Jer 21

Teljes szövegű keresés

Jer 21
Jer 21.1
הַדָּבָר אֲשֶׁר־הָיָה אֶל־יִרְמְיָהוּ
מֵאֵת יְהוָה בִּשְׁלֹחַ אֵלָיו הַמֶּלֶך
צִדְקִיָּהוּ אֶת־פַּשְׁחוּר בֶּנ־מַלְכִּיָּה
וְאֶת־צְפַנְיָה בֶנ־מַעֲשֵׂה הַכֹּהֵן
לֵאמֹר׃
Jer 21.2
דְּרָשׁ־נָא בַעֲדֵנוּ אֶת־יְהוָה
כִּי נְבוּכַדְרֶאצַּר מֶלֶכְ־בָּבֶל
נִלְחָם עָלֵינוּ אוּלַי יַעֲשֶׂה
יְהוָה אוֺתָנוּ כְּכָל־נִפְלְאֹתָיו
וְיַעֲלֶה מֵעָלֵינוּ׃ ס
Jer 21.3
וַיֺּאמֶר יִרְמְיָהוּ אֲלֵיהֶם כֹּה
תֹאמְרֻן אֶל־צִדְקִיָּהוּ׃
Jer 21.4
כֹּה־אָמַר יְהוָה אֱלֹהֵי יִשְׂרָאֵל
הִנְנִי מֵסֵב אֶת־כְּלֵי הַמִּלְחָמָה
אֲשֶׁר בְּיֶדְכֶם אֲשֶׁר אַתֶּם נִלְחָמִים
בָּם אֶת־מֶלֶך בָּבֶל וְת־הַכַּשְׂדִּים
הַצָּרִים עֲלֵיכֶם מִחוּץ לַחוֺמָה
וְאָסַפְתִּי אוֺתָם אֶל־תּוֺך הָעִיר
הַזֺּאת׃
Jer 21.5
וְנִלְחַמְתִּי אֲנִי אִתְּכֶם בְּיָד
נְטוּיָה וּבִזְרוֺעַ חֲזָקָה וּבְאַף
וּבְחֵמָה וּבְקֶצֶף גָּדוֺל׃
Jer 21.6
וְהִכֵּיתִי אֶת־יֺושְׁבֵי הָעִיר
הַזֺּאת וְאֶת־הָאָדָם וְאֶת־הַבְּהֵמָה
בְּדֶבֶר גָּדוֺל יָמֻתוּ׃
Jer 21.7
וְאַחֲרֵי־כֵן נְאֻמ־יְהוָה אֶתֵּן
אֶת־צִדְקִיָּהוּ מֶלֶכְ־יְהוּדָה
וְאֶת־עֲבָדָיו וְאֶת־הָעָם וְאֶת־הַנִּשְׁאָרִים
בָּעִיר הַזֺּאת מִנ־הַדֶּבֶר מִנ־הַחֶרֶב
וּמִנ־הָרָעָב בְּיַד נְבוּכַדְרֶאצַּר
מֶלֶכְ־בָּבֶל וּבְיַד אֹיְבֵיהֶם
וּבְיַד מְבַקְשֵׁי נַפְשָׁם וְהִכָּם
לְפִי־חֶרֶב לֹא־יָחוּס עֲלֵיהֶ
וְלֹא יַחְמֹל וְלֹא יְרַחֵם׃
Jer 21.8
וְאֶל־הָעָם הַזֶּה תֹּאמַר כֹּה אָמַר
יְהוָה הִנְנִי נֺתֵן לִפְנֵיכֶם
אֶת־דֶּרֶך הַחַיִּים וְאֶת־דֶּרֶך
הַמָּוֶת׃
Jer 21.9
הַיֺּשֵׁב בָּעִיר הַזֺּאת יָמוּת
בַּחֶרֶב וּבָרָעָב וּבַדָּבֶר וְהַיֺּוצֵא
וְנָפַל עַל־הַכַּשְׂדִּים הַצָּרִים
עֲלֵיכֶם 1 יִחְיֶה 2 וְחָיָה וְהָיְתָה־לּוֺ
נַפְשׁוֺ לְשָׁלָל׃
Jer 21.10
כִּי שַׂמְתִּי פָנַי בָּעִיר הַזֺּאת
לְרָעָה וְלֹא לְטוֺבָה נְאֻמ־יְהוָה
בְּיַד־מֶלֶך בָּבֶל תִּנָּתֵן וּשְׂרָפָהּ
בָּאֵשׁ׃ ס
Jer 21.11
וּלְבֵית מֶלֶך יְהוּדָה שִׁמְעוּ
דְּבַר־יְהוָה׃
Jer 21.12
בֵּית דָּוִד כֹּה אָמַר יְהוָה
דִּינוּ לַבֹּקֶר מִשְׁפָּט וְהַצִּילוּ
גָזוּל מִיַּד עוֺשֵׁק פֶּנ־תֵּצֵא
כָאֵשׁ חֲמָתִי וּבָעֲרָה וְאֵין מְכַבֶּה
מִפְּנֵי רֹעַ 1 מַעַלְלֵיהֶם 2 מַעַלְלֵיכֶם׃
Jer 21.13
הִנְנִי אֵלַיִך יֺשֶׁבֶת הָעֵמֶק צוּר
הַמִּישֹׁר נְאֻמ־יְהוָה הָאֹמְרִים
מִי־יֵחַת עָלֵינוּ וּמִי יָבוֺא
בִּמְעוֺנֺותֵינוּ׃
Jer 21.14
וּפָקַדְתִּי עֲלֵיכֶם כִּפְרִי מַעַלְלֵיכֶם
נְאֻמ־יְהוָה וְהִצַּתִּי אֵשׁ בְּיַעְרָהּ
וְאָכְלָה כָּל־סְבִיבֶיהָ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT