Jes 63

Teljes szövegű keresés

Jes 63
Jes 63.1
מִי־זֶה בָּא מֵאֱדוֺם חֲמוּץ בְּגָדִים
מִבָּצְרָה זֶה הָדוּר בִּלְבוּשׁוֺ
צֹעֶה בְּרֹב כֹּחוֺ אֲנִי מְדַבֵּר
בִּצְדָקָה רַב לְהוֺשִׁיעַ׃
Jes 63.2
מַדּוּעַ אָדֹם לִלְבוּשֶׁךָ וּבְגָדֶיךָ
כְּדֹרֵך בְּגַת׃
Jes 63.3
פּוּרָה דָּרַכְתִּי לְבַדִּי וּמֵעַמִּים
אֵינ־אִישׁ אִתִּי וְאֶדְרְכֵם בְּאַפִּי
וְאֶרְמְסֵם בַּחֲמָתִי וְיֵז נִצְחָם
עַל־בְּגָדַי וְכָל־מַלְבּוּשַׁי אֶגְאָלְתִּי׃
Jes 63.4
כִּי יֺום נָקָם בְּלִבִּי וּשְׁנַת
גְּאוּלַי בָּאָה׃
Jes 63.5
וְאַבִּיט וְאֵין עֹזֵר וְאֶשְׁתּוֺמֵם
וְאֵין סוֺמֵך וַתּוֺשַׁע לִי זְרֹעִי
וַחֲמָתִי הִיא סְמָכָתְנִי׃
Jes 63.6
וְאָבוּס עַמִּים בְּאַפִּי וַאֲשַׁכְּרֵם
בַּחֲמָתִי וְאוֺרִיד לָאָרֶץ נִצְחָם׃
ס
Jes 63.7
חַסְדֵי יְהוָה אַזְכִּיר תְּהִלֹּת
יְהוָה כְּעַל כֹּל אֲשֶׁר־גְּמָלָנוּ
יְהוָה וְרַב־טוּב לְבֵית יִשְׂרָאֵל
אֲשֶׁר־גְּמָלָם כְּרַחֲמָיו וּכְב חֲסָדָיו׃
Jes 63.8
וַיֺּאמֶר אַכְ־עַמִּי הֵמָּה בָּנִים
לֹא יְשַׁקֵּרוּ וַיְהִי לָהֶם לְמוֺשִׁיעַ׃
Jes 63.9
בְּכָל־צָרָתָם 1 לֹא 2 לוֺ צָר וּמַלְאַך
פָּנָיו הוֺשִׁיעָם בְּאַהֲבָתוֺ וּבְחֶמְלָתוֺ
הוּא גְאָלָם וַיְנַטְּלֵם וַיְנַשְּׂאֵם
כָּל־יְמֵי עוֺלָם׃
Jes 63.10
וְהֵמָּה מָרוּ וְעִצְּבוּ אֶת־רוּחַ
קָדְשׁוֺ וַיֵּהָפֵך לָהֶם לְאוֺיֵב
הוּא נִלְחַמ־בָּם׃
Jes 63.11
וַיִּזְכֹּר יְמֵי־עוֺלָם מֹשֶׁה עַמּוֺ
אַיֵּה הַמַּעֲלֵם מִיָּם אֵת רֹעֵי
צֹאנֺו אַיֵּה הַשָּׂם בְּקִרְבּוֺ אֶת־רוּחַ
קָדְשׁוֺ׃
Jes 63.12
מוֺלִיך לִימִין מֹשֶׁה זְרוֺעַ
תִּפְאַרְתּוֺ בּוֺקֵעַ מַיִם מִפְּנֵיהֶם
לַעֲשׂוֺת לוֺ שֵׁם עוֺלָם׃
Jes 63.13
מוֺלִיכָם בַּתְּהֹמוֺת כַּסּוּס בַּמִּדְבָּר
לֹא יִכָּשֵׁלוּ׃
Jes 63.14
כַּבְּהֵמָה בַּבִּקְעָה תֵרֵד רוּחַ יְהוָה
תְּנִיחֶנּוּ כֵּן נִהַגְתָּ עַמְּךָ לַעֲשׂוֺת
לְךָ שֵׁם תִּפְאָרֶת׃
Jes 63.15
הַבֵּט מִשָּׁמַיִם וּרְאֵה מִזְּבֻל קָדְשְׁךָ
וְתִפְאַרְתֶּךָ אַיֵּה קִנְאָתְךָ וּגְבוּרֹתֶךָ
הֲמוֺן מֵעֶיךָ וְרַחֲמֶיךָ אֵלַי
הִתְאַפָּקוּ׃
Jes 63.16
כִּי־אַתָּה אָבִינוּ כִּי אַבְרָהָם
לֹא יְדָעָנוּ וְיִשְׂרָאֵל לֹא יַכִּירָנוּ
אַתָּה יְהוָה אָבִינוּ גֺּאֲלֵנוּ
מֵעוֺלָם שְׁמֶךָ׃
Jes 63.17
לָמָּה תַתְעֵנוּ יְהוָה מִדְּרָכֶיךָ
תַּקְשִׁיחַ לִבֵּנוּ מִיִּרְאָתֶךָ שׁוּב
לְמַעַן עֲבָדֶיךָ שִׁבְטֵי נַחֲלָתֶךָ׃
Jes 63.18
לַמִּצְעָר יָרְשׁוּ עַמ־קָדְשֶׁךָ צָרֵינוּ
בּוֺסְסוּ מִקְדָּשֶׁךָ׃
Jes 63.19
הָיִינוּ מֵעוֺלָם לֹא־מָשַׁלְתָּ בָּם
לֹא־נִקְרָא שִׁמְךָ עֲלֵיהֶם לוּא־קָרַעְתָּ
שָׁמַיִם יָרַדְתָּ מִפָּנֶיךָ הָרִים
נָזֺלּוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT