Jes 56

Teljes szövegű keresés

Jes 56
Jes 56.1
כֹּה אָמַר יְהוָה שִׁמְרוּ מִשְׁפָּט
וַעֲשׂוּ צְדָקָה כִּי־קְרוֺבָה יְשׁוּעָתִי
לָבוֺא וְצִדְקָתִי לְהִגָּלוֺת׃
Jes 56.2
אַשְׁרֵי אֱנֺושׁ יַעֲשֶׂה־זֺּאת וּבֶנ־אָדָם
יַחֲזִיק בָּהּ שֹׁמֵר שַׁבָּת מֵחַלְּלוֺ
וְשֹׁמֵר יָדוֺ מֵעֲשׂוֺת כָּל־רָע׃
ס
Jes 56.3
וְאַל־יֺאמַר בֶּנ־הַנֵּכָר הַנִּלְוָה
אֶל־יְהוָה לֵאמֹר הַבְדֵּל יַבְדִּילַנִי
יְהוָה מֵעַל עַמּוֺ וְאַל־יֺאמַר
הַסָּרִיס הֵן אֲנִי עֵץ יָבֵשׁ׃
 
Jes 56.4
כִּי־כֹה אָמַר יְהוָה לַסָּרִיסִים
אֲשֶׁר יִשְׁמְרוּ אֶת־שַׁבְּתוֺתַי
וּבָחֲרוּ בַּאֲשֶׁר חָפָצְתִּי וּמַחֲזִיקִים
בִּבְרִיתִי׃
Jes 56.5
וְנָתַתִּי לָהֶם בְּבֵיתִי וּבְחוֺמֹתַי
יָד וָשֵׁם טוֺב מִבָּנִים וּמִבָּנֺות
שֵׁם עוֺלָם אֶתֶּנ־לוֺ אֲשֶׁר לֹא
יִכָּרֵת׃ ס
Jes 56.6
וּבְנֵי הַנֵּכָר הַנִּלְוִים עַל־יְהוָה
לְשָׁרְתוֺ וּלְאַהֲבָה אֶת־שֵׁם יְהוָה
לִהְיֺות לוֺ לַעֲבָדִים כָּל־שֹׁמֵר
שַׁבָּת מֵחַלְּלוֺ וּמַחֲזִיקִים בִּבְרִיתִי׃
Jes 56.7
וַהֲבִיאוֺתִים אֶל־הַר קָדְשִׁי
וְשִׂמַּחְתִּים בְּבֵית תְּפִלָּתִי עוֺלֹתֵיהֶם
וְזִבְחֵיהֶם לְרָצוֺן עַל־מִזְבְּחִי
כִּי בֵיתִי בֵּית־תְּפִלָּה יִקָּרֵא
לְכָל־הָעַמִּים׃
Jes 56.8
נְאֻם אֲדֹנָי יְהוִה מְקַבֵּץ נִדְחֵי
יִשְׂרָאֵל עוֺד אֲקַבֵּץ עָלָיו
לְנִקְבָּצָיו׃
Jes 56.9
כֹּל חַיְתוֺ שָׂדָי אֵתָיוּ לֶאֱכֹל
כָּל־חַיְתוֺ בַּיָּעַר׃ ס
Jes 56.10
צֹפוֺ 2 צֹפָיו עִוְרִים כֻּלָּם לֹא
יָדָעוּ כֻּלָּם כְּלָבִים אִלְּמִים
לֹא יוּכְלוּ לִנְבֹּחַ הֹזִים שֹׁכְבִים
אֹהֲבֵי לָנוּם׃
Jes 56.11
וְהַכְּלָבִים עַזֵּי־נֶפֶשׁ לֹא יָדְעוּ
שָׂבְעָה וְהֵמָּה רֹעִים לֹא יָדְעוּ
הָבִין כֻּלָּם לְדַרְכָּם פָּנוּ אִישׁ
לְבִצְעוֺ מִקָּצֵהוּ׃
Jes 56.12
אֵתָיוּ אֶקְחָה־יַיִן וְנִסְבְּאָה
שֵׁכָר וְהָיָה כָזֶה יֺום מָחָר
גָדוֺל יֶתֶר מְאֹד׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT