹּל אֲשֶׁר
בַּמָּיִם כֹּל אֲשֶׁר־לוֺ סְנַפִּיר
וְקַשְׂקֶשֶׂת בַּמַּיִם בַּיַּמִּים וּבַנְּחָלִים
אֹתָם תֹּאכֵלוּ׃
Lev 11.10
וְכֹל אֲשֶׁר אֵינ־לוֺ סְנַפִּיר
וְקַשְׂקֶשֶׂת בַּיַּמִּים וּבַנְּחָלִים
מִכֹּל שֶׁרֶץ הַמַּיִם וּמִכֹּל נֶפֶשׁ
הַחַיָּה אֲשֶׁר בַּמָּיִם שֶׁקֶץ הֵ
לָכֶם׃
Lev 11.11
וְשֶׁקֶץ יִהְיוּ לָכֶם מִבְּשָׂרָם לֹא
תֹאכֵלוּ וְאֶת־נִבְלָתָם תְּשַׁקֵּצוּ׃
Lev 11.12
כֹּל אֲשֶׁר אֵינ־לוֺ סְנַפִּיר וְקַשְׂקֶשֶׂת
בַּמָּיִם שֶׁקֶץ הוּא לָכֶם׃
Lev 11.13
וְאֶת־אֵלֶּה תְּשַׁקְּצוּ מִנ־הָעוֺף
לֹא יֵאָכְלוּ שֶׁקֶץ הֵם אֶת־הַנֶּשֶׁר
וְאֶת־הַפֶּרֶס וְאֵת הָעָזְנִיָּה׃
Lev 11.14
וְאֶת־הַדָּאָה וְאֶת־הָאַיָּה לְמִינָהּ׃
Lev 11.15
אֵת כָּל־עֹרֵב לְמִינֺו׃
Lev 11.16
וְאֵת בַּת הַיַּעֲנָה וְאֶת־הַתַּחְמָס
וְאֶת־הַשָּׁחַף וְאֶת־הַנֵּץ לְמִינֵהוּ׃
Lev 11.17
וְאֶת־הַכּוֺס וְאֶת־הַשָּׁלָך וְאֶת־הַיַּנְשׁוּף׃
Lev 11.18
וְאֶת־הַתִּנְשֶׁמֶת וְאֶת־הַקָּאָת וְאֶת־הָרָחָם׃
Lev 11.19
וְאֵת הַחֲסִידָה הָאֲנָפָה לְמִינָהּ
וְאֶת־הַדּוּכִיפַת וְאֶת־הָעֲטַלֵּף׃
Lev 11.20
כֹּל שֶׁרֶץ הָעוֺף הַהֹלֵך עַל־אַרְבַּע
שֶׁקֶץ הוּא לָכֶם׃ ס
Lev 11.21
אַך אֶת־זֶה תֹּאכְלוּ מִכֹּל שֶׁרֶץ
הָעוֺף הַהֹלֵך עַל־אַרְבַּע אֲשֶׁר־לֹא 2 לוֺ
כְרָעַיִם מִמַּעַל לְרַגְלָיו לְנַתֵּר
בָּהֵן עַל־הָאָרֶץ׃
Lev 11.22
אֶת־אֵלֶּה מֵהֶם תֹּאכֵלוּ אֶת־הָאַרְבֶּה
לְמִינֺו וְאֶת־הַסָּלְעָם לְמִינֵהוּ
וְאֶת־הַחַרְגֺּל לְמִינֵהוּ וְאֶת־הֶחָגָב
לְמִינֵהוּ׃
Lev 11.23
וְכֹל שֶׁרֶץ הָעוֺף אֲשֶׁר־לוֺ אַרְבַּע
רַגְלָיִם שֶׁקֶץ הוּא לָכֶם׃
Lev 11.24
וּלְאֵלֶּה תִּטַּמָּאוּ כָּל־הַנֺּגֵעַ בְּנִבְלָתָם
יִטְמָא עַד־הָעָרֶב׃
Lev 11.25
וְכָל־הַנֺּשֵׂא מִנִּבְלָתָם יְכַבֵּס
בְּגָדָיו וְטָמֵא עַד־הָעָרֶב׃
Lev 11.26
לְכָל־הַבְּהֵמָה אֲשֶׁר הִוא מַפְרֶסֶת
פַּרְסָה וְשֶׁסַע אֵינֶנָּה שֹׁסַעַת
וְגֵרָה אֵינֶנָּה מַעֲלָה טְמֵאִים
הֵם לָכֶם כָּל־הַנֺּגֵעַ בָּהֶמיִטְמָא׃
Lev 11.27
וְכֹל הוֺלֵך עַל־כַּפָּיו בְּכָל־הַחַיָּה
הַהֹלֶכֶת עַל־אַרְבַּע טְמֵאִים הֵם
לָכֶם כָּל־הַנֺּגֵעַ בְּנִבְלָתָם יִטְמָא
עַד־הָעָרֶב׃
Lev 11.28
וְהַנֺּשֵׂא אֶת־נִבְלָתָם יְכַבֵּס בְּגָדָיו
וְטָמֵא עַד־הָעָרֶב טְמֵאִים הֵמָּה
לָכֶם׃ ס
Lev 11.29
וְזֶה לָכֶם הַטָּמֵא בַּשֶּׁרֶץ הַשֹּׁרֵץ
עַל־הָאָרֶץ הַחֹלֶד וְהָעַכְבָּר וְהַצָּב
לְמִינֵהוּ׃
Lev 11.30
וְהָאֲנָקָה וְהַכֹּחַ וְהַלְּטָאָה וְהַחֹמֶט
וְהַתִּנְשָׁמֶת׃
Lev 11.31
אֵלֶּה הַטְּמֵאִים לָכֶם בְּכָל־הַשָּׁרֶץ
כָּל־הַנֺּגֵעַ בָּהֶם בְּמֹתָם יִטְמָא
עַד־הָעָרֶב׃
Lev 11.32
וְכֹל אֲשֶׁר־יִפֹּל־עָלָיו מֵהֶם
בְּמֹתָם יִטְמָא מִכָּל־כְּלִי־עֵץ
אוֺ בֶגֶד אוֺ־עוֺר אוֺ שָׂק
כָּל־כְּלִי אֲשֶׁר־יֵעָשֶׂה מְלָאכָה
בָּהֶם בַּמַּיִם יוּבָא וְטָמֵא עַד־הָעֶרֶב
וְטָהֵר׃
Lev 11.33
וְכָל־כְּלִי־חֶרֶשׂ אֲשֶׁר־יִפֹּל מֵהֶם
אֶל־תּוֺכוֺ כֹּל אֲשֶׁר בְּתוֺכוֺ
יִטְמָא וְאֹתוֺ תִשְׁבֹּרוּ׃
Lev 11.34
מִכָּל־הָאֹכֶל אֲשֶׁר יֵאָכֵל אֲשֶׁר
יָבוֺא עָלָיו מַיִם יִטְמָא וְכָל־מַשְׁקֶה
אֲשֶׁר יִשָּׁתֶה בְּכָל־כְּלִי יִטְמָא׃
Lev 11.35
וְכֹל אֲשֶׁר־יִפֹּל מִנִּבְלָתָם עָלָיו
יִטְמָא תַּנּוּר וְכִירַיִם יֻתָּץ
טְמֵאִים הֵם וּטְמֵאִים יִהְיוּ
לָכֶם׃
Lev 11.36
אַך מַעְיָן וּבוֺר מִקְוֵה־מַיִם
יִהְיֶה טָהוֺר וְנֺגֵעַ בְּנִבְלָתָם
יִטְמָא׃
Lev 11.37
וְכִי יִפֹּל מִנִּבְלָתָם עַל־כָּל־זֶרַע
זֵרוּעַ אֲשֶׁר יִזָּרֵעַ טָהוֺר הוּא׃
Lev 11.38
וְכִי יֻתַּנ־מַיִם עַל־זֶרַע וְנָפַל
מִנִּבְלָתָם עָלָיו טָמֵא הוּא לָכֶם׃
ס
Lev 11.39
וְכִי יָמוּת מִנ־הַבְּהֵמָה אֲשֶׁר־הִיא
לָכֶם לְאָכְלָה הַנֺּגֵעַ בְּנִבְלָתָהּ
יִטְמָא עַד־הָעָרֶב׃
Lev 11.40
וְהָאֹכֵל מִנִּבְלָתָהּ יְכַבֵּס בְּגָדָיו
וְטָמֵא עַד־הָעָרֶב וְהַנֺּשֵׂא אֶת־נִבְלָתָהּ
יְכַבֵּס בְּגָדָיו וְטָמֵא עַד־הָעָרֶב׃
Lev 11.41
וְכָל־הַשֶּׁרֶץ הַשֹּׁרֵץ עַל־הָאָרֶץ
שֶׁקֶץ הוּא לֹא יֵאָכֵל׃
Lev 11.42
כֹּל הוֺלֵך עַל־גָּחוֺן וְכֹל הוֺלֵך
עַל־אַרְבַּע עַד כָּל־מַרְבֵּה רַגְלַיִם
לְכָל־הַשֶּׁרֶץ הַשֹּׁרֵץ עַל־הָאָרֶץ
לֹא תֹאכְלוּם כִּי־שֶׁקֶץ הֵ׃
Lev 11.43
אַל־תְּשַׁקְּצוּ אֶת־נַפְשֹׁתֵיכֶם בְּכָל־הַשֶּׁרֶץ
הַשֹּׁרֵץ וְלֹא תִטַּמְּאוּ בָּהֶם וְנִטְמֵתֶם
בָּם׃
Lev 11.44
כִּי אֲנִי יְהוָה אֱלֹהֵיכֶם וְהִתְקַדִּשְׁתֶּם
וִהְיִיתֶם קְדֹשִׁים כִּי קָדוֺשׁ
אָנִי וְלֹא תְטַמְּאוּ אֶת־נַפְשֹׁתֵיכֶם
בְּכָל־הַשֶּׁרֶץ הָרֹםֵ עַל־הָאָרֶץ׃
Lev 11.45
כִּי אֲנִי יְהוָה הַמַּעֲלֶה אֶתְכֶם
מֵאֶרֶץ מִצְרַיִם לִהְיֺת לָכֶם לֵאלֹהִים
וִהְיִיתֶם קְדֹשִׁים כִּי קָדוֺשׁ
אָנִי׃
Lev 11.46
זֺאת תּוֺרַת הַבְּהֵמָה וְהָעוֺף
וְכֹל נֶפֶשׁ הַחַיָּה הָרֹמֶשֶׂת בַּמָּיִם
וּלְכָל־נֶפֶשׁ הַשֹּׁרֶצֶת עַל־הָאָרֶץ׃
Lev 11.47
לְהַבְדִּיל בֵּין הַטָּמֵא וּבֵין
הַטָּהֹר וּבֵין הַחַיָּה הַנֶּאֱכֶלֶת
וּבֵין הַחַיָּה אֲשֶׁר לֹא תֵאָכֵל׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT