Jud 8

Teljes szövegű keresés

Jud 8
Jud 8.1
וַיֺּאמְרוּ אֵלָיו אִישׁ אֶפְרַיִם
מָה־הַדָּבָר הַזֶּה עָשִׂיתָ לָּנוּ
לְבִלְתִּי קְרֹאות לָנוּ כִּי הָלַכְתָּ
לְהִלָּחֵם בְּמִדְיָן וַיְרִיבוּן תּוֺ
בְּחָזְקָה׃
Jud 8.2
וַיֺּאמֶר אֲלֵיהֶם מֶה־עָשִׂיתִי
עַתָּה כָּכֶם הֲלוֺא טוֺב עֹלְלוֺת
אֶפְרַיִם מִבְצִיר אֲבִיעֶזֶר׃
Jud 8.3
בְּיֶדְכֶם נָתַן אֱלֹהִים אֶת־שָׂרֵי
מִדְיָן אֶת־עֹרֵב וְאֶת־זְאֵב
וּמַה־יָּכֹלְתִּי עֲשׂוֺת כָּכֶם אָז
רָפְתָה רוּחָם מֵעָלָיו בְּדַבְּרוֺ
הַדָּבָר הַזֶּה׃
Jud 8.4
וַיָּבֹא גִדְעוֺן הַיַּרְדֵּנָה עֹבֵר
הוּא וּשְׁלֹשׁ־מֵאוֺת הָאִישׁ אֲשֶׁר
אִתּוֺ עֲיֵפִים וְרֹדְפִים׃
Jud 8.5
וַיֺּאמֶר לְאַנְשֵׁי סֻכּוֺת תְּנוּ־נָא
כִּכְּרוֺת לֶחֶם לָעָם אֲשֶׁר בְּרַגְלָי
כִּי־עֲיֵפִים הֵם וְאָנֺכִי רֹדֵף
אַחֲרֵי זֶבַח וְצַלְמֻנָּע לְכֵי
מִדְיָן׃
Jud 8.6
וַיֺּאמֶר שָׂרֵי סֻכּוֺת הֲכַף זֶבַח
וְצַלְמֻנָּע עַתָּה בְּיָדֶךָ כִּי־נִתֵּן
לִצְבָאֲךָ לָחֶם׃
Jud 8.7
וַיֺּאמֶר גִּדְעוֺן לָכֵן בְּתֵת יְהוָה
אֶת־זֶבַח וְאֶת־צַלְמֻנָּע בְּיָדִי
וְדַשְׁתִּי אֶת־בְּשַׂרְכֶם אֶת־קוֺצֵי
הַמִּדְבָּר וְאֶת־הַבַּרְקֳנִים׃
Jud 8.8
וַיַּעַל מִשָּׁם פְּנוּאֵל וַיְדַבֵּר
אֲלֵיהֶם כָּזֺאת וַיַּעֲנוּ אוֺתוֺ
אַנְשֵׁי פְנוּאֵל כַּאֲשֶׁר עָנוּ
אַנְשֵׁי סֻכּוֺת׃
Jud 8.9
וַיֺּאמֶר גַּמ־לְאַנְשֵׁי פְנוּאֵל
לֵאמֹר בְּשׁוּבִי בְשָׁלוֺם אֶתֹּץ
אֶת־הַמִּגְדָּל הַזֶּה׃ ף
Jud 8.10
וְזֶבַח וְצַלְמֻנָּע בַּקַּרְקֹר וּמַחֲנֵיהֶם
עִמָּם כַּחֲמֵשֶׁת עָשָׂר אֶלֶף כֹּל
הַנֺּותָרִים מִכֹּל מַחֲנֵה בְנֵי־קֶדֶם
וְהַנֺּפְלִים מֵאָהוְעֶשְׂרִים אֶלֶף
אִישׁ שֹׁלֵף חָרֶב׃
Jud 8.11
וַיַּעַל גִּדְעוֺן דֶּרֶך הַשְּׁכוּנֵי
בָאֳהָלִים מִקֶּדֶם לְנֺבַח וְיָגְבֳּהָה
וַיַּך אֶת־הַמַּחֲנֶה וְהַמַּחֲנֶה
הָיָה בֶטַח׃
Jud 8.12
וַיָּנוּסוּ זֶבַח וְצַלְמֻנָּע וַיִּרְדֹּף
אַחֲרֵיהֶם וַיִּלְכֹּד אֶת־שְׁנֵי
מַלְכֵי מִדְיָן אֶת־זֶבַח וְאֶת־צַלְמֻנָּע
וְכָל־הַמַּחֲנֶה הֶחֱרִי׃
Jud 8.13
וַיָּשָׁב גִּדְעוֺן בֶּנ־יֺואָשׁ מִנ־הַמִּלְחָמָה
מִלְמַעֲלֵה הֶחָרֶס׃
Jud 8.14
וַיִּלְכָּד־נַעַר מֵאַנְשֵׁי סֻכּוֺת
וַיִּשְׁאָלֵהוּ וַיִּכְתֹּב אֵלָיו אֶת־שָׂרֵי
סֻכּוֺת וְאֶת־זְקֵנֶיהָ שִׁבְעִים
וְשִׁבְעָה אִישׁ׃
Jud 8.15
וַיָּבֹא אֶל־אַנְשֵׁי סֻכּוֺת וַיֺּאמֶר
הִנֵּה זֶבַח וְצַלְמֻנָּע אֲשֶׁר חֵרַפְתֶּם
אוֺתִי לֵאמֹר הֲכַף זֶבַח וְצַלְמֻנָּע
עַתָּה בְּיָדֶךָ ךִּ נִתֵּן לַאֲנָשֶׁיךָ
הַיְּעֵפִים לָחֶם׃
Jud 8.16
וַיִּקַּח אֶת־זִקְנֵי הָעִיר וְאֶת־קוֺצֵי
הַמִּדְבָּר וְאֶת־הַבַּרְקֳנִים וַיֺּדַע
בָּהֶם אֵת אַנְשֵׁי סֻכּוֺת׃
Jud 8.17
וְאֶת־מִגְדַּל פְּנוּאֵל נָתָץ וַיַּהֲרֹג
אֶת־אַנְשֵׁי הָעִיר׃
Jud 8.18
וַיֺּאמֶר אֶל־זֶבַח וְאֶל־צַלְמֻנָּע
אֵיפֹה הָאֲנָשִׁים אֲשֶׁר הֲרַגְתֶּם
בְּתָבוֺר וַיֺּאמְרוּ כָּמוֺךָ כְמוֺהֶם
אֶחָד כְּתֹאַר בְּנֵי הַמֶּך׃
Jud 8.19
וַיֺּאמַר אַחַי בְּנֵי־אִמִּי הֵם
חַי־יְהוָה לוּ הַחֲיִתֶם אוֺתָם
לֹא הָרַגְתִּי אֶתְכֶם׃
Jud 8.20
וַיֺּאמֶר לְיֶתֶר בְּכוֺרוֺ קוּם
הֲרֹג אוֺתָם וְלֹא־שָׁלַף הַנַּעַר
חַרְבּוֺ כִּי יָרֵא כִּי עוֺדֶנּוּ
נָעַר׃
Jud 8.21
וַיֺּאמֶר זֶבַח וְצַלְמֻנָּע קוּם
אַתָּה וּפְגַע־בָּנוּ כִּי כָאִישׁ
גְּבוּרָתוֺ וַיָּקָם גִּדְעוֺן וַיַּהֲרֹג
אֶת־זֶבַח וְאֶת־צַלְמֻנָּע וַיִּקַּח
אֶת־הַשַּׂהֲרֹנִים אֲשֶׁר בְּצַוְּארֵי
גְמַלֵּיהֶם׃
Jud 8.22
וַיֺּאמְרוּ אִישׁ־יִשְׂרָאֵל אֶל־גִּדְעוֺן
מְשָׁל־בָּנוּ גַּמ־אַתָּה גַּמ־בִּנְךָ
גַּם בֶּנ־בְּנֶךָ כִּי הוֺשַׁעְתָּנוּ
מִיַּד מִדְיָן׃
Jud 8.23
וַיֺּאמֶר אֲלֵהֶם גִּדְעוֺן לֹא־אֶמְשֹׁל
אֲנִי בָּכֶם וְלֹא־יִמְשֹׁל בְּנִי
בָּכֶם יְהוָה יִמְשֹׁל בָּכֶם׃
Jud 8.24
וַיֺּאמֶר אֲלֵהֶם גִּדְעוֺן אֶשְׁאֲלָה
מִכֶּם שְׁאֵלָה וּתְנוּ־לִי אִישׁ
נֶזֶם שְׁלָלוֺ כִּי־נִזְמֵי זָהָב
לָהֶם כִּי יִשְׁמְעֵאלִים הֵם׃
Jud 8.25
וַיֺּאמְרוּ נָתוֺן נִתֵּן וַיִּפְרְשׂוּ
אֶת־הַשִּׂמְלָה וַיַּשְׁלִיכוּ שָׁמָּה
אִישׁ נֶזֶם שְׁלָלוֺ׃
Jud 8.26
וַיְהִי מִשְׁקַל נִזְמֵי הַזָּהָב
אֲשֶׁר שָׁאָל אֶלֶף וּשְׁבַע־מֵאוֺת
זָהָב לְבַד מִנ־הַשַּׂהֲרֹנִים וְהַנְּטִפוֺת
וּבִגְדֵי הָאַרְגָּמָן שֶׁעַל מַלְכֵי
מִדְיָן וּלְבַד מִנ־הָעֲנָקוֺת אֲשֶׁר
בְּצַוְּארֵי גְמַלֵּיהֶם׃
Jud 8.27
וַיַּעַשׂ אוֺתוֺ גִדְעוֺן לְאֵפוֺד
וַיַּצֵּג אוֺתוֺ בְעִירוֺ בְּעָפְרָה
וַיִּזְנוּ כָל־יִשְׂרָאֵל אַחֲרָיו
שָׁם וַיְהִי לְגִדְעוֺן וּלְבֵיתוֺ
לְמוֺקֵשׁ׃
Jud 8.28
וַיִּכָּנַע מִדְיָן לִפְנֵי בְּנֵי יִשְׂרָאֵל
וְלֹא יָסְפוּ לָשֵׂאת רֹאשָׁם וַתִּשְׁקֹט
הָאָרֶץ אַרְבָּעִים שָׁנָה בִּימֵי
גִדְעוֺן׃ ף
Jud 8.29
וַיֵּלֶך יְרֻבַּעַל בֶּנ־יֺואָשׁ וַיֵּשֶׁב
בְּבֵיתוֺ׃
Jud 8.30
וּלְגִדְעוֺן הָיוּ שִׁבְעִים בָּנִים
יֺצְאֵי יְרֵכוֺ כִּי־נָשִׁים רַבּוֺת
הָיוּ לוֺ׃
Jud 8.31
וּפִילַגְשׁוֺ אֲשֶׁר בִּשְׁכֶם יָלְדָה־לּוֺ
גַמ־הִיא בֵּן וַיָּשֶׂם אֶת־שְׁמוֺ
אֲבִימֶלֶך׃
Jud 8.32
וַיָּמָת גִּדְעוֺן בֶּנ־יֺואָשׁ בְּשֵׂיבָה
טוֺבָה וַיִּקָּבֵר בְּקֶבֶר יֺואָשׁ
אָבִיו בְּעָפְרָה אֲבִי הָעֶזְרִי׃
ף
Jud 8.33
וַיְהִי כַּאֲשֶׁר מֵת גִּדְעוֺן וַיָּשׁוּבוּ
בְּנֵי יִשְׂרָאֵל וַיִּזְנוּ אַחֲרֵי
הַבְּעָלִים וַיָּשִׂימוּ לָהֶם בַּעַל
בְּרִית לֵאלֹהִים׃
Jud 8.34
וְלֹא זָכְרוּ בְּנֵי יִשְׂרָאֵל אֶת־יְהוָה
אֱלֹהֵיהֶם הַמַּצִּיל אוֺתָם מִיַּד
כָּל־אֹיְבֵיהֶם מִסָּבִיב׃
Jud 8.35
וְלֹא־עָשׂוּ חֶסֶד עִמ־בֵּית יְרֻבַּעַל
גִּדְעוֺן כְּכָל־הַטּוֺבָה אֲשֶׁר עָשָׂה
עִמ־יִשְׂרָאֵל׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT