Jes 9

Teljes szövegű keresés

Jes 9
Jes 9.1
הָעָם הַהֹלְכִים בַּחֹשֶׁך רָאוּ אוֺר
גָּדוֺל יֺשְׁבֵי בְּאֶרֶץ צַלְמָוֶת
אוֺר נָגַהּ עֲלֵיהֶם׃
Jes 9.2
הִרְבִּיתָ הַגֺּוי 1 לֹא 2 לוֺ הִגְדַּלְתָּ
הַשִּׂמְחָה שָׂמְחוּ לְפָנֶיךָ כְּשִׂמְחַת
בַּקָּצִיר כַּאֲשֶׁר יָגִילוּ בְּחַלְּקָם
שָׁלָל׃
Jes 9.3
כִּי אֶת־עֹל סֻבֳּלוֺ וְאֵת מַטֵּה
שִׁכְמוֺ שֵׁבֶט הַנֺּגֵשׂ בּוֺ הַחִתֹּתָ
כְּיֺום מִדְיָן׃
Jes 9.4
כִּי כָל־סְאוֺן סֹאֵן בְּרַעַשׁ
וְשִׂמְלָה מְגֺולָלָה בְדָמִים וְהָיְתָה
לִשְׂרֵפָה מַאֲכֹלֶת אֵשׁ׃
Jes 9.5
כִּי־יֶלֶד יֻלַּד־לָנוּ בֵּן נִתַּנ־לָנוּ
וַתְּהִי הַמִּשְׂרָה עַל־שִׁכְמוֺ וַיִּקְרָא
שְׁמוֺ פֶּלֶא יֺועֵץ אֵל גִּבּוֺר
אֲבִיעַד שַׂר־שָׁלוֺם׃
Jes 9.6
לָמֹרַבָּה 2 לְמַרְבֵּה הַמִּשְׂרָה וּלְשָׁלוֺם
אֵינ־קֵץ עַל־כִּסֵּא דָוִד וְעַל־מַמְלַכְתּוֺ
לְהָכִין אֹתָהּ וּלְסַעֲדָהּ בְּמִשְׁפָּט
וּבִצְדָקָה עַתָּה וְעַד־עוֺלָם
קִנְאַת יְהוָה צְבָאוֺת תַּעֲשֶׂה־זֺּאת׃
ס
Jes 9.7
דָּבָר שָׁלַח אֲדֹנָי בְּיַעֲקֹב וְנָפַל
בְּיִשְׂרָאֵל׃
Jes 9.8
וְיָדְעוּ הָעָם כֻּלּוֺ אֶפְרַיִם וְיֺושֵׁב
שֹׁמְרוֺן בְּגַאֲוָה וּבְגֺדֶל לֵבָב
לֵאמֹר׃
Jes 9.9
לְבֵנִים נָפָלוּ וְגָזִית נִבְנֶה
שִׁקְמִים גֻּדָּעוּ וַאֲרָזִים נַחֲלִיף׃
Jes 9.10
וַיְשַׂגֵּב יְהוָה אֶת־צָרֵי רְצִין
עָלָיו וְאֶת־אֹיְבָיו יְסַכְסֵך׃
Jes 9.11
אֲרָם מִקֶּדֶם וּפְלִשְׁתִּים מֵאָחוֺר
וַיֺּאכְלוּ אֶת־יִשְׂרָאֵל בְּכָל־פֶּה
בְּכָל־זֺאת לֹא־שָׁב אַפּוֺ וְעוֺד
יָדוֺ נְטוּיָה׃
Jes 9.12
וְהָעָם לֹא־שָׁב עַד־הַמַּכֵּהוּ וְאֶת־יְהוָה
צְבָאוֺת לֹא דָרָשׁוּ׃ ס
Jes 9.13
וַיַּכְרֵת יְהוָה מִיִּשְׂרָאֵל רֹאשׁ
וְזָנָב כִּפָּה וְאַגְמוֺן יֺום אֶחָד׃
Jes 9.14
זָקֵן וּנְשׂוּא־פָנִים הוּא הָרֹאשׁ
וְנָבִיא מוֺרֶה־שֶּׁקֶר הוּא הַזָּנָב׃
Jes 9.15
וַיִּהְיוּ מְאַשְּׁרֵי הָעָמ־הַזֶּה מַתְעִים
וּמְאֻשָּׁרָיו מְבֻלָּעִים׃
Jes 9.16
עַל־כֵּן עַל־בַּחוּרָיו לֹא־יִשְׂמַח
אֲדֹנָי וְאֶת־יְתֹמָיו וְאֶת־אַלְמְנֺתָיו
לֹא יְרַחֵם כִּי כֻלּוֺ חָנֵף וּמֵרַע
וְכָל־פֶּה דֹּבֵר נְבָלָהבְּכָל־זֺאת
לֹא־שָׁב אַפּוֺ וְעוֺד יָדוֺ נְטוּיָה׃
Jes 9.17
כִּי־בָעֲרָה כָאֵשׁ רִשְׁעָה שָׁמִיר
וָשַׁיִת תֹּאכֵל וַתִּצַּת בְּסִבְכֵי
הַיַּעַר וַיִּתְאַבְּכוּ גֵּאוּת עָשָׁן׃
Jes 9.18
בְּעֶבְרַת יְהוָה צְבָאוֺת נֶעְתַּם
אָרֶץ וַיְהִי הָעָם כְּמַאֲכֹלֶת אֵשׁ
אִישׁ אֶל־אָחִיו לֹא יַחְמֹלוּ׃
Jes 9.19
וַיִּגְזֺר עַל־יָמִין וְרָעֵב וַיֺּאכַל
עַל־שְׂמֹאול וְלֹא שָׂבֵעוּ אִישׁ
בְּשַׂר־זְרֹעוֺ יֺאכֵלוּ׃
Jes 9.20
מְנַשֶּׁה אֶת־אֶפְרַיִם וְאֶפְרַיִם
אֶת־מְנַשֶּׁה יַחְדָּו הֵמָּה עַל־יְהוּדָה
בְּכָל־זֺאת לֹא־שָׁב אַפּוֺ וְעוֺד
יָדוֺ נְטוּיָה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT