Jes 27

Teljes szövegű keresés

Jes 27
Jes 27.1
בַּיֺּום הַהוּא יִפְקֹד יְהוָה בְּחַרְבוֺ
הַקָּשָׁה וְהַגְּדוֺלָה וְהַחֲזָקָה
עַל לִוְיָתָן נָחָשׁ בָּרִחַ וְעַל
לִוְיָתָן נָחָשׁ עֲקַלָּתוֺן וְהָרַג
אֶת־הַתַּנִּין אֲשֶׁר בַּיָּם׃ ס
Jes 27.2
בַּיֺּום הַהוּא כֶּרֶם חֶמֶד עַנּוּ־לָהּ׃
Jes 27.3
אֲנִי יְהוָה נֺצְרָהּ לִרְגָעִים
אַשְׁקֶנָּה פֶּן יִפְקֹד עָלֶיהָ לַיְלָה
וָיֺום אֶצֳּרֶנָּה׃
Jes 27.4
חֵמָה אֵין לִי מִי־יִתְּנֵנִי שָׁמִיר
שַׁיִת בַּמִּלְחָמָה אֶפְשְׂעָה בָהּ
אֲצִיתֶנָּה יָּחַד׃
Jes 27.5
אוֺ יַחֲזֵק בְּמָעוּזִּי יַעֲשֶׂה
שָׁלוֺם לִי שָׁלוֺם יַעֲשֶׂה־לִּי׃
Jes 27.6
הַבָּאִים יַשְׁרֵשׁ יַעֲקֹב יָצִיץ
וּפָרַח יִשְׂרָאֵל וּמָלְאוּ פְנֵי־תֵבֵל
תְּנוּבָה׃ ס
Jes 27.7
הַכְּמַכַּת מַכֵּהוּ הִכָּהוּ אִמ־כְּהֶרֶג
הֲרֻגָיו הֹרָג׃
Jes 27.8
בְּסַאסְּאָה בְּשַׁלְחָהּ תְּרִיבֶנָּה הָגָה
בְּרוּחוֺ הַקָּשָׁה בְּיֺום קָדִים׃
Jes 27.9
לָכֵן בְּזֺאת יְכֻפַּר עֲוֺנ־יַעֲקֹב
וְזֶה כָּל־פְּרִי הָסִר חַטָּאתוֺ
בְּשׂוּמוֺ כָּל־אַבְנֵי מִזְבֵּחַ כְּאַבְנֵי־גִר
מְנֻפָּצוֺת לֹא־יָקֻם אֲשֵׁרִים
וְחַמָּנִים׃
Jes 27.10
כִּי עִיר בְּצוּרָה בָּדָד נָוֶה
מְשֻׁלָּח וְנֶעֱזָב כַּמִּדְבָּר שָׁם
יִרְעֶה עֵגֶל וְשָׁם יִרְבָּץ וְכִלָּה
סְעִפֶיהָ׃
Jes 27.11
בִּיבֹשׁ קְצִירָהּ תִּשָּׁבַרְנָה נָשִׁים
בָּאוֺת מְאִירוֺת אוֺתָהּ כִּי
לֹא עַמ־בִּינֺות הוּא עַל־כֵּן
לֹא־יְרַחֲמֶנּוּ עֹשֵׂהוּ וְיֺצְרוֺ
לֹא יְחֻנֶּנּוּ׃ ס
Jes 27.12
וְהָיָה בַּיֺּום הַהוּא יַחְבֹּט
יְהוָה מִשִּׁבֹּלֶת הַנָּהָר עַד־נַחַל
מִצְרָיִם וְאַתֶּם תְּלֻקְּטוּ לְאַחַד
אֶחָד בְּנֵי יִשְׂרָאֵל׃ ס
Jes 27.13
וְהָיָה בַּיֺּום הַהוּא יִתָּקַע בְּשׁוֺפָר
גָּדוֺל וּבָאוּ הָאֹבְדִים בְּאֶרֶץ
אַשּׁוּר וְהַנִּדָּחִים בְּאֶרֶץ מִצְרָיִם
וְהִשְׁתַּחֲווּ לַיהוָ בְּהַר הַקֹּדֶשׁ
בִּירוּשָׁלִָם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT