Jer 25

Teljes szövegű keresés

Jer 25
Jer 25.1
הַדָּבָר אֲשֶׁר־הָיָה עַל־יִרְמְיָהוּ
עַל־כָּל־עַם יְהוּדָה בַּשָּׁנָה
הָרְבִעִית לִיהוֺיָקִים בֶּנ־יֺאשִׁיָּהוּ
מֶלֶך יְהוּדָה הִיא הַשָּׁנָה הָאשֹׁנִית
לִנְבוּכַדְרֶאצַּר מֶלֶך בָּבֶל׃
Jer 25.2
אֲשֶׁר דִּבֶּר יִרְמְיָהוּ הַנָּבִיא
עַל־כָּל־עַם יְהוּדָה וְאֶל כָּל־יֺשְׁבֵי
יְרוּשָׁלִַם לֵאמֹר׃
Jer 25.3
מִנ־שְׁלֹשׁ עֶשְׂרֵה שָׁנָה לְיֺאשִׁיָּהוּ
בֶנ־אָמוֺן מֶלֶך יְהוּדָה וְעַד
הַיֺּום הַזֶּה זֶה שָׁלֹשׁ וְעֶשְׂרִים
שָׁנָה הָיָה דְבַר־יְהוָה אֵלָי
וָאֲדַבֵּר אֲלֵיכֶם אַשְׁכֵּים וְדַבֵּר
וְלֹא שְׁמַעְתֶּם׃
Jer 25.4
וְשָׁלַח יְהוָה אֲלֵיכֶם אֶת־כָּל־עֲבָדָיו
הַנְּבִאִים הַשְׁכֵּם וְשָׁלֹחַ וְלֹא
שְׁמַעְתֶּם וְלֹא־הִטִּיתֶם אֶת־אָזְנְכֶם
לִשְׁמֹעַ׃
Jer 25.5
לֵאמֹר שׁוּבוּ־נָא אִישׁ מִדַּרְכּוֺ
הָרָעָה וּמֵרֹעַ מַעַלְלֵיכֶם וּשְׁבוּ
עַל־הָאֲדָמָה אֲשֶׁר נָתַן יְהוָה
לָכֶם וְלַאֲבוֺתֵיכֶם לְמִנ־עוֺלָם
וְעַד־עוֺלָם׃
Jer 25.6
וְאַל־תֵּלְכוּ אַחֲרֵי אֱלֹהִים
אֲחֵרִים לְעָבְדָם וּלְהִשְׁתַּחֲוֺת
לָהֶם וְלֹא־תַכְעִיסוּ אוֺתִי
בְּמַעֲשֵׂה יְדֵיכֶם וְלֹא אָרַע לָכֶם׃
Jer 25.7
וְלֹא־שְׁמַעְתֶּם אֵלַי נְאֻמ־יְהוָה
לְמַעַן 1 הִכְעִסוּנִי 2 הַכְעִיסֵנִי
בְּמַעֲשֵׂה יְדֵיכֶם לְרַע לָכֶם׃
ס
Jer 25.8
לָכֵן כֹּה אָמַר יְהוָה צְבָאוֺת
יַעַן אֲשֶׁר לֹא־שְׁמַעְתֶּם אֶת־דְּבָרָי׃
Jer 25.9
הִנְנִי שֹׁלֵחַ וְלָקַחְתִּי אֶת־כָּל־מִשְׁפְּחוֺת
צָפוֺן נְאֻמ־יְהוָה וְאֶל־נְבוּכַדְרֶאצַּר
מֶלֶכְ־בָּבֶל עַבְדִּי וַהֲבִאֹתִים
עַל־הָאָרֶץ הַזֺּא וְעַל־יֺשְׁבֶיהָ
וְעַל כָּל־הַגֺּויִם הָאֵלֶּה סָבִיב
וְהַחֲרַמְתִּים וְשַׂמְתִּים לְשַׁמָּה
וְלִשְׁרֵקָה וּלְחָרְבוֺת עוֺלָם׃
Jer 25.10
וְהַאֲבַדְתִּי מֵהֶם קוֺל שָׂשׂוֺן
וְקוֺל שִׂמְחָה קוֺל חָתָן וְקוֺל
כַּלָּה קוֺל רֵחַיִם וְאוֺר נֵר׃
Jer 25.11
וְהָיְתָה כָּל־הָאָרֶץ הַזֺּאת לְחָרְבָּה
לְשַׁמָּה וְעָבְדוּ הַגֺּויִם הָאֵלֶּה
אֶת־מֶלֶך בָּבֶל שִׁבְעִים שָׁנָה׃
Jer 25.12
וְהָיָה כִמְלֹאות שִׁבְעִים שָׁנָה
אֶפְקֹד עַל־מֶלֶכְ־בָּבֶל וְעַל־הַגֺּוי
הַהוּא נְאֻמ־יְהוָה אֶת־עֲוֺנָם
וְעַל־אֶרֶץ כַּשְׂדִּים וְשַׂמְתִּי אֹתוֺ
לְשִׁמְמוֺת עוֺלָם׃
Jer 25.13
וְהֵבֵאיתִי 2 וְהֵבֵאתִי עַל־הָאָרֶץ
הַהִיא אֶת־כָּל־דְּבָרַי אֲשֶׁר־דִּבַּרְתִּי
עָלֶיהָ אֵת כָּל־הַכָּתוּב בַּסֵּפֶר
הַזֶּה אֲשֶׁר־נִבָּא יִרְמְיָהוּעַל־כָּל־הַגֺּויִם׃
Jer 25.14
כִּי עָבְדוּ־בָם גַּמ־הֵמָּה גֺּויִם
רַבִּים וּמְלָכִים גְּדוֺלִים וְשִׁלַּמְתִּי
לָהֶם כְּפָעֳלָם וּכְמַעֲשֵׂה יְדֵיהֶם׃
ס
Jer 25.15
כִּי כֹה אָמַר יְהוָה אֱלֹהֵי יִשְׂרָאֵל
אֵלַי קַח אֶת־כּוֺס הַיַּיִן הַחֵמָה
הַזֺּאת מִיָּדִי וְהִשְׁקִיתָה אֹתוֺ
אֶת־כָּל־הַגֺּויִם אֲשֶׁר אָנֺכִי
שֹׁלֵחַ אוֺתְךָ אֲלֵיהֶם׃
Jer 25.16
וְשָׁתוּ וְהִתְגֺּעֲשׁוּ וְהִתְהֹלָלוּ
מִפְּנֵי הַחֶרֶב אֲשֶׁר אָנֺכִי שֹׁלֵחַ
בֵּינֺתָם׃
Jer 25.17
וָאֶקַּח אֶת־הַכּוֺס מִיַּד יְהוָה
וָאַשְׁקֶה אֶת־כָּל־הַגֺּויִם אֲשֶׁר־שְׁלָחַנִי
יְהוָה אֲלֵיהֶם׃
Jer 25.18
אֶת־יְרוּשָׁלִַם וְאֶת־עָרֵי יְהוּדָה
וְאֶת־מְלָכֶיהָ אֶת־שָׂרֶיהָ לָתֵת
אֹתָם לְחָרְבָּה לְשַׁמָּה לִשְׁרֵקָה
וְלִקְלָלָה כַּיֺּום הַזֶּה׃
Jer 25.19
אֶת־פַּרְעֹה מֶלֶכְ־מִצְרַיִם וְאֶת־עֲבָדָיו
וְאֶת־שָׂרָיו וְאֶת־כָּל־עַמּוֺ׃
Jer 25.20
וְאֵת כָּל־הָעֶרֶב וְאֵת כָּל־מַלְכֵי
אֶרֶץ הָעוּץ וְאֵת כָּל־מַלְכֵי
אֶרֶץ פְּלִשְׁתִּים וְאֶת־אַשְׁקְלוֺן
וְאֶת־עַזָּה וְאֶת־עֶקְרוֺן וְאֵת
שְׁאֵרִי אַשְׁדּוֺד׃
Jer 25.21
אֶת־אֱדוֺם וְאֶת־מוֺאָב וְאֶת־בְּנֵי
עַמּוֺן׃
Jer 25.22
וְאֵת כָּל־מַלְכֵי־צֹר וְאֵת כָּל־מַלְכֵי
צִידוֺן וְאֵת מַלְכֵי הָאִי אֲשֶׁר
בְּעֵבֶר הַיָּם׃
Jer 25.23
וְאֶת־דְּדָן וְאֶת־תֵּימָא וְאֶת־בּוּז
וְאֵת כָּל־קְצוּצֵי פֵאָה׃
Jer 25.24
וְאֵת כָּל־מַלְכֵי עֲרָב וְאֵת כָּל־מַלְכֵי
הָעֶרֶב הַשֹּׁכְנִים בַּמִּדְבָּר׃
Jer 25.25
וְאֵת כָּל־מַלְכֵי זִמְרִי וְאֵת
כָּל־מַלְכֵי עֵילָם וְאֵת כָּל־מַלְכֵי
מָדָי׃
Jer 25.26
וְאֵת כָּל־מַלְכֵי הַצָּפוֺן הַקְּרֹבִים
וְהָרְחֹקִים אִישׁ אֶל־אָחִיו
וְאֵת כָּל־הַמַּמְלְכוֺת הָאָרֶץ אֲשֶׁר
עַל־פְּנֵי הָאֲדָמָה וּמֶלֶך שֵׁך
יִשְׁתֶּה אַחֲרֵיהֶם׃
Jer 25.27
וְאָמַרְתָּ אֲלֵיהֶם ס כֹּה־אָמַר
יְהוָה צְבָאוֺת אֱלֹהֵי יִשְׂרָאֵל
שְׁתוּ וְשִׁכְרוּ וּקְיוּ וְנִפְלוּ
וְלֹא תָקוּמוּ מִפְּנֵי הַחֶרֶב אֲשֶׁר
נֺכִי שֹׁלֵחַ בֵּינֵיכֶם׃
Jer 25.28
וְהָיָה כִּי יְמָאֲנוּ לָקַחַת־הַכּוֺס
מִיָּדְךָ לִשְׁתּוֺת וְאָמַרְתָּ אֲלֵיהֶם
כֹּה אָמַר יְהוָה צְבָאוֺת שָׁתוֺ
תִשְׁתּוּ׃
Jer 25.29
כִּי הִנֵּה בָעִיר אֲשֶׁר נִקְרָא־שְׁמִי
עָלֶיהָ אָנֺכִי מֵחֵל לְהָרַע וְאַתֶּם
הִנָּקֵה תִנָּקוּ לֹא תִנָּקוּ כִּי
חֶרֶב אֲנִי קֹרֵא עַלכָּל־יֺשְׁבֵי
הָאָרֶץ נְאֻם יְהוָה צְבָאוֺת׃
Jer 25.30
וְאַתָּה תִּנָּבֵא אֲלֵיהֶם אֵת כָּל־הַדְּבָרִים
הָאֵלֶּה וְאָמַרְתָּ אֲלֵיהֶם יְהוָה
מִמָּרוֺם יִשְׁאָג וּמִמְּעוֺן קָדְשׁוֺ
יִתֵּן קוֺלוֺ שָׁאֹ יִשְׁאַג עַל־נָוֵהוּ
הֵידָד כְּדֹרְכִים יַעֲנֶה אֶל
כָּל־יֺשְׁבֵי הָאָרֶץ׃
Jer 25.31
בָּא שָׁאוֺן עַד־קְצֵה הָאָרֶץ
כִּי רִיב לַיהוָה בַּגֺּויִם נִשְׁפָּט
הוּא לְכָל־בָּשָׂר הָרְשָׁעִים נְתָנָם
לַחֶרֶב נְאֻמ־יְהוָה׃ ס
Jer 25.32
כֹּה אָמַר יְהוָה צְבָאוֺת הִנֵּה
רָעָה יֺצֵאת מִגֺּוי אֶל־גֺּוי
וְסַעַר גָּדוֺל יֵעוֺר מִיַּרְכְּתֵי־אָרֶץ׃
Jer 25.33
וְהָיוּ חַלְלֵי יְהוָה בַּיֺּום הַהוּא
מִקְצֵה הָאָרֶץ וְעַד־קְצֵה הָאָרֶץ
לֹא יִסָּפְדוּ וְלֹא יֵאָסְפוּ וְלֹא
יִקָּבֵרוּ לְדֹמֶן עַל־פְּןֵ הָאֲדָמָה
יִהְיוּ׃
Jer 25.34
הֵילִילוּ הָרֹעִים וְזַעֲקוּ וְהִתְפַּלְּשׁוּ
אַדִּירֵי הַצֹּאן כִּי־מָלְאוּ יְמֵיכֶם
לִטְבוֺחַ וּתְפוֺצוֺתִיכֶם וּנְפַלְתֶּם
כִּכְלִי חֶמְדָּה׃
Jer 25.35
וְאָבַד מָנֺוס מִנ־הָרֹעִים וּפְלֵיטָה
מֵאַדִּירֵי הַצֹּאן׃
Jer 25.36
קוֺל צַעֲקַת הָרֹעִים וִילְלַת
אַדִּירֵי הַצֹּאן כִּי־שֹׁדֵד יְהוָה
אֶת־מַרְעִיתָם׃
Jer 25.37
וְנָדַמּוּ נְאוֺת הַשָּׁלוֺם מִפְּנֵי
חֲרוֺן אַפ־יְהוָה׃
Jer 25.38
עָזַב כַּכְּפִיר סֻכּוֺ כִּי־הָיְתָה
אַרְצָם לְשַׁמָּה מִפְּנֵי חֲרוֺן
הַיֺּונָה וּמִפְּנֵי חֲרוֺן אַפּוֺ׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT