Jer 31

Teljes szövegű keresés

Jer 31
Jer 31.1
בָּעֵת הַהִיא נְאֻמ־יְהוָה אֶהְיֶה
לֵאלֹהִים לְכֹל מִשְׁפְּחוֺת יִשְׂרָאֵל
וְהֵמָּה יִהְיוּ־לִי לְעָם׃ ס
Jer 31.2
כֹּה אָמַר יְהוָה מָצָא חֵן
בַּמִּדְבָּר עַם שְׂרִידֵי חָרֶב הָלוֺך
לְהַרְגִּיעוֺ יִשְׂרָאֵל׃
Jer 31.3
מֵרָחוֺק יְהוָה נִרְאָה לִי וְאַהֲבַת
עוֺלָם אֲהַבְתִּיך עַל־כֵּן מְשַׁכְתִּיך
חָסֶד׃
Jer 31.4
עוֺד אֶבְנֵך וְנִבְנֵית בְּתוּלַת
יִשְׂרָאֵל עוֺד תַּעְדִּי תֻפַּיִך
וְיָצָאת בִּמְחוֺל מְשַׂחֲקִים׃
Jer 31.5
עוֺד תִּטְּעִי כְרָמִים בְּהָרֵי
שֹׁמְרוֺן נָטְעוּ נֺטְעִים וְחִלֵּלוּ׃
Jer 31.6
כִּי יֶשׁ־יֺום קָרְאוּ נֺצְרִים
בְּהַר אֶפְרָיִם קוּמוּ וְנַעֲלֶה
צִיֺּון אֶל־יְהוָה אֱלֹהֵינוּ׃
ף
Jer 31.7
כִּי־כֹה אָמַר יְהוָה רָנּוּ לְיַעֲקֹב
שִׂמְחָה וְצַהֲלוּ בְּרֹאשׁ הַגֺּויִם
הַשְׁמִיעוּ הַלְלוּ וְאִמְרוּ הוֺשַׁע
יְהוָה אֶת־עַמְּךָ אֵת אֵרִית
יִשְׂרָאֵל׃
Jer 31.8
הִנְנִי מֵבִיא אוֺתָם מֵאֶרֶץ צָפוֺן
וְקִבַּצְתִּים מִיַּרְכְּתֵי־אָרֶץ בָּם
עִוֵּר וּפִסֵּחַ הָרָה וְיֺלֶדֶת יַחְדָּו
קָהָל גָּדוֺל יָשׁוּבוּ הֵנָּה׃
Jer 31.9
בִּבְכִי יָבֹאוּ וּבְתַחֲנוּנִים אוֺבִילֵם
אוֺלִיכֵם אֶל־נַחֲלֵי מַיִם בְּדֶרֶך
יָשָׁר לֹא יִכָּשְׁלוּ בָּהּ כִּי־הָיִיתִי
לְיִשְׂרָאֵל לְב וְאֶפְרַיִם בְּכֹרִי
הוּא׃ ס
Jer 31.10
שִׁמְעוּ דְבַר־יְהוָה גֺּויִם וְהַגִּידוּ
בָאִיִּים מִמֶּרְחָק וְאִמְרוּ מְזָרֵה
יִשְׂרָאֵל יְקַבְּצֶנּוּ וּשְׁמָרוֺ כְּרֹעֶה
עֶדְרוֺ׃
Jer 31.11
כִּי־פָדָה יְהוָה אֶת־יַעֲקֹב וּגְאָלוֺ
מִיַּד חָזָק מִמֶּנּוּ׃
Jer 31.12
וּבָאוּ וְרִנְּנוּ בִמְרוֺמ־צִיֺּון
וְנָהֲרוּ אֶל־טוּב יְהוָה עַל־דָּגָן
וְעַל־תִּירֹשׁ וְעַל־יִצְהָר וְעַל־בְּנֵי־צֹאן
וּבָקָר וְהָיְתָה נַפְשָׁם כְּגַן
רָוֶה וְלֹא־יֺוסִיפוּ לְדַאֲבָה
עוֺד׃
Jer 31.13
אָז תִּשְׂמַח בְּתוּלָה בְּמָחוֺל וּבַחֻרִים
וּזְקֵנִים יַחְדָּו וְהָפַכְתִּי אֶבְלָם
לְשָׂשׂוֺן וְנִחַמְתִּים וְשִׂמַּחְתִּים
מִיגֺונָם׃
Jer 31.14
וְרִוֵּיתִי נֶפֶשׁ הַכֹּהֲנִים דָּשֶׁן
וְעַמִּי אֶת־טוּבִי יִשְׂבָּעוּ נְאֻמ־יְהוָה׃
ס
Jer 31.15
כֹּה אָמַר יְהוָה קוֺל בְּרָמָה
נִשְׁמָע נְהִי בְּכִי תַמְרוּרִים
רָחֵל מְבַכָּה עַל־בָּנֶיהָ מֵאֲנָה
לְהִנָּחֵם עַל־בָּנֶיהָ כִּי אֵינֶנּוּ
ס
Jer 31.16
כֹּה אָמַר יְהוָה מִנְעִי קוֺלֵך
מִבֶּכִי וְעֵינַיִך מִדִּמְעָה כִּי
יֵשׁ שָׂכָר לִפְעֻלָּתֵך נְאֻמ־יְהוָה
וְשָׁבוּ מֵאֶרֶץ אוֺיֵב׃
Jer 31.17
וְיֵשׁ־תִּקְוָה לְאַחֲרִיתֵך נְאֻמ־יְהוָה
וְשָׁבוּ בָנִים לִגְבוּלָם׃ ס
Jer 31.18
שָׁמוֺעַ שָׁמַעְתִּי אֶפְרַיִם מִתְנֺודֵד
יִסַּרְתַּנִי וָאִוָּסֵר כְּעֵגֶל לֹא
לֻמָּד הֲשִׁיבֵנִי וְאָשׁוּבָה כִּי
אַתָּה יְהוָה אֱלֹהָי׃
Jer 31.19
כִּי־אַחֲרֵי שׁוּבִי נִחַמְתִּי וְאַחֲרֵי
הִוָּדְעִי סָפַקְתִּי עַל־יָרֵך בֹּשְׁתִּי
וְגַמ־נִכְלַמְתִּי כִּי נָשָׂאתִי חֶרְפַּת
נְעוּרָי׃
Jer 31.20
הֲבֵן יַקִּיר לִי אֶפְרַיִם אִם
יֶלֶד שַׁעֲשֻׁעִים כִּי־מִדֵּי דַבְּרִי
בּוֺ זָכֹר אֶזְכְּרֶנּוּ עוֺד עַל־כֵּן
הָמוּ מֵעַי לוֺ רַחֵם אֲחֲמֶנּוּ
נְאֻמ־יְהוָה׃ ס
Jer 31.21
הַצִּיבִי לָך צִיֻּנִים שִׂמִי לָך
תַּמְרוּרִים שִׁתִי לִבֵּך לַמְסִלָּה
דֶּרֶך 1 הָלָכְתִּי 2 הָלָכְתְּ שׁוּבִי
בְּתוּלַת יִשְׂרָאֵל שֻׁבִי אֶל־עָרַיִך
אֵלֶּה׃
Jer 31.22
עַד־מָתַי תִּתְחַמָּקִין הַבַּת הַשּׁוֺבֵבָה
כִּי־בָרָא יְהוָה חֲדָשָׁה בָּאָרֶץ
נְקֵבָה תְּסוֺבֵב גָּבֶר׃ ס
Jer 31.23
כֹּה־אָמַר יְהוָה צְבָאוֺת אֱלֹהֵי
יִשְׂרָאֵל עוֺד יֺאמְרוּ אֶת־הַדָּבָר
הַזֶּה בְּאֶרֶץ יְהוּדָה וּבְעָרָיו
בְּשׁוּבִי אֶת־שְׁבוּתָם יְבָרֶכְךָ
יְהוָה נְוֵה־צֶדֶק הַר הַקֹּדֶשׁ׃
Jer 31.24
וְיָשְׁבוּ בָהּ יְהוּדָה וְכָל־עָרָיו
יַחְדָּו אִכָּרִים וְנָסְעוּ בַּעֵדֶר׃
Jer 31.25
כִּי הִרְוֵיתִי נֶפֶשׁ עֲיֵפָה וְכָל־נֶפֶשׁ
דָּאֲבָה מִלֵּאתִי׃
Jer 31.26
עַל־זֺאת הֱקִיצֹתִי וָאֶרְאֶה וּשְׁנָתִי
עָרְבָה לִּי׃ ס
Jer 31.27
הִנֵּה יָמִים בָּאִים נְאֻמ־יְהוָה
וְזָרַעְתִּי אֶת־בֵּית יִשְׂרָאֵל וְאֶת־בֵּית
יְהוּדָה זֶרַע אָדָם וְזֶרַע בְּהֵמָה׃
Jer 31.28
וְהָיָה כַּאֲשֶׁר שָׁקַדְתִּי עֲלֵיהֶם
לִנְתוֺשׁ וְלִנְתוֺץ וְלַהֲרֹס וּלְהַאֲבִיד
וּלְהָרֵעַ כֵּן אֶשְׁקֹד עֲלֵיהֶם לִבְנֺות
וְלִנְטוֺעַ נְאֻמ־יְהוָה׃
Jer 31.29
בַּיָּמִים הָהֵם לֹא־יֺאמְרוּ עוֺד
אָבוֺת אָכְלוּ בֹסֶר וְשִׁנֵּי בָנִים
תִּקְהֶינָה׃
Jer 31.30
כִּי אִמ־אִישׁ בַּעֲוֺנֺו יָמוּת
כָּל־הָאָדָם הָאֹכֵל הַבֹּסֶר תִּקְהֶינָה
שִׁנָּיו׃ ס
Jer 31.31
הִנֵּה יָמִים בָּאִים נְאֻמ־יְהוָה
וְכָרַתִּי אֶת־בֵּית יִשְׂרָאֵל וְאֶת־בֵּית
יְהוּדָה בְּרִית חֲדָשָׁה׃
Jer 31.32
לֹא כַבְּרִית אֲשֶׁר כָּרַתִּי אֶת־אֲבוֺתָם
בְּיֺום הֶחֱזִיקִי בְיָדָם לְהוֺצִיאָם
מֵאֶרֶץ מִצְרָיִם אֲשֶׁר־הֵמָּה הֵפֵרוּ
אֶת־בְּרִיתִי וְאָנֺכִי בָּעַלְתִּי
בָם נְאֻמ־יְהוָה׃
Jer 31.33
כִּי זֺאת הַבְּרִית אֲשֶׁר אֶכְרֹת
אֶת־בֵּית יִשְׂרָאֵל אַחֲרֵי הַיָּמִים
הָהֵם נְאֻמ־יְהוָה נָתַתִּי אֶת־תּוֺרָתִי
בְּקִרְבָּם וְעַל־לִבָּם אֶכְתֲּבֶנָּה
וְהָיִיתִי לָהֶם לֵאלֹהִים וְהֵמָּה
יִהְיוּ־לִי לְעָם׃
Jer 31.34
וְלֹא יְלַמְּדוּ עוֺד אִישׁ אֶת־רֵעֵהוּ
וְאִישׁ אֶת־אָחִיו לֵאמֹר דְּעוּ
אֶת־יְהוָה כִּי־כוּלָּם יֵדְעוּ
אוֺתִי לְמִקְטַנָּם וְעַד־גְּדוֺלָם
נְאֻמ־הוָה כִּי אֶסְלַח לַעֲוֺנָם
וּלְחַטָּאתָם לֹא אֶזְכָּר־עוֺד׃
ס
Jer 31.35
כֹּה אָמַר יְהוָה נֺתֵן שֶׁמֶשׁ לְאוֺר
יֺומָם חֻקֹּת יָרֵחַ וְכוֺכָבִים
לְאוֺר לָיְלָה רֹגַע הַיָּם וַיֶּהֱמוּ
גַלָּיו יְהוָה צְבָאוֺת שְׁמוֺ׃
Jer 31.36
אִמ־יָמֻשׁוּ הַחֻקִּים הָאֵלֶּה מִלְּפָנַי
נְאֻמ־יְהוָה גַּם זֶרַע יִשְׂרָאֵל
יִשְׁבְּתוּ מִהְיֺות גֺּוי לְפָנַי
כָּל־הַיָּמִים׃ ס
Jer 31.37
כֹּה אָמַר יְהוָה אִמ־יִמַּדּוּ
שָׁמַיִם מִלְמַעְלָה וְיֵחָקְרוּ מוֺסְדֵי־אֶרֶץ
לְמָטָּה גַּמ־אֲנִי אֶמְאַס בְּכָל־זֶרַע
יִשְׂרָאֵל עַל־כָּל־אֲשֶׁר עָשׂוּ נְאֻמ־יְהוָה׃
ס
Jer 31.38
הִנֵּה יָמִים 1 זז 2 בָּאִים נְאֻמ־יְהוָה
וְנִבְנְתָה הָעִיר לַיהוָה מִמִּגְדַּל
חֲנַנְאֵל שַׁעַר הַפִּנָּה׃
Jer 31.39
וְיָצָא עוֺד 1 קְוֵה 2 קָו הַמִּדָּה
נֶגְדּוֺ עַל גִּבְעַת גָּרֵב וְנָסַב
גֺּעָתָה׃
Jer 31.40
וְכָל־הָעֵמֶק הַפְּגָרִים וְהַדֶּשֶׁן
וְכָל־הַשְּׁרֵמוֺת 2 הַשְּׁדֵמוֺת עַד־נַחַל
קִדְרוֺן עַד־פִּנַּת שַׁעַר הַסּוּסִים
מִזְרָחָה קֹדֶשׁ לַיהוָה לֹא־יִנָּתֵשׁ
וְלֹא־יֵהָרֵס עוֺד לְעוֺלָם׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT