Jes 17

Teljes szövegű keresés

Jes 17
Jes 17.1
מַשָּׂא דַּמָּשֶׂק הִנֵּה דַמֶּשֶׂק מוּסָר
מֵעִיר וְהָיְתָה מְעִי מַפָּלָה׃
Jes 17.2
עֲזֻבוֺת עָרֵי עֲרֹעֵר לַעֲדָרִים
תִּהְיֶינָה וְרָבְצוּ וְאֵין מַחֲרִיד׃
Jes 17.3
וְנִשְׁבַּת מִבְצָר מֵאֶפְרַיִם וּמַמְלָכָה
מִדַּמֶּשֶׂק וּשְׁאָר אֲרָם כִּכְבוֺד
בְּנֵי־יִשְׂרָאֵל יִהְיוּ נְאֻם יְהוָה
צְבָאוֺת׃ ס
Jes 17.4
וְהָיָה בַּיֺּום הַהוּא יִדַּל כְּבוֺד
יַעֲקֹב וּמִשְׁמַן בְּשָׂרוֺ יֵרָזֶה׃
Jes 17.5
וְהָיָה כֶּאֱסֹף קָצִיר קָמָה וּזְרֹעוֺ
שִׁבֳּלִים יִקְצוֺר וְהָיָה כִּמְלַקֵּט
שִׁבֳּלִים בְּעֵמֶק רְפָאִים׃
Jes 17.6
וְנִשְׁאַר־בּוֺ עוֺלֵלֹת כְּנֺקֶף זַיִת
שְׁנַיִם שְׁלֹשָׁה גַּרְגְּרִים בְּרֹאשׁ
אָמִיר אַרְבָּעָה חֲמִשָּׁה בִּסְעִפֶיהָ
פֹּרִיָּה נְאֻמ־יְהוָה לֹהֵי יִשְׂרָאֵל׃
ס
Jes 17.7
בַּיֺּום הַהוּא יִשְׁעֶה הָאָדָם עַל־עֹשֵׂהוּ
וְעֵינָיו אֶל־קְדוֺשׁ יִשְׂרָאֵל
תִּרְאֶינָה׃
Jes 17.8
וְלֹא יִשְׁעֶה אֶל־הַמִּזְבְּחוֺת מַעֲשֵׂה
יָדָיו וַאֲשֶׁר עָשׂוּ אֶצְבְּעֹתָיו
לֹא יִרְאֶה וְהָאֲשֵׁרִים וְהָחַמָּנִים׃
Jes 17.9
בַּיֺּום הַהוּא יִהְיוּ עָרֵי מָעֻזֺּו
כַּעֲזוּבַת הַחֹרֶשׁ וְהָאָמִיר אֲשֶׁר
עָזְבוּ מִפְּנֵי בְּנֵי יִשְׂרָאֵל וְהָיְתָה
שְׁמָמָה׃
Jes 17.10
כִּי שָׁכַחַתְּ אֱלֹהֵי יִשְׁעֵך וְצוּר
מָעֻזֵּך לֹא זָכָרְתְּ עַל־כֵּן תִּטְּעִי
נִטְעֵי נַעֲמָנִים וּזְמֹרַת זָר
תִּזְרָעֶנּוּ׃
Jes 17.11
בְּיֺום נִטְעֵך תְּשַׂגְשֵׂגִי וּבַבֹּקֶר
זַרְעֵך תַּפְרִיחִי נֵד קָצִיר
בְּיֺום נַחֲלָה וּכְאֵב אָנוּשׁ׃
ס
Jes 17.12
הוֺי הֲמוֺן עַמִּים רַבִּים כַּהֲמוֺת
יַמִּים יֶהֱמָיוּן וּשְׁאוֺן לְאֻמִּים
כִּשְׁאוֺן מַיִם כַּבִּירִים יִשָּׁאוּן׃
Jes 17.13
לְאֻמִּים כִּשְׁאוֺן מַיִם רַבִּים
יִשָּׁאוּן וְגָעַר בּוֺ וְנָס מִמֶּרְחָק
וְרֻדַּף כְּמֹץ הָרִים לִפְנֵי־רוּחַ
וּכְגַלְגַּל לִפְנֵי סוּפָה׃
Jes 17.14
לְעֵת עֶרֶב וְהִנֵּה בַלָּהָה בְּטֶרֶם
בֹּקֶר אֵינֶנּוּ זֶה חֵלֶק שׁוֺסֵינוּ
וְגֺורָל לְבֹזְזֵינוּ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT