Lev 10

Teljes szövegű keresés

Lev 10
Lev 10.1
וַיִּקְחוּ בְנֵי־אַהֲרֹן נָדָב וַאֲבִיהוּא
אִישׁ מַחְתָּתוֺ וַיִּתְּנוּ בָהֵן
אֵשׁ וַיָּשִׂימוּ עָלֶיהָ קְטֹרֶת וַיַּקְרִבוּ
לִפְנֵי יְהוָה אֵשׁ רָה אֲשֶׁר לֹא
צִוָּה אֹתָם׃
Lev 10.2
וַתֵּצֵא אֵשׁ מִלִּפְנֵי יְהוָה וַתֹּאכַל
אוֺתָם וַיָּמֻתוּ לִפְנֵי יְהוָה׃
Lev 10.3
וַיֺּאמֶר מֹשֶׁה אֶל־אַהֲרֹן הוּא
אֲשֶׁר־דִּבֶּר יְהוָה לֵאמֹר בִּקְרֹבַי
אֶקָּדֵשׁ וְעַל־פְּנֵי כָל־הָעָם אֶכָּבֵד
וַיִּדֹּם אַהֲרֹן׃
Lev 10.4
וַיִּקְרָא מֹשֶׁה אֶל־מִישָׁאֵל וְאֶל
אֶלְצָפָן בְּנֵי עֻזִּיאֵל דֹּד אַהֲרֹן
וַיֺּאמֶר אֲלֵהֶם קִרְבוּ שְׂאוּ אֶת־אֲחֵיכֶם
מֵאֵת פְּנֵי־הַקֹּדֶ אֶל־מִחוּץ
לַמַּחֲנֶה׃
Lev 10.5
וַיִּקְרְבוּ וַיִּשָּׂאֻם בְּכֻתֳּנֺתָם אֶל־מִחוּץ
לַמַּחֲנֶה כַּאֲשֶׁר דִּבֶּר מֹשֶׁה׃
Lev 10.6
וַיֺּאמֶר מֹשֶׁה אֶל־אַהֲרֹן וּלְאֶלְעָזָר
וּלְאִיתָמָר בָּנָיו רָאשֵׁיכֶם
אַל־תִּפְרָעוּ וּבִגְדֵיכֶם לֹא־תִפְרֹמוּ
וְלֹא תָמֻתוּ וְעַל כָּל־הָעֵדָה
יִקְצֹף וַאֲחֵיכֶם כָּל־בֵּית יִשְׂרָאֵל
יִבְכּוּ אֶת־הַשְּׂרֵפָה אֲשֶׁר שָׂרַף
יְהוָה׃
Lev 10.7
וּמִפֶּתַח אֹהֶל מוֺעֵד לֹא תֵצְאוּ
פֶּנ־תָּמֻתוּ כִּי־שֶׁמֶן מִשְׁחַת
יְהוָה עֲלֵיכֶם וַיַּעֲשׂוּ כִּדְבַר
מֹשֶׁה׃ ף
Lev 10.8
וַיְדַבֵּר יְהוָה אֶל־אַהֲרֹן לֵאמֹר׃
Lev 10.9
יַיִן וְשֵׁכָר אַל־תֵּשְׁתְּ אַתָּה
וּבָנֶיךָ אִתָּך בְּבֹאֲכֶם אֶל־אֹהֶל
מוֺעֵד וְלֹא תָמֻתוּ חֻקַּת עוֺלָם
לְדֹרֹתֵיכֶם׃
Lev 10.10
וּלֲהַבְדִּיל בֵּין הַקֹּדֶשׁ וּבֵין
הַחֹל וּבֵין הַטָּמֵא וּבֵין הַטָּהוֺר׃
Lev 10.11
וּלְהוֺרֹת אֶת־בְּנֵי יִשְׂרָאֵל אֵת
כָּל־הַחֻקִּים אֲשֶׁר דִּבֶּר יְהוָה
אֲלֵיהֶם בְּיַד־מֹשֶׁה׃ ף
Lev 10.12
וַיְדַבֵּר מֹשֶׁה אֶל־אַהֲרֹן וְאֶל
אֶלְעָזָר וְאֶל־אִיתָמָר בָּנָיו
הַנֺּותָרִים קְחוּ אֶת־הַמִּנְחָה
הַנֺּותֶרֶת מֵאִשֵּׁי יְהוָה וְאִכְלהָ
מַצּוֺת אֵצֶל הַמִּזְבֵּחַ כִּי קֹדֶשׁ
קָדָשִׁים הִוא׃
Lev 10.13
וַאֲכַלְתֶּם אֹתָהּ בְּמָקוֺם קָדֹשׁ
כִּי חָקְךָ וְחָק־בָּנֶיךָ הִוא מֵאִשֵּׁי
יְהוָה כִּי־כֵן צֻוֵּיתִי׃
Lev 10.14
וְאֵת חֲזֵה הַתְּנוּפָה וְאֵת שׁוֺק
הַתְּרוּמָה תֹּאכְלוּ בְּמָקוֺם טָהוֺר
אַתָּה וּבָנֶיךָ וּבְנֺתֶיךָ אִתָּך
כִּי־חָקְךָ וְחָק־בָּנֶיךָ תְּנוּ מִזִּבְחֵי
שַׁלְמֵי בְּנֵי יִשְׂרָאֵל׃
Lev 10.15
שׁוֺק הַתְּרוּמָה וַחֲזֵה הַתְּנוּפָה
עַל אִשֵּׁי הַחֲלָבִים יָבִיאוּ
לְהָנִיף תְּנוּפָה לִפְנֵי יְהוָה
וְהָיָה לְךָ וּלְבָנֶיךָ אִתְּךָ לְחָק־עוֺלָם
כַאֲשֶׁר צִוָּה יְהוָה׃
Lev 10.16
וְאֵת שְׂעִיר הַחַטָּאת דָּרֹשׁ דָּרַשׁ
מֹשֶׁה וְהִנֵּה שֹׂרָף וַיִּקְצֹף עַל־אֶלְעָזָר
וְעַל־אִיתָמָר בְּנֵי אַהֲרֹן הַנֺּותָרִם
לֵאמֹר׃
Lev 10.17
מַדּוּעַ לֹא־אֲכַלְתֶּם אֶת־הַחַטָּאת
בִּמְקוֺם הַקֹּדֶשׁ כִּי קֹדֶשׁ קָדָשִׁים
הִוא וְאֹתָהּ נָתַן לָכֶם לָשֵׂאת
אֶת־עֲוֺן הָעֵדָה לְכַפֵּרעֲלֵיהֶם
לִפְנֵי יְהוָה׃
Lev 10.18
הֵן לֹא־הוּבָא אֶת־דָּמָהּ אֶל־הַקֹּדֶשׁ
פְּנִימָה אָכוֺל תֹּאכְלוּ אֹתָהּ
בַּקֹּדֶשׁ כַּאֲשֶׁר צִוֵּיתִי׃
Lev 10.19
וַיְדַבֵּר אַהֲרֹן אֶל־מֹשֶׁה הֵן
הַיֺּום הִקְרִיבוּ אֶת־חַטָּאתָם
וְאֶת־עֹלָתָם לִפְנֵי יְהוָה וַתִּקְרֶאנָה
אֹתִי כָּאֵלֶּה וְאָכַלְתִּי חַטָּא
הַיֺּום הַיִּיטַב בְּעֵינֵי יְהוָה׃
Lev 10.20
וַיִּשְׁמַע מֹשֶׁה וַיִּיטַב בְּעֵינָיו׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT