Jes 49

Teljes szövegű keresés

Jes 49
Jes 49.1
שִׁמְעוּ אִיִּים אֵלַי וְהַקְשִׁיבוּ
לְאֻמִּים מֵרָחוֺק יְהוָה מִבֶּטֶן
קְרָאָנִי מִמְּעֵי אִמִּי הִזְכִּיר
שְׁמִי׃
Jes 49.2
וַיָּשֶׂם פִּי כְּחֶרֶב חַדָּה בְּצֵל
יָדוֺ הֶחְבִּיאָנִי וַיְשִׂימֵנִי
לְחֵץ בָּרוּר בְּאַשְׁפָּתוֺ הִסְתִּירָנִי׃
Jes 49.3
וַיֺּאמֶר לִי עַבְדִּי־אָתָּה יִשְׂרָאֵל
אֲשֶׁר־בְּךָ אֶתְפָּאָר׃
Jes 49.4
וַאֲנִי אָמַרְתִּי לְרִיק יָגַעְתִּי
לְתֹהוּ וְהֶבֶל כֹּחִי כִלֵּיתִי
אָכֵן מִשְׁפָּטִי אֶת־יְהוָה וּפְעֻלָּתִי
אֶת־אֱלֹהָי׃
Jes 49.5
וְעַתָּה אָמַר יְהוָה יֺצְרִי מִבֶּטֶן
לְעֶבֶד לוֺ לְשׁוֺבֵב יַעֲקֹב אֵלָיו
וְיִשְׂרָאֵל 1 לֹא 2 לוֺ יֵאָסֵף וְאֶכָּבֵד
בְּעֵינֵי יְהוָה וֵאהַי הָיָה עֻזִּי׃
Jes 49.6
וַיֺּאמֶר נָקֵל מִהְיֺותְךָ לִי עֶבֶד
לְהָקִים אֶת־שִׁבְטֵי יַעֲקֹב 1 וּנְצִירֵי 2 וּנְצוּרֵי
יִשְׂרָאֵל לְהָשִׁיב וּנְתַתִּיךָ לְאוֺר
גֺּויִם לִיֺות יְשׁוּעָתִי עַד־קְצֵה
הָאָרֶץ׃ ס
Jes 49.7
כֹּה אָמַר־יְהוָה גֺּאֵל יִשְׂרָאֵל
קְדוֺשׁוֺ לִבְזֺה־נֶפֶשׁ לִמְתָעֵב
גֺּוי לְעֶבֶד מֹשְׁלִים מְלָכִים
יִרְאוּ וָקָמוּ שָׂרִים וְיִשְׁתַּחֲוּוּ
לְמַעַן יְהוָה אֲשֶׁר נֶאֱמָן קְדֹשׁ
יִשְׂרָאֵל וַיִּבְחָרֶךָּ׃
Jes 49.8
כֹּה אָמַר יְהוָה בְּעֵת רָצוֺן
עֲנִיתִיךָ וּבְיֺום יְשׁוּעָה עֲזַרְתִּיךָ
וְאֶצָּרְךָ וְאֶתֶּנְךָ לִבְרִית עָם
לְהָקִים אֶרֶץ לְהַנְחִיל נְלוֺת
שֹׁמֵמוֺת׃
Jes 49.9
לֵאמֹר לַאֲסוּרִים צֵאוּ לַאֲשֶׁר
בַּחֹשֶׁך הִגָּלוּ עַל־דְּרָכִים יִרְעוּ
וּבְכָל־שְׁפָיִים מַרְעִיתָם׃
Jes 49.10
לֹא יִרְעָבוּ וְלֹא יִצְמָאוּ וְלֹא־יַכֵּם
שָׁרָב וָשָׁמֶשׁ כִּי־מְרַחֲמָם יְנַהֲגֵם
וְעַל־מַבּוּעֵי מַיִם יְנַהֲלֵם׃
Jes 49.11
וְשַׂמְתִּי כָל־הָרַי לַדָּרֶך וּמְסִלֹּתַי
יְרֻמוּן׃
Jes 49.12
הִנֵּה־אֵלֶּה מֵרָחוֺק יָבֹאוּ וְהִנֵּה־אֵלֶּה
מִצָּפוֺן וּמִיָּם וְאֵלֶּה מֵאֶרֶץ
סִינִים׃
Jes 49.13
רָנּוּ שָׁמַיִם וְגִילִי אָרֶץ 1 יִפְצְחוּ 2 וּפִצְחוּ
הָרִים רִנָּה כִּי־נִחַם יְהוָה
עַמּוֺ וַעֲנִיָּו יְרַחֵם׃ ס
Jes 49.14
וַתֹּאמֶר צִיֺּון עֲזָבַנִי יְהוָה
וַאדֹנָי שְׁכֵחָנִי׃
Jes 49.15
הֲתִשְׁכַּח אִשָּׁה עוּלָהּ מֵרַחֵם בֶּנ־בִּטְנָהּ
גַּמ־אֵלֶּה תִשְׁכַּחְנָה וְאָנֺכִי לֹא
אֶשְׁכָּחֵך׃
Jes 49.16
הֵן עַל־כַּפַּיִם חַקֹּתִיך חוֺמֹתַיִך
נֶגְדִּי תָּמִיד׃
Jes 49.17
מִהֲרוּ בָּנָיִך מְהָרְסַיִך וּמַחֲרִבַיִך
מִמֵּך יֵצֵאוּ׃
Jes 49.18
שְׂאִי־סָבִיב עֵינַיִך וּרְאִי כֻּלָּם
נִקְבְּצוּ בָאוּ־לָך חַי־אָנִי
נְאֻמ־יְהוָה כִּי כֻלָּם כָּעֲדִי
תִלְבָּשִׁי וּתְקַשְּׁרִים כַּכַּלָּה
Jes 49.19
כִּי חָרְבֹתַיִך וְשֹׁמְמֹתַיִך וְאֶרֶץ
הֲרִסֻתֵיך כִּי עַתָּה תֵּצְרִי מִיֺּושֵׁב
וְרָחֲקוּ מְבַלְּעָיִך׃
Jes 49.20
עוֺד יֺאמְרוּ בְאָזְנַיִך בְּנֵי
שִׁכֻּלָיִך צַר־לִי הַמָּקוֺם גְּשָׁה־לִּי
וְאֵשֵׁבָה׃
Jes 49.21
וְאָמַרְתְּ בִּלְבָבֵך מִי יָלַד־לִי
אֶת־אֵלֶּה וַאֲנִי שְׁכוּלָה וְגַלְמוּדָה
גֺּלָה וְסוּרָה וְאֵלֶּה מִי גִדֵּל
הֵן אֲנִי נִשְׁאַרְתִּילְבַדִּי אֵלֶּה
אֵיפֹה הֵם׃ ף
Jes 49.22
כֹּה־אָמַר אֲדֹנָי יְהוִה הִנֵּה
אֶשָּׂא אֶל־גֺּויִם יָדִי וְאֶל־עַמִּים
אָרִים נִסִּי וְהֵבִיאוּ בָנַיִך
בְּחֹצֶן וּבְנֺתַיִך עַל־כָּתֵף תִּנָּשֶׂאנָה׃
Jes 49.23
וְהָיוּ מְלָכִים אֹמְנַיִך וְשָׂרוֺתֵיהֶם
מֵינִיקֹתַיִך אַפַּיִם אֶרֶץ יִשְׁתַּחֲווּ
לָך וַעֲפַר רַגְלַיִך יְלַחֵכוּ
וְיָדַעַתְּ כִּי־אֲנִי יְהוָה אֲשֶׁר
לֹא־יֵבֹשׁוּ קֹוָי׃ ס
Jes 49.24
הֲיֻקַּח מִגִּבּוֺר מַלְקוֺחַ וְאִמ־שְׁבִי
צַדִּיק יִמָּלֵט׃
Jes 49.25
כִּי־כֹה אָמַר יְהוָה גַּמ־שְׁבִי
גִבּוֺר יֻקָּח וּמַלְקוֺחַ עָרִיץ
יִמָּלֵט וְאֶת־יְרִיבֵך אָנֺכִי
אָרִיב וְאֶת־בָּנַיִך אָנֺכִי אוֺשִׁיעַ׃
Jes 49.26
וְהַאֲכַלְתִּי אֶת־מוֺנַיִך אֶת־בְּשָׂרָם
וְכֶעָסִיס דָּמָם יִשְׁכָּרוּן וְיָדְעוּ
כָל־בָּשָׂר כִּי אֲנִי יְהוָה מוֺשִׁיעֵך
וְגֺאֲלֵך אֲבִיר יַעֲקֹב׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT