Jes 52

Teljes szövegű keresés

Jes 52
Jes 52.1
עוּרִי עוּרִי לִבְשִׁי עֻזֵּך צִיֺּון
לִבְשִׁי בִּגְדֵי תִפְאַרְתֵּך יְרוּשָׁלִַם
עִיר הַקֹּדֶשׁ כִּי לֹא יֺוסִיף
יָבֹא־בָך עוֺד עָרֵל וְטָמֵא׃
Jes 52.2
הִתְנַעֲרִי מֵעָפָר קוּמִי שְּׁבִי
יְרוּשָׁלִָם 1 הִתְפַּתְּחוּ 2 הִתְפַּתְּחִי
מוֺסְרֵי צַוָּארֵך שְׁבִיָּה בַּת־צִיֺּון׃
ס
Jes 52.3
כִּי־כֹה אָמַר יְהוָה חִנָּם נִמְכַּרְתֶּם
וְלֹא בְכֶסֶף תִּגָּאֵלוּ׃
Jes 52.4
כִּי כֹה אָמַר אֲדֹנָי יְהוִה מִצְרַיִם
יָרַד־עַמִּי בָרִאשֹׁנָה לָגוּר
שָׁם וְאַשּׁוּר בְּאֶפֶס עֲשָׁקוֺ׃
Jes 52.5
וְעַתָּה 1 מִי 2 מַה־לִּי־פֹה נְאֻמ־יְהוָה
כִּי־לֻקַּח עַמִּי חִנָּם 1 מֹשְׁלוֺ 2 מֹשְׁלָיו
יְהֵילִילוּ נְאֻמ־יְהוָה וְתָמִיד
כָּל־הַיֺּום שְׁמִי מִנֺּץ׃
Jes 52.6
לָכֵן יֵדַע עַמִּי שְׁמִי לָכֵן בַּיֺּום
הַהוּא כִּי־אֲנִי־הוּא הַמְדַבֵּר
הִנֵּנִי׃
Jes 52.7
מַה־נָּאווּ עַל־הֶהָרִים רַגְלֵי
מְבַשֵּׂר מַשְׁמִיעַ שָׁלוֺם מְבַשֵּׂר
טוֺב מַשְׁמִיעַ יְשׁוּעָה אֹמֵר
לְצִיֺּון מָלַך אֱלֹהָיִך׃
Jes 52.8
קוֺל צֹפַיִך נָשְׂאוּ קוֺל יַחְדָּו
יְרַנֵּנוּ כִּי עַיִן בְּעַיִן יִרְאוּ
בְּשׁוּב יְהוָה צִיֺּון׃
Jes 52.9
פִּצְחוּ רַנְּנוּ יַחְדָּו חָרְבוֺת
יְרוּשָׁלִָם כִּי־נִחַם יְהוָה עַמּוֺ
גָּאַל יְרוּשָׁלִָם׃
Jes 52.10
חָשַׂף יְהוָה אֶת־זְרוֺעַ קָדְשׁוֺ
לְעֵינֵי כָּל־הַגֺּויִם וְרָאוּ
כָּל־אַפְסֵי־אָרֶץ אֵת יְשׁוּעַת
אֱלֹהֵינוּ׃ ס
Jes 52.11
סוּרוּ סוּרוּ צְאוּ מִשָּׁם טָמֵא
אַל־תִּגָּעוּ צְאוּ מִתּוֺכָהּ הִבָּרוּ
נֺשְׂאֵי כְּלֵי יְהוָה׃
Jes 52.12
כִּי לֹא בְחִפָּזֺון תֵּצֵאוּ וּבִמְנוּסָה
לֹא תֵלֵכוּן כִּי־הֹלֵך לִפְנֵיכֶם
יְהוָה וּמְאַסִּפְכֶם אֱלֹהֵי יִשְׂרָאֵל׃
ס
Jes 52.13
הִנֵּה יַשְׂכִּיל עַבְדִּי יָרוּם וְנִשָּׂא
וְגָבַהּ מְאֹד׃
Jes 52.14
כַּאֲשֶׁר שָׁמְמוּ עָלֶיךָ רַבִּים
כֵּנ־מִשְׁחַת מֵאִישׁ מַרְאֵהוּ וְתֹאֲרוֺ
מִבְּנֵי אָדָם׃
Jes 52.15
כֵּן יַזֶּה גֺּויִם רַבִּים עָלָיו
יִקְפְּצוּ מְלָכִים פִּיהֶם כִּי
אֲשֶׁר לֹא־סֻפַּר לָהֶם רָאוּ וַאֲשֶׁר
לֹא־שָׁמְעוּ הִתְבּוֺנָנוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT