Jes 39

Teljes szövegű keresés

Jes 39
Jes 39.1
בָּעֵת הַהִוא שָׁלַח מְרֹדַך בַּלְאֲדָן
בֶּנ־בַּלְאֲדָן מֶלֶכְ־בָּבֶל סְפָרִים
וּמִנְחָה אֶל־חִזְקִיָּהוּ וַיִּשְׁמַע
כִּי חָלָה וַיֶּחֱזָק׃
Jes 39.2
וַיִּשְׂמַח עֲלֵיהֶם חִזְקִיָּהוּ וַיַּרְאֵם
אֶת־בֵּית 1 נְכֹתָה 2 נְכֹתוֺ אֶת־הַכֶּסֶף
וְאֶת־הַזָּהָב וְאֶת־הַבְּשָׂמִים וְאֵת
הַשֶּׁמֶן הַטּוֺב וְאֵת כָּל־בֵּית
כֵּלָיו וְאֵת כָּל־אֲשֶׁר נִמְצָא
בְּאֹצְרֹתָיו לֹא־הָיָה דָבָר אֲשֶׁר
לֹא־הֶרְאָם חִזְקִיָּהוּ בְּבֵיתוֺ
וּבְכָל־מֶמְשַׁלְתּוֺ׃
Jes 39.3
וַיָּבֹא יְשַׁעְיָהוּ הַנָּבִיא אֶל־הַמֶּלֶך
חִזְקִיָּהוּ וַיֺּאמֶר אֵלָיו מָה
אָמְרוּ הָאֲנָשִׁים הָאֵלֶּה וּמֵאַיִן
יָבֹאוּ אֵלֶיךָ וַיֺּאםֶ חִזְקִיָּהוּ
מֵאֶרֶץ רְחוֺקָה בָּאוּ אֵלַי מִבָּבֶל׃
Jes 39.4
וַיֺּאמֶר מָה רָאוּ בְּבֵיתֶךָ וַיֺּאמֶר
חִזְקִיָּהוּ אֵת כָּל־אֲשֶׁר בְּבֵיתִי
רָאוּ לֹא־הָיָה דָבָר אֲשֶׁר לֹא־הִרְאִיתִים
בְּאוֺצְרֹתָי׃
Jes 39.5
וַיֺּאמֶר יְשַׁעְיָהוּ אֶל־חִזְקִיָּהוּ
שְׁמַע דְּבַר־יְהוָה צְבָאוֺת׃
Jes 39.6
הִנֵּה יָמִים בָּאִים וְנִשָּׂא כָּל־אֲשֶׁר
בְּבֵיתֶךָ וַאֲשֶׁר אָצְרוּ אֲבֹתֶיךָ
עַד־הַיֺּום הַזֶּה בָּבֶל לֹא־יִוָּתֵר
דָּבָר אָמַר יְהוָה׃
Jes 39.7
וּמִבָּנֶיךָ אֲשֶׁר יֵצְאוּ מִמְּךָ אֲשֶׁר
תּוֺלִיד יִקָּחוּ וְהָיוּ סָרִיסִים
בְּהֵיכַל מֶלֶך בָּבֶל׃
Jes 39.8
וַיֺּאמֶר חִזְקִיָּהוּ אֶל־יְשַׁעְיָהוּ
טוֺב דְּבַר־יְהוָה אֲשֶׁר דִּבַּרְתָּ
וַיֺּאמֶר כִּי יִהְיֶה שָׁלוֺם וֶאֱמֶת
בְּיָמָי׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT