Jes 57

Teljes szövegű keresés

Jes 57
Jes 57.1
הַצַּדִּיק אָבָד וְאֵין אִישׁ שָׂם
עַל־לֵב וְאַנְשֵׁי־חֶסֶד נֶאֱסָפִים
בְּאֵין מֵבִין כִּי־מִפְּנֵי הָרָעָה
נֶאֱסַף הַצַּדִּיק׃
Jes 57.2
יָבוֺא שָׁלוֺם יָנוּחוּ עַל־מִשְׁכְּבוֺתָם
הֹלֵך נְכֹחוֺ׃
Jes 57.3
וְאַתֶּם קִרְבוּ־הֵנָּה בְּנֵי עֹנְנָה
זֶרַע מְנָאֵף וַתִּזְנֶה׃
Jes 57.4
עַל־מִי תִּתְעַנָּגוּ עַל־מִי תַּרְחִיבוּ
פֶה תַּאֲרִיכוּ לָשׁוֺן הֲלוֺא־אַתֶּם
יִלְדֵי־פֶשַׁע זֶרַע שָׁקֶר׃
Jes 57.5
הַנֵּחָמִים בָּאֵלִים תַּחַת כָּל־עֵץ
רַעֲנָן שֹׁחֲטֵי הַיְלָדִים בַּנְּחָלִים
תַּחַת סְעִפֵי הַסְּלָעִים׃
Jes 57.6
בְּחַלְּקֵי־נַחַל חֶלְקֵך הֵם הֵם
גֺּורָלֵך גַּמ־לָהֶם שָׁפַכְתְּ נֶסֶך
הֶעֱלִית מִנְחָה הַעַל אֵלֶּה אֶנָּחֵם׃
Jes 57.7
עַל הַר־גָּבֹהַּ וְנִשָּׂא שַׂמְתְּ מִשְׁכָּבֵך
גַּמ־שָׁם עָלִית לִזְבֹּחַ זָבַח׃
Jes 57.8
וְאַחַר הַדֶּלֶת וְהַמְּזוּזָה שַׂמְתְּ
זִכְרוֺנֵך כִּי מֵאִתִּי גִּלִּית
וַתַּעֲלִי הִרְחַבְתְּ מִשְׁכָּבֵך וַתִּכְרָת־לָך
מֵהֶם אָהַבְתְּ מִכָּבָם יָד חָזִית׃
Jes 57.9
וַתָּשֻׁרִי לַמֶּלֶך בַּשֶּׁמֶן וַתַּרְבִּי
רִקֻּחָיִך וַתְּשַׁלְּחִי צִרַיִך עַד־מֵרָחֹק
וַתַּשְׁפִּילִי עַד־שְׁאוֺל׃
Jes 57.10
בְּרֹב דַּרְכֵּך יָגַעַתְּ לֹא אָמַרְתְּ
נֺואָשׁ חַיַּת יָדֵך מָצָאת עַל־כֵּן
לֹא חָלִית׃
Jes 57.11
וְאֶת־מִי דָּאַגְתְּ וַתִּירְאִי כִּי
תְכַזֵּבִי וְאוֺתִי לֹא זָכַרְתְּ
לֹא־שַׂמְתְּ עַל־לִבֵּך הֲלֹא אֲנִי
מַחְשֶׁה וּמֵעֹלָם וְאוֺתִי לֹא תִירָאִי׃
Jes 57.12
אֲנִי אַגִּיד צִדְקָתֵך וְאֶת־מַעֲשַׂיִך
וְלֹא יֺועִילוּך׃
Jes 57.13
בְּזַעֲקֵך יַצִּילֻך קִבּוּצַיִך וְאֶת־כֻּלָּם
יִשָּׂא־רוּחַ יִקַּח־הָבֶל וְהַחוֺסֶה
בִי יִנְחַל־אֶרֶץ וְיִירַשׁ הַר־קָדְשִׁי׃
Jes 57.14
וְאָמַר סֹלּוּ־סֹלּוּ פַּנּוּ־דָרֶך
הָרִימוּ מִכְשׁוֺל מִדֶּרֶך עַמִּי׃
ס
Jes 57.15
כִּי כֹה אָמַר רָם וְנִשָּׂא שֹׁכֵן
עַד וְקָדוֺשׁ שְׁמוֺ מָרוֺם וְקָדוֺשׁ
אֶשְׁכּוֺן וְאֶת־דַּכָּא וּשְׁפַל־רוּחַ
לְהַחֲיֺות רוּחַ שְׁפָלִים וּלְהַחֲיֺות
לֵב נִדְכָּאִים׃
Jes 57.16
כִּי לֹא לְעוֺלָם אָרִיב וְלֹא
לָנֶצַח אֶקְּצוֺף כִּי־רוּחַ מִלְּפָנַי
יַעֲטוֺף וּנְשָׁמוֺת אֲנִי עָשִׂיתִי׃
Jes 57.17
בַּעֲוֺן בִּצְעוֺ קָצַפְתִּי וְאַכֵּהוּ
הַסְתֵּר וְאֶקְצֹף וַיֵּלֶך שׁוֺבָב
בְּדֶרֶך לִבּוֺ׃
Jes 57.18
דְּרָכָיו רָאִיתִי וְאֶרְפָּאֵהוּ
וְאַנְחֵהוּ וַאֲשַׁלֵּם נִחֻמִים לוֺ
וְלַאֲבֵלָיו׃
Jes 57.19
בּוֺרֵא 1 נוּב 2 נִיב שְׂפָתָיִם שָׁלוֺם
שָׁלוֺם לָרָחוֺק וְלַקָּרוֺב אָמַר
יְהוָה וּרְפָאתִיו׃
Jes 57.20
וְהָרְשָׁעִים כַּיָּם נִגְרָשׁ כִּי הַשְׁקֵט
לֹא יוּכָל וַיִּגְרְשׁוּ מֵימָיו
רֶפֶשׁ וָטִיט׃
Jes 57.21
אֵין שָׁלוֺם אָמַר אֱלֹהַי לָרְשָׁעִים׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT