Jer 14

Teljes szövegű keresés

Jer 14
Jer 14.1
אֲשֶׁר הָיָה דְבַר־יְהוָה אֶל־יִרְמְיָהוּ
עַל־דִּבְרֵי הַבַּצָּרוֺת׃
Jer 14.2
אָבְלָה יְהוּדָה וּשְׁעָרֶיהָ אֻמְלְלוּ
קָדְרוּ לָאָרֶץ וְצִוְחַת יְרוּשָׁלִַם
עָלָתָה׃
Jer 14.3
וְאַדִּרֵיהֶם שָׁלְחוּ 1 צְעוֺרֵיהֶם 2 צְעִירֵיהֶם
לַמָּיִם בָּאוּ עַל־גֵּבִים לֹא־מָצְאוּ
מַיִם שָׁבוּ כְלֵיהֶם רֵיקָם בֹּשׁוּ
וְהָכְלְמוּ וְחָפוּ רֹאשָׁם׃
Jer 14.4
בַּעֲבוּר הָאֲדָמָה חַתָּה כִּי לֹא־הָיָה
גֶשֶׁם בָּאָרֶץ בֹּשׁוּ אִכָּרִים חָפוּ
רֹאשָׁם׃
Jer 14.5
כִּי גַמ־אַיֶּלֶת בַּשָּׂדֶה יָלְדָה
וְעָזֺוב כִּי לֹא־הָיָה דֶּשֶׁא׃
Jer 14.6
וּפְרָאִים עָמְדוּ עַל־שְׁפָיִם שָׁאֲפוּ
רוּחַ כַּתַּנִּים כָּלוּ עֵינֵיהֶם
כִּי־אֵין עֵשֶׂב׃
Jer 14.7
אִמ־עֲוֺנֵינוּ עָנוּ בָנוּ יְהוָה
עֲשֵׂה לְמַעַן שְׁמֶךָ כִּי־רַבּוּ
מְשׁוּבֹתֵינוּ לְךָ חָטָאנוּ׃
Jer 14.8
מִקְוֵה יִשְׂרָאֵל מוֺשִׁיעוֺ בְּעֵת
צָרָה לָמָּה תִהְיֶה כְּגֵר בָּאָרֶץ
וּכְאֹרֵחַ נָטָה לָלוּן׃
Jer 14.9
לָמָּה תִהְיֶה כְּאִישׁ נִדְהָם כְּגִבּוֺר
לֹא־יוּכַל לְהוֺשִׁיעַ וְאַתָּה
בְקִרְבֵּנוּ יְהוָה וְשִׁמְךָ עָלֵינוּ
נִקְרָא אַל־תַּנִּחֵנוּ׃ ס
Jer 14.10
כֹּה־אָמַר יְהוָה לָעָם הַזֶּה כֵּן
אָהֲבוּ לָנוּעַ רַגְלֵיהֶם לֹא חָשָׂכוּ
וַיהוָה לֹא רָצָם עַתָּה יִזְכֹּר
עֲוֺנָם וְיִפְקֹד חַטֹּאתָם ס
Jer 14.11
וַיֺּאמֶר יְהוָה אֵלָי אַל־תִּתְפַּלֵּל
בְּעַד־הָעָם הַזֶּה לְטוֺבָה׃
Jer 14.12
כִּי יָצֻמוּ אֵינֶנִּי שֹׁמֵעַ אֶל־רִנָּתָם
וְכִי יַעֲלוּ עֹלָה וּמִנְחָה אֵינֶנִּי
רֹצָם כִּי בַּחֶרֶב וּבָרָעָב וּבַדֶּבֶר
אָנֺכִי מְכַהּ אוֺתָם׃ ס
Jer 14.13
וָאֹמַר אֲהָהּ אֲדֹנָי יְהוִה הִנֵּה
הַנְּבִאִים אֹמְרִים לָהֶם לֹא־תִרְאוּ
חֶרֶב וְרָעָב לֹא־יִהְיֶה לָכֶם
כִּי־שְׁלוֺם אֱמֶת אֶתֵּן כֶם בַּמָּקוֺם
הַזֶּה׃ ס
Jer 14.14
וַיֺּאמֶר יְהוָה אֵלַי שֶׁקֶר הַנְּבִאִים
נִבְּאִים בִּשְׁמִי לֹא שְׁלַחְתִּים
וְלֹא צִוִּיתִים וְלֹא דִבַּרְתִּי
אֲלֵיהֶם חֲזֺון שֶׁקֶר וְקֶסֶמוֶאֱלוּל 2 וֶאֱלִיל 1 וְתַרְמוּת 2 וְתַרְמִית
לִבָּם הֵמָּה מִתְנַבְּאִים לָכֶם׃
ס
Jer 14.15
לָכֵן כֹּה־אָמַר יְהוָה עַל־הַנְּבִאִים
הַנִּבְּאִים בִּשְׁמִי וַאֲנִי לֹא־שְׁלַחְתִּים
וְהֵמָּה אֹמְרִים חֶרֶב וְרָעָב לֹא
יִהְיֶה בָּאָרֶ הַזֺּאת בַּחֶרֶב וּבָרָעָב
יִתַּמּוּ הַנְּבִאִים הָהֵמָּה׃
Jer 14.16
וְהָעָם אֲשֶׁר־הֵמָּה נִבְּאִים לָהֶם
יִהְיוּ מֻשְׁלָכִים בְּחֻצוֺת יְרוּשָׁלִַם
מִפְּנֵי הָרָעָב וְהַחֶרֶב וְאֵין
מְקַבֵּר לָהֵמָּה הֵמָּה נְשֵׁיהֶם
וּבְנֵיהֶם וּבְנֺתֵיהֶם וְשָׁפַכְתִּי
עֲלֵיהֶם אֶת־רָעָתָם׃
Jer 14.17
וְאָמַרְתָּ אֲלֵיהֶם אֶת־הַדָּבָר הַזֶּה
תֵּרַדְנָה עֵינַי דִּמְעָה לַיְלָה
וְיֺומָם וְאַל־תִּדְמֶינָה כִּי
שֶׁבֶר גָּדוֺל נִשְׁבְּרָה בְּתוּלַת
בַּ־עַמִּי מַכָּה נַחְלָה מְאֹד׃
Jer 14.18
אִמ־יָצָאתִי הַשָּׂדֶה וְהִנֵּה חַלְלֵי־חֶרֶב
וְאִם בָּאתִי הָעִיר וְהִנֵּה תַּחֲלוּאֵי
רָעָב כִּי־גַמ־נָבִיא גַמ־כֹּהֵן
סָחֲרוּ אֶל־אֶרֶץ וְלֹאיָדָעוּ׃
ס
Jer 14.19
הֲמָאֹס מָאַסְתָּ אֶת־יְהוּדָה אִמ־בְּצִיֺּון
גָּעֲלָה נַפְשֶׁךָ מַדּוּעַ הִכִּיתָנוּ
וְאֵין לָנוּ מַרְפֵּא קַוֵּה לְשָׁלוֺם
וְאֵין טוֺב וּלְעֵ מַרְפֵּא וְהִנֵּה
בְעָתָה׃
Jer 14.20
יָדַעְנוּ יְהוָה רִשְׁעֵנוּ עֲוֺן
אֲבוֺתֵינוּ כִּי חָטָאנוּ לָך׃
Jer 14.21
אַל־תִּנְאַץ לְמַעַן שִׁמְךָ אַל־תְּנַבֵּל
כִּסֵּא כְבוֺדֶךָ זְכֹר אַל־תָּפֵר
בְּרִיתְךָ אִתָּנוּ׃
Jer 14.22
הֲיֵשׁ בְּהַבְלֵי הַגֺּויִם מַגְשִׁמִים
וְאִמ־הַשָּׁמַיִם יִתְּנוּ רְבִבִים
הֲלֹא אַתָּה־הוּא יְהוָה אֱלֹהֵינוּ
וּנְקַוֶּה־לָּך כִּי־אַתָּה עָשִׂיתָ
אֶת־כָּל־אֵלֶּה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT